بامیان کې د سولې او یووالي تر عنوان د ګلف لوبې ترسره کېږي
په بامیان کې د لومړي ځل لپاره د سولې او یووالي تر عنوان د ګلف لوبې ترسره کېږي.
د افغانستان د ګلف فدراسیون عمومي منشي عمران علي نن ازادي راډيو ته وویل چې دغه لوبې د سېپټېمبر له څلورمې پیل او درې ورځې نور به هم دوام وکړي.
نوموړي وویل،چې د لوبې په پای کې به غوره لوبغاړي انتخاب شي څو نړېوالو لوبو ته ور وپېژندل شي.
د فدراسیون د مسئولینو په وینا، دامهال د ګلف نږدې ۴۰۰ لوبغاړي دي.
د دغه فدراسیون په وینا، راتلونکي کال به دا لوبې په هرات کې ترسره شي.