Новости за 27.08.2019

Тышкы иштер министрлиги Алматы-Бишкек трассасынын 132-чакырымында болгон жол кырсыгы тууралуу маалымат таратты. 25-августта «Тойота Ист» менен «Тойота Камри 30» машиналары кагылышып, түрдүү жаракат алган 25 жана 18 жаштагы эки кыргызстандык Жамбыл райондук ооруканасына жеткирилген.  Казакстандын Алматы облустук полиция департаментинин маалыматына караганда, 26-августтун кечинде 25 жаштагы жигит кырсык учурунда алган оор жаракатынан уламказа болду. Кыргызстандын Алматыдагы консулдугу жана полиция... Читать дальше...

Башкы прокуратуранын тараткан маалыматына ылайык, Аскер прокуратурасынын мыйзамсыз баюу фактысынын сотко чейинки өндүрүшүнүн алкагында камакка коюлган Алмазбек Атамбаевдин мүлкүн текшериш үчүн 17-августа Ички иштер министрлигинин Тергөө кызматы Башкы прокуратурага жөнөткөн.   Башкы көзөмөл органынын изилдөөсүнөн кийин камакка коюлган мүлктүн арасынан 20сынан камак чарасы алынды. Алардын ичинде «Жал» кичи районундагы №77 турак үйдөгү 18 батир жана «Телерадио уюмдарынын ассоциациясы» уюму бар.... Читать дальше...

Орусия АКШдагы Висконсин штатынын республикачыл сенатору Рон Жонсонго виза берүүдөн баш тартты. Бул тууралуу сенатор өзү «Твиттердеги» баракчасына жазып, муну Орусиянын президенти Владимир Путинди жана анын саясатын сындап келгени менен байланыштырды.  Рон Жонсон Сенаттын Ички коопсуздук комитетин жетектейт жана 2014-жылы Орусия Крымды аннексиялап алганда бул окуяны «тарыхый масштабдагы трагедия» деп сыпаттаган. Сенатор - Орусияны Украинага жасаган мамилесинен улам жазалоочу чараларды камтыган бир катар мыйзам долбоорлорун демилгечиси. Читать дальше...

Бишкектин Свердлов райондук сотунун мурдагы судьясы Дөөлөтбек Турдукожоев бир катар кылмыштар боюнча шектүү катары өтүп жатат. Ага Жазык кодексинин (эски кодекстер боюнча) төрт беренеси - «Кызмат абалынан кыянат пайдалануу», «Ыйгарым укуктарынан аша чабуу», «Кызмат абалынан пайдаланып документти жасалмалоо» жана «Атайылап сот адилеттигине жатпаган өкүм чыгаруу» беренелери шек саналып жатканы тууралуу маалымкат тапшырылганын Башкы прокуратуранын басма сөз кызматы кабарлады. Прокуратура тараткан маалыматка караганда... Читать дальше...

Германияда 25-августта «Volkswagen» автоконцернинин мурдагы төрагасы жана башкы директору Фердинанд Пиех 82 жаш курагында каза болду. Фердинанд Пиех бул автоконцернге 1993-жылы директор болуп дайындалган. Анын тушунда сапаттуу жана кымбат машинелерди чыгарууга көңүл бурулган. Компаниянын кирешеси бир канча эсе көбөйүп, дүйнөлүк лидерге айланган. Пиех бул компаниянын төрагалык кызматынан 2015-жылы, ошол кездеги башкы директор Мартин Винтеркорн менен тил табыша албай кеткен. Ал 1937-жылы Австрияда төрөлгөн. Читать дальше...

Бүгүн, 27-августта таң эрте «Фёдор» аттуу робот түшкөн «Союз МС-14» кемеси Эл аралык космостук станцияга жалгашты. Аталган кеме 24-августта станцияга чиркеше албай калган эле. Мындан улам кеме үчүн башка модулдук жай даярдалган. Биринчи гуманоид роботту ташыган «Союз» кемеси 22-августта Казакстандын Байкоңур аэродромунан учуп чыккан. «Роскосмос» «Фёдор» Эл аралык космос станциясында 10 күн болорун, астронавттар менен иштешүүнү үйрөнө турганын маалымдаган.  «Фёдордун» бою 1,8 метр, ал эми салмагы 160 килограммга жетет. Читать дальше...

