د اسلامي هېوادونو د همکارۍ سازمان په افغانستان کې ډېر ژر د جګړې ختمول غوښتي
د اسلامي هېوادونو د همکارۍ سازمان (او. آی. سي) په افغانستان کې ډېر ژر د جګړې ختمول غوښتي دي.
د اسلامي هېوادونو د همکارۍ سازمان (او. آی. سي) په افغانستان کې ډېر ژر د جګړې ختمول غوښتي دي.
د افغانستان لپاره د امریکا د متحدو ایالاتو سفیر جان بس ویلي چې انتخابات او سوله دواړه مهم دي، خو امریکا ته په افغانستان کې سوله تر هر څه لومړیتوب لري ځکه سوله د افغانستان خلکو ته تر هر څه لومړیتوب لري.
د ثبات او همپالنې ټیم مشر عبدالله عبدالله د خپل یوې کمپایني غونډې پرمهال په راتلونکي نوي حکومت کې د ښځو د سیاسي مشارکت پر ډېروالي ټینګار کوي.
د سمنګان د ولايتي شورا يو غړى سید عبدالحلیم اغا د وسله والو طالبانو له خوا وژل شوى دى. چارواکي وايي، عبدالحليم اغا پرون له خپلو څلورو ملګرو سره د بغلان ولايت په چشمه شېر سيمه کې تښتول شوى و. د سمنګان د ولايتي شورا رئيس راز محمد له ازادي راډيو سره په خبرو کې وويل چې د ولايتي شورا غړى سيد عبدالحليم اغا او يو ملګرى يې د وسله والو طالبانو له خوا وژل شوي دي. د بغلان د امنيې قوماندانۍ وياند احمد جاويد بشارت دا پېښه تأييد کړه او ويلي يې دي چې د دغو کسانو جسدونه ترلاسه شوي دي. وسله والو طالبانو د دې پېښې په اړه څه نه دي ويلي. Читать дальше...
د اسلامي همکارۍ سازمان سرمنشي له وسله والو طالبانو وغوښتل چې له افغان حکومت سره مخامخ خبرو ته حاضر شي. جمهوري رياست وايي، یوسف بن احمدالعثیمین دا خبره نن تر غرمې مخکې په جده کې له ولسمشر محمد اشرف غني سره په کتنه کې وکړه. د جمهوري رياست په اعلاميه کې راغلي چې د اسلامي همکاريو سازمان سرمنشي د سولې د بين الافغاني مذاکرو او د جمهوري رياست د ټاکنو ملاتړ هم کړى دى. دا بحثونه په داسې حال کې شوي چې په قطر کې د امريکا د هيئت او طالبانو ترمنځ د سولې نهم پړاو مذاکرې روانې دي. ولسمشر غني په جده کې... Читать дальше...
د لوګر د ولايتي شورا رئيس ادعا کوي چې د بهرنيو ځواکونو په هوايي حمله کې ملکيانو ته مرګ ژوبله اوښتې ده. د ده په خبره، دغه حمله تېره شپه شوې چې په نتيجه کې يې ١ ملکي تن وژل شوى او ٤ نور ټپيان دي. د ولايتي شورا رئيس حسيب الله ستانکزي ازادي راډيو ته وويل: دوى له هوا درې کورونه په نښه کړي، په يوه کور کې يو کس چې د موټرو پلورنځى لري، شهيد شوى، په هغه کور کې ٢ ماشومان او ٢ مېرمنې ټپيان شوي، دوى تر درملنې وروسته خپلې کورنۍ ته سپارل شوي دي. تر دې مخکې ٢٠٣ تندر قول اردو په يوه اعلاميه کې ويلي وو چې د... Читать дальше...
د ايران يوې محکمې ليکوال او طنز ليکونکى کيومرث مرزبان په ٢٣ کاله او ٩ مياشتو بند محکوم کړ. محکمې دى د امريکا له متحدو ايالتونو سره د همکارۍ تر څنګ په نورو تورونو محکوم کړ. د مرزبان مدافع وکيل محمد حسين اقاسي پرون ازادي راډيو ته وويل چې موکل يې له يوه متخاصم هېواد سره په همکارۍ، د نظام پرضد په پروپاګند، دغه راز مقدساتو او چارواکو ته په سپکاوي محکوم شوى دى. اقاسي ويلي، د دې حکم په وړاندې به د استېناف غوښتنه وکړي او دده په خبره، موکل يې د طنزي مطالبو له ليکلو او په رسنيو کې يې د هغوى له خپرولو پرته بل څه نه دي کړي. Читать дальше...
د لبنان پوځ وايي د اسرائيل دوو بې پیلوټه الوتکو د بيروت په جنوب کې د حزب الله ډلې دوه قوي سنګرونه ويشتلي دي. خو دغه شيعه ډله چې ايران يې ملاتړ کوي، بيا وايي چې يوې الوتکې يې د رسنيو مرکز تخريب کړى دى. د لبنان پوځ نن په يوه اعلاميه کې ويلي چې د اسرائيل دغو دوو الوتکو نن سهار وختي د لبنان له فضايي حريم څخه سرغړونه کړې ده. اعلاميه زياتوي، لومړۍ الوتکه په داسې حال کې نسکوره شوه چې دوهمه په فضا کې منفجره شوه او مالي زيان يې واړاوه. د لبنان صدراعظم سعد حريري دا د لبنان پر حاکميت ښکاره تېرى بللى... Читать дальше...
