Аюлар зоопарк хезмәткәрен килүчеләр алдында өзгәләп аткан
(Казан, 19 октябрь, «Татар-информ»). Шанхай кыргый табигать паркында берничә аю килүчеләрнең күз алдында зоопарк хезмәткәрен өзгәләп аткан. Бу хакта Global Times басмасына сылтама белән РИА Новости хәбәр итә.
Әлеге хәл шимбә көнне булган. Зыян күрүчене ерак түгел эшләгән экскаватор машинасын йөртүче коткарып калырга тырышса да, аюлар корбанның мәетен өстерәп алып киткән. Шуннан соң аңа үзенә дә машинадан чыгу өчен полиция килүен көтәргә туры килгән.
Паркта фаҗига буенча тикшерү башланган. Аюлар торган секцияне вакытлыча япканнар.