Мурунку президент Алмазбек Атамбаевдин жан сакчысы Канат Сагымбаев Аскер прокуратурасына кайрадан суракка чакырылды. Адвокат Замир Жоошевдин «Азаттыкка» айтканы боюнча, ал бүгүн күбө катары суралып жаткан кызматташы менен беттештирилет. - Беттештирүү күбөлөрдүн көрсөтмөлөрү бири-бирине окшошпой, карама-каршылыктар болуп калса өткөрүлөт. Аны кайсы бир берене боюнча айыпташы мүмкүн деген божомол бар, - деди Замир Жоошев.  Алмазбек Атамбаев 8-августта Ички иштер министрлигинин (ИИМ) атайын операциясынан соң кармалып... Читать дальше...

«Республика» партиясынын лидери Өмүрбек Бабанов 27-августта Экономикалык кылмыштарга каршы күрөш боюнча мамлекеттик кызматка (Финполиция) кайрадан суракка бармак. Бирок аталган партиянын өкүлдөрү сурак 29-августка жылып калганын маалымдашты. Бул маалыматты Финполиция да бышыктады. Бирок 27-августка белгиленген сурак эмне үчүн болбой калганын билдирген жок.  2017-жылдагы президенттик шайлоодо азыркы мамлекет башчы Сооронбай Жээнбековдун негизги атаандашы болгон Бабанов утулуп калган. Кийин Кыргызстандан чыгып кетип... Читать дальше...

Ирандын президенти Хассан Роухани Вашингтон менен Тегерандын мамилеси тууралуу АКШнын лидери Дональд Трамптын айткандарына жооп берди. Анда ал АКШ санкцияларынан баш тартпаса Иран аны менен сүйлөшүүгө барбай турганын билдирди.  Дональд Трамп 26-августта Францияда «Чоң жетинин» саммитинен кийин журналисттердин суроолоруна жооп берип жатып, Тегерандын өзөктүк программасынын айланасындагы пикир келишпестик тууралуу Ирандын президенти менен жолугуп, сүйлөшүүгө даяр экенин айткан.  Иран менен Кошмо Штаттардын ортосундагы чыңалуу 2015-жылы... Читать дальше...

Мурдагы транспорт жана жолдор министри Жамшитбек Калилов «Кыргыз темир жолу» мамлекеттик ишканасынын темир жолду долбоорлоо жана куруу дирекциясынын башчысы болуп дайындалды. Бул тууралуу маалымат аталган ишканадан алынды. Мурдагы министрге буйрук 21-августта чыккан. Учурда ал ишке киришти.  Мурдагы министр Жамшитбек Калилов 2018-жылдын 14-декабрында өткөн Коопсуздук кеңешинин жыйынында «ири өлчөмдө пара алган» деген шек менен кармалган орун басарына байланыштуу президент Сооронбай Жээнбековдун сынынан кийин арыз жазып иштен кеткен. Читать дальше...

Бүгүн, 27-августта Орусиянын жана Түркиянын президенттери Владимир Путин менен Режеп Тайып Эрдоган Москванын жанындагы Жуковский шаарында жолугат. Кремлдин маалыматына ылайык, Эрдоган Орусияда кыска мөөнөттүү жумушчу сапары менен болот жана МАКС-2019 аттуу XIV эл аралык авиакосмос салонуна барат. Эки өлкөнүн лидерлери саясий, соода-экономикалык, аскердик-техникалык багыттагы өз ара алака-катышын, эл аралык жана аймактык деңгээлдеги маселелерди талкуулайт.  Түркиянын президентинин Орусиядагы сапары... Читать дальше...

Камакта отурган мурдагы президент Алмазбек Атамбаевдин аялы Раиса Атамбаева аны менен 23-августта жолугуп чыккан. Бул тууралуу Атамбаевдин жактоочусу Сергей Слесарев маалымдады. Ал эми адвокаты Атамбаев менен жолугуп чыгып жатканын белгилеп, учурда анын ден соолугу жакшы экенин билдирди.  Алмазбек Атамбаев 8-августта Ички иштер министрлигинин (ИИМ) атайын операциясынан соң кармалып, УКМКнын тергөө абагына камалган. Биринчи май райондук соту аны 26-октябрга чейин камакта кармоо тууралуу чечим чыгарган. Читать дальше...

Ирандын архитектуралык кооздуктары бул өлкөгө туристтерди тарткан негизги жагдай болуп саналат.

Аалам менен эски кайык аркылуу байланышкан Кызыл-Бейит айылындагы баёо турмуш. Катмандуда Кыргызстандын волейбол курамасы, Челябинскиде эки кыргыз мушкери чемпион аталды. Бишкектин түштүк ыптасында 10 гектарлык жаңы парк ачылат. Нарында аялдар кетмен, күрөгүн алып тазалык акциясына чыгышты. Сексенге чыккан лейлектик эне юбилейин аялдар арасында футбол турнирин өткөрүп белгиледи.

