Новости за 03.05.2019

Кыргыз-түрк "Манас" эл аралык университетинин камкорчулар кеңешинин төрагалыгына Түркиянын маалымат министри дайындалды. Бул тууралуу маалымат 3-майда Түркиянын "Расмий" гезитине жарыяланды. Анда профессор Фахреттин Алтундун кыргыз-түрк "Манас" университетинин камкорчулар кеңешинин төрагалыгына дайындалганы тууралуу чечимге Түркиянын президенти Режеп Тайип Эрдоган кол койгону жазылган. Жаңы дайындалган төрага учурда Түркиянын маалымат министри кызматын аркалап келет. 42 жаштагы Фахреттин Алтун... Читать дальше...

Бүгүн "Сорос Кыргызстан" фонду, Журналисттик иликтөө фонду жана эксперттер сөз эркиндигинин учурдагы абалын талкуулап, медиа чөйрөдөгү соңку чуулгандуу жана резонанстуу окуяларга саресеп салууда. Иш-чарага катышып жаткан "Азаттыктын" директору Айзада Касмалиева кайсы бир иликтөө чыккан соң аны башка маалымат каражаттары да коштоп, илип кете албай жатканын айтты. Көп учурда коомдо ич ара айтылып эле жүргөн коррупциялык иштерди ачык далилдөө кыйынга турарын кошумчалады. "Ош: салыктан буйтаган ишкерлер" иликтөөсүнүн автору... Читать дальше...

"Фейсбук" АКШдагы бир нече ашкере-оңчул саясий ишмерлердин социалдык түйүндөгү барактарын өчүрдү. Аларга "кооптуу адамдар" категориясы боюнча чектөө коюлганын компания 2-майда билдирди. "Кара тизмеге" кирген адамдардын арасында көбүнесе конспирация теорияларын жарыялаган сайттын негиздөөчүсү Алекс Жонс, 2018-жылы Конгресс үчүн ат салышкан, ак расанын үстөмдүгүн жактаган Пол Неглен жана жикчил билдирүүлөрү менен таанымал "Исламдын эли" аттуу радикалдуу уюмдун башчысы Луис Фаррахан бар. "Фейсбуктун" чечимине ылайык... Читать дальше...

Түштүк Африка Республикасынын мурдагы президенти, маркум Нельсон Мандела тарткан сүрөт 2-майда Нью-Йорктогу аукциондо 112 миң 575 долларга сатылды. 2002-жылы тартылып бүткөн "Абактын эшиги" аттуу бул сүрөт эң жакшы дегенде 90 миң долларга сатылары күтүлүп жаткан. Роббенэйленддеги түрмөнүн эшигин чагылдырган бул сүрөттү Мандела 1998-жылы президенттик кызматтан кеткенден кийин тартып баштаган. Апартеидге каршы күрөшү менен дүйнөгө таанылган түштүк африкалык лидер абактагы 27 жылынын 18 жылын дал ушул түрмөдө өткөргөн. Читать дальше...

Анкара Вашингтонду Ирандан мунай импорттоону уланткан өлкөлөргө санкция салууга жол ачкан чечимин кайра карап чыгууга чакырды. Түркиянын тышкы иштер министри Мевлүт Чавушоглу өз өлкөсү Ирандан мунай сатып алууну дароо токтото албай турганын билдирди.  "Кыска убакыттын ичинде мунайдын булагын өзгөртүү мүмкүн болбочудай. Биздин заводдордо колдонулган технология көп өлкөлөрдүн чийки мунайына ылайыкташкан эмес", - деп билдирди Чавушоглу 2-майда Анкарадагы басма сөз жыйынында.  Түркиянын башкы дипломаты... Читать дальше...

Президент Сооронбай Жээнбеков кол койгон буйрукка ылайык Улуу Ата Мекендик согуштагы жеңиштин 74 жылдыгына карата согуштун ардагерлерине 20 миң сом өлчөмүндө бир жолку акчалай жөлөкпул төлөнөт. Бул тууралуу президенттик аппараттын маалымат бөлүмү кабарлады. Буга президенттин резервдик фондунан 7 млн. 91 миң сом бөлүндү. Жөлөкпул ардагерлерге төмөнкү категориялар боюнча бөлүндү: Улуу Ата Мекендик согуштун майыптарына; Улуу Ата Мекендик согуштун катышуучуларына; Экинчи дүйнөлүк согуш мезгилинде... Читать дальше...

