Новости за 08.05.2019

Мамлекеттик каттоо кызматынын мурдагы төрагасы, президенттин кеңешчиси Дастан Догоев Улуттук коопсуздук боюнча мамлекеттик комитетке (УКМК) сегиз саатка чукул сурак берип чыкты.

Орусиянын Тергөө комитетинин кабарлашынча, Варшаванын өтүнүчүнүн негизинде поляк адистерине дагы бир жолу учактын калдыктарын изилдөөгө май айынын акырында уруксат берилет. Польшанын учагы 2010-жылдын 10-апрелинде Смоленск шаарынын жанынан учуп баратып токойго кулап түшкөн. Авиакырсыкта Польшанын президенти Лех Качинский жубайы менен, ошондой эле жүзгө жакын польшалык саясатчы, мамлекеттик ишмер, журналист жана аскер жетекчилери каза тапкан. Алар 1940-жылы совет бийлиги тарабынан өлтүрүлгөн польшалык... Читать дальше...

9-май - Жеңиш майрамы Орусияда, мурдагы советтик өлкөлөрдө, анын ичинде Кыргызстанда да согушта курман болгондорду эскерген «Өлбөс полк» акциясы менен коштолот.

Жыйырма миллиондон ашык адамдын өмүрүн алып, миллиондогон тагдырды талкалаган Экинчи дүйнөлүк согуштун алааматын азыркы муун элес албаганы менен жалпы адамзаттын эс тутумунда түбөлүк орун алган. Ага согушта от кечип жүрүп, жакындарынын жүзүн бир көрүүгө зар болгон жоокерлердин каттары жакшы далил. Юстиция министрлигинин мамлекеттик соттук экспертиза борбору фронттон жазылган 10 катты иликтеп, мазмунун аныктаган. Анткени, каттар эски кагаздардын үзүндүсүнө, тылдан барган каттардын артына же анда жазылган саптардын арасына жашыл... Читать дальше...

Дүйшөмбү шаарынын соту 7-майдагы чечими менен Орусияда жана Казакстанда иштеп келген 12 мигрантты экстремизмге байланыштуу 5 жылдан 8 жылга чейинки мөөнөткө түрмөгө кести. Ошондой эле дагы алты кишиге жалпы суммасы 30 миң сомони (3200 АКШ доллары) өлчөмүндө айыппул салынды. Судьянын сотто айтканына караганда, алар алгач Орусияда, кийин Казакстанда жүрүп, «Ислам мамлекетти» террордук уюмунун идеологиясын жайылткан Косим Гиёсовдун азгырыгына илинген. Косим Гиёсов өзү да Казакстанда экстремизм үчүн айыпталып, учурда абакта жатат. Читать дальше...

Кримтөбөл Азиз Батукаевдин абактан эрте бошоп кетиши боюнча онколог-дарыгерлер камакка алынды. Талдоочулар эгер бул иш тыкыр иликтенчү болсо, бир катар жетекчилер жоопко тартыларын айтып жатышат. Батукаев маселесинин алты жылдан кийин гана кайра козголуп жатышынын артында кандай кызыкчылыктар бар жана анын жыйынтыгы кандай болушу мүмкүн? Кримтөбөлдүн айланасында түзүлгөн соңку кырдаал кайра эле мурдагы жана азыркы бийликтин саясий оюнунун туундусу болуп жатабы? Студиянын коногу – Жогорку Кеңештин мурдагы депутаты Равшан Жээнбеков.

Түркиядагы башкы оппозициялык Элдик-республикалык партия Жогорку шайлоо комиссиясынан былтыркы президенттик, парламенттик жана быйылкы жергиликтүү шайлоолордун бардыгынын жыйынтыгын жокко чыгарууну талап кылды. Алар мындай талапты шайлоо мекемеси 31-марттагы Стамбулдагы мэр шайлоонун жыйынтыгын жокко чыгарып, 23-июнга кайра шайлоо белгилегенден кийин эки күндөн соң билдирди. 31-мартта төрт шаар-аймакта жергиликтүү бийлик өкүлдөрүн шайлоо өтүп, алардын ичинен бир гана Стамбудагы шайлоонун жыйынтыгы жокко чыгарылган. Читать дальше...