وسله وال طالبان د مزار- جوزجان پر لویه لار له مسافرینو او موتړ چلوونکو باج اخلي او د نفتي توکو د لېږد ټانکرو ته اور اچوي.
د کندز امنیه قوماندان وايي چې په دې وروستیو کې وسله والو طالبانو پرمختللو وسلو او پوځي تجهیزاتو ته لاسرسې پیدا کړی او د دوربین لرونکو وسلو په وسیله د شپې له خوا د امنیتي ځواکونو پر پوستو برېدونه کوي.
له انتخاباتي کمپاینونو د یوې میاشتې په تېرېدو او د ولسمشریزو انتخاباتو په رانږدې کېدو سره، تراوسه یوازې دوو کاندیدانو د انتخاباتو خپلواک کمېسیون ته خپل څارونکي ورپېژندلي دي.
د کونړ د پېج درې یو شمېر اوسېدونکي وايي، دغه دره چې پخوا د مرګ درې په نوم مشهوره وه، اوس امن دره ده.
پاکستاني چارواکي وايي، له هند سره د کشمیر پر سر د ترینګلتیا باجود به د سیکانو لپاره د کرتارپور لاره خلاصوي. دوی وايي دا چې موجوده حکومت پخوا ژمنه کړې وه
د سعودي عربستان رسنۍ وايي، د افغانستان ولسمشر محمد اشرف غني تېره شپه د عمرې د ادا کولو ترڅنګ د دغه هېواد له چارواکو سره وکتل. د سعودي عربستان د خبري اژانس (SPA) د راپور له مخې، ولسمشر غني مکې مکرمې ته له رسېدو سره سم د سعودي عربستان له جګپوړو چارواکو سره ولیدل. د سعودي عربستان يوه ورځپاڼه عرب نیوز وايي چې د افغانستان ولسمشر پرون شنبه په رسمي سفر جدې ته ورسېد او د دې ولایت والي او د سعودي د سوداګرۍ او پانګونې وزیر یې هرکلی وکړ. سعودي رسنیو د خپل هېواد له چارواکو سره د افغانستان د ولسمشر د خبرو د جزیاتو په اړه څه نه دي ویلي. Читать дальше...
د کندهار په شاولیکوټ او شورابک ولسوالیو کې ۲۱ وسله وال وژل شوي دي. د کندهار امنيتي چارواکي وايي، په پوځي عملياتو کې بهرنيو ځواکونو هم برخه درلوده. د کندهار د پوليسو ویاند جمال ناصر بارکزي ازادي راډيو ته وويل چې دغو وسله والو غوښتل چې پر امنیتي ځواکونو بريدونه وکړي. ده وویل: د شاه وليکوټ ولسوالۍ په مانو سيمه کې د بهرنيو ځواکونو په بمبارۍ کې چې د طالبانو پر يوه کمين يې کړې، ١٣ وسله وال وژل شوي او ٣ تنه ټپيان دي، دغه راز د شورابک ولسوالۍ په چولې سيمه کې د بهرنيو ځواکونو په هوايي حمله کې ٨ وسله وال طالبان وژل شوي دي. Читать дальше...
د فراه ولايت چارواکي وايي، په پشت رود ولسوالۍ کې د تېرې شپې په پوځي عملياتو کې ٨ تنه وسله وال طالبان وژل شوي دي. دغه ګډ پوځي عمليات چې د ناټو د قاطع ملاتړ ماموريت هم په کې همکاري کوي، د پشت رود په مربوطاتو کې تېره اوونۍ پيل شوي دي. د فراه د امنيې قوماندانۍ وياند محب الله محب نن وويل چې په وژل شويو کې د طالبانو يو مهم قوماندان هم شامل دى. دی وایي: تر اوسه ٨ ترورېست طالبان وژل شوي چې د حافظ سهيل په نوم د دوى يو مهم قوماندان هم په کې شامل دى، په دغو ساحو کې تصفيوي عمليات لا هم روان دي. د فراه... Читать дальше...
د افغانستان د ملي اردو چارواکي وايي، د غوڅ ملاتړ د ماموريت په مرسته يې د لوګر په څو سيمو کې پوځي عمليات کړي دي. ٢٠٣ تندر قول اردو نن په يوه اعلاميه کې ويلي چې دغه پوځي عمليات پرون د لوګر په څو سيمو کې شوي دي. د اعلاميې په حواله، په دغو عملياتو کې ٦ تنه وسله وال طالبان وژل شوي چې د مولوي محمد بشير حليم په نوم د دوى يو مشر هم په کې شامل دى. ٢٠٣ تندر قول اردو وايي، مولوي بشير حليم په څرخ او په وروستيو کې په برکي برک ولسوالۍ کې د طالبانو د ولسوال په توګه دنده ترسره کوله. وسله والو طالبانو په دې اړه څه نه دي ويلي.
