Украинан президент хила гIерта шоумен Зеленский

Украинан президентан харжамашкахь дакъалаца шен лаам хиларх дIахаийтина шоумена, продюсеро Зеленский Владимира Украинан бахархошка. Керла шо тIекхача масех минот йисинчул тIаьхьа "1+1" телеканалехь кхайкхамбина цо ишта. ХIоьттинчу хьолехь хIора украинхочун кхо некъ бу аьлла Зеленскийс: хIинццалц санна вахар, я кхечу пачхьалкхе болх - некъ лаха дIавахар, ткъа кхолгIаниг ша хаьржинарг.


Оршотдийнахь официалехь йолаелла Украинан президентан харжаман кампани. Украинан президент хоржур ву Зазадоккхучу-беттан 31-чохь.


Бинчу социалан хаттамца, президентан харжамийн кандидаташлахь хьалха ю "Батькивщина" партин лидер Тимошенко Юлия. ШолгIа меттиг дIалоцу Зеленскийс. Рейтингехь кхоалгIачу могIарехь дIатарвелла Порошенко.