Суданда саясий кризис уланып жатат. Бийликке келген генералдар өлкөнү шарият мыйзамдары менен башкарууну сунушташты. Москвада мыйзамсыз мигранттар үчүн жасалма документтерди даярдоо жана сатуу менен алектенген ондогон борбор азиялыктар кармалды. Актер Жорж Клуни жубайы, адвокат Амаль Клуни менен сыймыктанарын айтты.

Мамлекеттик каттоо кызматынын мурдагы жетекчиси, президенттин кеңешчиси Дастан Догоев дээрлик сегиз саат бою Улуттук коопсуздук боюнча мамлекеттик комитетке (УКМК) сурак берип чыкты. Жарандык активист Рита Карасартованын «Азаттыкка» билдиргени боюнча, Догоев өлкөдөн чыкпоо тууралуу тилкат жазып берген. Бирок Догоевдин адвокаты Бакыт Осмоналиев анын өлкөдөн чыгышына тыюу салынбаганын, күбө катары гана суракка чакырылганын билдирди.  Догоевди саат 11де УКМК кызматкерлери алып кеткен бойдон чыкпай... Читать дальше...

Жаза аткаруу мамлекеттик кызматынын (ЖАМК) мурдагы жана азыркы үч кызматкери кримтөбөл Азиз Батукаевдин бошотулушуна байланыштуу камалды. Бул тууралуу «Азаттыкка» Кыйноонун алдын алуу боюнча улуттук борбордун жетекчиси Нурдин Сулайманов билдирди: - Булар азыр ИИМдин убактылуу кармоочу жайында. Борбордун өкүлдөрү үчөө менен тең сүйлөшүп чыгышты. Алар ЖАМКтын азыркы жана мурда иштеген дарыгерлери. Бүгүн алардын бөгөт чарасы каралышы керек.  ИИМ бул боюнча маалымат берген жок.  Буга чейин Азиз... Читать дальше...

Актриса жана ырчы, Кыргызстандын эмгек сиңирген артисти Самида Холматова соңку жылдары диний амалдарды аткарып, ислам таануучулук менен да алектенип жүрөт. Чыгармачылыкты таштаган жок. Ошто Бабур атындагы өзбек драма театрындагы алдыңкы актрисаны кыргыз коомчулугуна тааныштырып коюуну туура көрдүк.

Иран өзөктүк келишимге ылайык өзүнө алган айрым милдеттенмелерин аткарууну токтотоорун эскертти.

Баткен районунун Суу-Башы айыл аймагында Улуу Ата Мекендик согуштун ардагерлери 94 жаштагы Шергазы Сүйүнов менен 95 жаштагы Сейдакмат Таштемировго айыл өкмөтү тарабынан, 9-май - Улуу Жеңиш майрамына карата автоунаа тапшырылды.  Салтанаттуу иш-чарага өкмөттүн Баткен облусундагы ыйгарым укуктуу өкүлү Акрам Мадумаров катышып, ардагер аталарга белектерин ыйгарып, майрамдык каалоо-тилектерин билдирди.  Баткен облусунан Улуу Ата Мекендик согушка 20766 киши аттанып, анын ичинен 14213 кайтып келген эмес. Читать дальше...

Суданда демонстранттардын лидерлери менен өткөөл аскердик өкмөт кризисти жөнгө салууда дагы эле бир пикирге келе элек.

Жалил Атамбаев «Азаттыктын» иликтөөчү журналисти Ыдырыс Исаковдун үстүнөн жазган арызынан баш тартканын билдирди.

Москвада мыйзамсыз мигранттар үчүн жасалма документтерди даярдоо жана сатуу менен алектенген ондогон борбор азиялык жаран кармалды. Федералдык коопсуздук кызматы (ФСБ) Ички иштер министрлиги менен чогуу өткөргөн атайын операциянын алкагында 56 киши кармалганын ФСБ өз сайтында кабарлады. Ошондой эле документтерди даярдаган 11 лаборатория аныкталган. Билдирүүгө ылайык, кылмыштуу топтун мүчөлөрү чет өлкөлүк жарандарга Орусиянын аймагында калууга уруксат берген жасалма паспортторду, миграциялык карталарды жана башка документтерди жасап жүрүшкөн. Читать дальше...