د هلمند والي وايي، داعش تراوسه په هلمند کې حضور نه لري، خو پلان لري چې په دغه ولایت کې د جلب او جذب پروګرام پیل کړي.
په غزني ولایت کې د مېرمنو لپاره د مېرمنو له لوري کافي شاپ جوړ شو. د دغه کافي شاپ مسؤلې معصومې زرین په سیمه کې خبریالانو ته ویلي دي چې د دغه ډول کوچنیو کاروبارونو په جوړولو سره د مېرمنو په اقتصادي وضعیت کې پراخه بدلون رامنځته کېدای شي. اغلې زرین دا هم ویلي چې په غزني ښار کې دا لومړنی کافي شاپ دی چې د مېرمنو له لوري د مېرمنو لپاره ځانګړی جوړېږې. هغې دا هم ویلي چې په دې کافي شاپ ټول نږدې څلور زره ډالر لګښت راغلی دی او دا تمه لري چې په اقتصادي وضعیت کې به يې بدلون رامنځته شي.
د افغانستان د سوداګرۍ او صنایعو خونه وايي چې سږ کال له پاکستان سره سوداګریزه راکړه ورکړه ډېره شوې ده. د دې خونې سرپرست خان جان الکوزي نن ازادي راډيو ته وویل چې تېر کال له دغه هېواد سره سودګریزه راکړه ورکړه تر ۱۲۰۰ میلیونو ډالرو راښکته شوې وه، خو سږ کال دا شمېر ان یو نیم ميلیارد ډالرو ته پورته شوی دی. دی وایي: که اړيکې ښې شي، نو د داوړو هېوادونو لپاره په سوداګریزه برخه کې ډېره ښه ده، اوس مهال پاکستان ته زموږ صادرات ډېر شوي او د پاکستان واردات کم شوي دي. نوموړی وايي، پاکستان ته د افغاني صادراتو... Читать дальше...
بریتانیا وايي، فارس خلیج ته درېيمه جنګي بېړۍ هم لېږي چې په دې کړکېچنه سیمه کې د بېړیو د تګ راتګ ازادي خوندي کړي. د بریتانیا دفاع وزیر بن والېس پرون شنبه وویل، د نړۍ په هر ګوټ کې د بېړیو د ازاد تګ راتګ دفاع کوي. د دغه هېواد د بهرنیو چارو وزارت وویل چې د دغه هېواد جنګي بېړۍ اېچ اېم اېس دیفینډر به په خلیج کې له دوو نورو بریتانیايي جنګي بېړیو مانتروز او کینټ سره یوځای شي چې په هُرمز تنګي کې د بریتانیايي بېړیو ساتنه وکړي.
بریتانیا وايي، دوی درېیمه جنګي بېړۍ هم د فارس خلیج ته استولې څو دغلته د بریتانوي کښتیو ازاد تګ راتګ ډاډمن کړي.
ټاکل شوې چې د افغانستان د فوټبال ملي لوبډله د مرکزي اسیا په سیالیو کې له برخې اخیستنې وروسته نن هېواد ته راستنه شي. افغان لوبډلې په دې سیالیو کې شپږم مقام خپل کړ او په روانو سیالیو کې يې سفر پای ته ورسېده. افغان لوبډلې په دې سیالیو کې چې د تېرې اوونۍ د دوشنبې په ورځ پیل شوې وې، وتوانېده چې د بنګله دېش په وړاندې بریا خپله کړي، خو د ازبکستان، ترکمنستان او نیپال په وړاندې يې ماته ومنله. د یادولو وړ ده چې د دې سیالیو د ۲۰۱۴ کال په لوبو کې افغانستان درېیم مقال خپل کړی و.
د افغانستان کرکټ بورډ د بودجې د کمښت او کاري کیفیت د رامنځته کولو په هدف خپل ۴۳ کارکوونکي له دندو ګوښه کړل. د کرکټ بورډ ویاند فرید هوتک نن ازادي راډیو ته وویل چې دغه اقدام د دغې ادارې د کارکوونکو پر تشکیل له بیا کتنې وروسته شوی دی. د ښاغلي هوتک په خبره، د کرکټ بورډ د بشري سرچینو د پرېکړې پر بنسټ ياد ۴۳ کسان په تشکیل کې اضافي وګڼل شول او قراردادونه ورسره پای ته ورسول شول. د افغانستان د کرکټ بورډ د معلوماتو له مخې، د ياد شمېر کسانو معاشونه په میاشتني ډول يو میليون افغانیو ته رسېدې چې د نوې تګلارې... Читать дальше...
په ارزګان کې افغان ګډو ځواکونو د عملیاتو پرمهال د ملکي خلکو له کورنو او ځمکو لسګونه کړۍ ماینونه را ایستلي دي.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
123ru.net — живые новости в прямом эфире!
В любую минуту Вы можете добавить свою новость мгновенно — здесь.