Ушул жылдын жети айында айыл чарба тармагын жана аймактарды өнүктүрүүнү каржылоо максатында 1,5 млрд. сом насыя берилди. Бул тууралуу бүгүн, 27-августта «Айыл Банктын» башкармалыгынын төрагасы Бактыбек Шамкеев Бишкекте өткөн басма сөз жыйынында билдирди. Анын айтымында, быйыл айыл чарбасына жана аймактарды өнүктүрүүгө багытталган долбоорлорго көбүрөөк көңүл бурулуп жатат. Маалыматка караганда, былтыр айыл чарбасын каржылоо 47 пайызды түзгөн. Быйыл бул көрсөткүч 66% жетти. Мындан сырткары банктын насыялык портфели 21,5 млрд. Читать дальше...

Мамлекет башчысы Сооронбай Жээнбеков коррупция жалпы элдик көйгөйгө айланып, коррупционерлер бийликти байлык топтоонун жолуна айландырып алганын белгиледи.

Миграция жана мекендештер маселеси эми мамлекеттин эле эмес, жалпы кыргыз коомчулугунун маселесине айланганын баарыбыз көрүп, сезип турабыз.

Жаза аткаруу мамлекеттик кызматы (ЖАМК) камактагы саясатчы Садыр Жапаровго баласынын тажыясына катышууга уруксат берди. Бул тууралуу маалыматты аталган мекеменин басма сөз кызматы «Азаттыкка» ырастады. Адвокат Шарабидин Токтосунов жол кырсыгынан каза болгон уулуна топурак салыш үчүн Жапаровду убактылуу абактан бошотууну суранып президенттин атына жана ЖАМКка кат жиберген.  Садыр Жапаровдун 27 жаштагы уулу Дастан жол кырсыгынан алган оор жараатынан улам эсине келбей, 26-августта Бишкекте ооруканада каза болду. Читать дальше...

Бишкек шаарынын тургуну «Мегаком» байланыш оператору кардарга маалымдабай туруп төлөм алынуучу кызматты кошуп койду деген негизде Монополияга каршы күрөш боюнча мамлекеттик агенттикке арыз жазган. Бул тууралуу «Азаттыкка» агенттиктин директору Шухрат Сабиров маалымдады: - «Кайсы бир кызматты сурабай эле кошуп жатат» деген арыз кечээ келип түшкөн. Тийиштүү чара көрөбүз. «Мегаком» компаниясынын, арыз жазган аялдын пикирин угабыз. Кандайдыр мыйзам бузуу болсо айыппул салышыбыз мүмкүн.  Акыркы... Читать дальше...

 Сириянын баардык аймактары бошотулат.

Жалал-Абад облусунун Майлуу-Суу шаарындагы №30295 аскер бөлүгүндө кызмат өтөп жүрүп токко урунуп, эки колунан ажыраган жоокер Руслан Сапарбаев Коргоо иштери боюнча мамлекеттик комитетти сотко берүүгө камынууда. Учурда керектүү материалдар даярдалып жатканын жоокердин укугун коргоп жаткан “Кылым шамы” уюмунун жетекчиси Азиза Абдирасулова “Азаттыкка” кабарлады. -Окуя болгонуна үч жылдан өттү. Комитет протезге жардам беребиз деп убада беришкен. Азыр бир күндүк айлык акыны которуп бергенбиз деген шылтоону айтып жатышат. Читать дальше...

Ахметов Москванын ЦСКА клубуна өткөн. Ошондой эле ал Россиянын улуттук "Биринчи бештик" сыйлыгынын лауреаты жана УЕФАнын рейтинги боюнча келечеги кең 50 оюнчунун катарына кирет.

Индонезиянын президенти конференциялык жыйналышта өлкөнүн борбор калаасы өзгөртүлөрүн жарыялады.

Пакистандын премьер-министри Имран Хан 26-августта элге жасаган кайрылуусунда, мекендештерин ушул жума күнү жумуштарын токтотуп, 30 мүнөттүк убактысын бөлүп, Индия көзөмөлдөгөн Кашмирде жашагандарга колдоосун көрсөтүүгө чакырды.

Кыргыз коомунда жаштарды турмуш курууга мажбурлаган, кыстаган, жада калса суроо узатып жеке жашоого аралашкан жагдайлар тууралуу көп айтылып келет. “Эже-сиңдилер” берүүсүн бул жолу ушул темага арнадык.