Кыргызстанда эхинококкоз илдетине чалдыккандар жылдан жылга азаюуда. Бул тууралуу Айыл чарба, тамак-аш өнөр жайы жана мелиорация министрлигине караштуу айыл чарба долбоорлорун ишке ашыруу бөлүмү кабарлады. Мекеменин маалыматына караганда, 2014-жылга чейин бул оору көп катталып келген. Мисалы, ошол жылы 1185 адам эхинококкоз менен ооруган болсо, улам азайып жатып былтыр 906 адам болду. Төрт жылга жетпеген мезгил аралыгында бул дартка чалдыккандар 279 учурга аз катталды. Мындай көрсөткүчтү адистер... Читать дальше...

Дүйнө жүзүндө өтө тез жана чоң өзгөрүүлөр жүрүп жатат. Бул өзгөрүүлөр жалпы адамзаттын жашоосуна тарыхта болбогондой таасир этет.

Ош шаарындагы үйлөрдө чыккан өрт толук өчүрүлдү. Өзгөчө кырдаалдар министрлигинин маалыматына караганда, бүгүн 8-майда Оштун Пахта көчөсүндө жайгашкан №11,13,15 үйлөрдө өрт чыккан. Тилсиз жоодон үч үйдүн болжол менен 250 чарчы метр чатыры, бөлмөлөрдүн шыбы күйүп кетти. Адамдар арасында каза болгондор жана жабыркагандар жок.

Президенттин кеңешчиси Дастан Догоев беш сааттан бери УКМКда суракта отурат, ал адвокат керек экенин айтууда. Бул тууралуу «Азаттык» радиосуна «Интернет саясатынын жарандык демилгеси» коомдук фондунун жетекчиси Таттуу Мамбеталиева билдирди: - Саат 11де УКМКдан эки кызматчы келип, документин көрсөтүп, эшикке алып кетишкенин мага аны менен чогуу иштегендер айтып беришти. Саат 16га чейин эч маалымат жок болду. 16.00дөн кийин Дастандын келинчеги чалып, ал чогуу иштегендеринен «адвокат таап бергилечи... Читать дальше...

Пакистанда «исламга жана пайгамбарга акарат келтирди» деген айып менен сегиз жыл түрмөдө отуруп, кийин акталган христиан аял Асия Биби Канадага учуп кетти. Бул маалыматты Пакистандын аткаминерлери тастыкташты. Асия Биби Канадага качан чыгып кеткени белгисиз. Бирок анын адвокаты аял Канадага жетип, эки кызынын жанында экенин билдирди. Бибинин эки кызы бул өлкөдөн башпаанек алган. Беш баланын энеси, 54 жаштагы христиан аял «пайгамбарга акарат келтирген» деп айыпталган. Ал 2009-жылы июнда камакка алынып... Читать дальше...

Шереметьево аэропортунда болгон кырсыктан 41 адам набыт болду.

8-майда Тайвань парламентинин алдында бир жыныстуу түгөйлөрдүн никесине уруксат берген мыйзамды жактагандар жана ага каршы чыккандар эки башка акция өткөрүштү. Тайванда былтыр ноябрда өткөн референдумда гомосексуалдар ортосундагы никеге уруксат берүү боюнча суроо калктын колдоосун тапкан эмес. Ага чейин өлкөнүн Конституциялык соту бир жыныстуу никелерге уруксат берген чечим кабыл алган. Мыйзам долбоорун эми 24-майда парламент карайт. Документте бир жыныстуу түгөйлөргө бала асырап алууга да уруксат берилет. Читать дальше...

Улуу Жеңиш күнүнө карата Чолпон-Ата шаарында өтүп жаткан көкбөрү боюнча республикалык турнирде жогорку лигада 3-орунду Чүйдүн «Сары-Өзөн» командасы алды. Бүгүн, 8-майда 3-орун үчүн болгон беттеште «Сары-Өзөн» оюнчулары Чүй облусунун дагы бир «Сары-Өзөн Рассвет» командасын 3:1 эсебинде жеңди. Көк бөрү (Жогорку-лига, 3-орун үчүн беттеш): “Сары-Өзөн” – “Рассвет” 3:1. 8-май, 2019-ж. Чолпон-Ата шаары. Жеңиш күнүнө карата уюштурулган республикалык көкбөрү турнири биринчи лига менен жогорку лигадагы командалар арасында өтүп жатат. Читать дальше...

1941-жылы Ленинград шаарын фашисттик Германиянын аскерлери курчоого алып, шаардагы балдар эвакуацияланган. Алардын айрымдары Кыргызстанга да алып келинген.