Улуттук коопсуздук боюнча мамлекеттик комитет Бишкектеги Мамбет Мамакеев атындагы Улуттук хирургия борборунун дарыгери Эрнис Алыбаевге байланыштуу “шылуундук” фактысы боюнча Кылмыштардын жана жоруктардын бирдиктүү реестрине каттады. Атайын кызматтын басма сөз өкүлү Рахмат Сулаймановдун "Азаттыкка" маалымдашынча, Алыбаев “чет өлкөлүк ишкерлердин ишенимине кирип, алардын маселелерин чечип берүүнү убада кылган жана бизнесмендерден ири суммадагы акча алганы менен убадасын аткарган эмес”. Эрнис Алыбаев... Читать дальше...

Ооганстандын «Лоя жырга» деген ат менен белгилүү улуттук курултайы бүгүн, 3-майда жыйынтыкталганы турат. Төрт күнгө созулган бул жыйын 3200дөй уруу аксакалдарынын, диний аалымдардын, саясатчылар менен атактуу ооган жарандарынын башын бириктирди.  "Ассошиэйтед пресс" агенттиги (AP) кабарлагандай, "Лоя жырганын" улук кеңеши өкмөт менен "Талибан" кыймылынын ортосундагы тынчтык сүйлөшүүлөрү үчүн айрым сунуштарды макулдашты. Мындан тышкары аталган кеңеш Бириккен Улуттар Уюмун "Талибанды" глобалдык... Читать дальше...

«Хьюман Райтс Уотч» (HRW) уюму Кытайдын бийлиги Шинжаңдагы мусулман калктарын көзөмөлдөп туруу үчүн чөнтөк телефондогу өзгөчө бир тиркемени колдонуп жатканын билдирди.

Саясатчылардын, жетекчилердин жүрүм-турумуна, кыймыл-аракеттерине бардык өлкөдө коом жакындан байкоо салып турат эмеспи.

Бишкек шаарынын мэриясы Бишкекте ысык суу 6-майда токтой турган чечиминен баш тартпагандыгын айтып, муну суу кетүүчү түтүктөрдү кышка чейин жаңылап жетишип калуу аракети менен түшүндүрдү: "Быйылкы жылы бүтүрө турган иштин көлөмү чоң. "Бишкекжылуулуктун" линиясы менен жаңы жылуулук трассалары орнотулат. Ошондой эле Лев Толстой көчөсүндөгү көпүрөнү салып бүтүш керек. Кийинки жылуулук берүү сезонуна чейин аталган иштерди бүтүрүү үчүн, ремонтту болушунча эрте баштаганга туура келди. Ошондуктан биз 6-майда баштайбыз. Читать дальше...

Орусиядагы бала бакчада тарбиячылардын наристени кордогон дагы бир учуру ачыкка чыкты. Бул ирет Краснодар шаарындагы бакчанын башчысы беш баштагы баланы жерди өбүүгө мажбурлаганы тартылган видео Интернетке тарады.

Кыргыз өкмөтү Кызыл-Омпол уран кенинде иш токтотулганын билдиргени менен уранга каршы маанай басыла элек. Уранды кантип туура өндүрүү керек? Анын кандай тобокелчилиги бар? Кытайдын миллиардаган доллардык “Бир алкак – бир жол” экономикалык демилгесине кошулган мамлекеттердин саны өсүүдө.

Кыргызстандык Кайрат Эшболотов Гонконгдо математикага кызыккан жаштарга сабак берип иштеп жатат. Ал бул шаарда окууну бүткөн соң калып калган. Билим берүү жаатында тажрыйба топтоп анан Кыргызстанга кайтам деген тилеги бар. Жаш мугалим Гонконгдун окуу системасы, окуучулардын умтулуусу тууралуу "Азаттыкка" айтып берди.

3-май Бүткүл дүйнөлүк басма сөз эркиндигинин күнү катары дүйнөнүн көп мамлекеттеринде белгиленет.

Европа Биримдигинин энергетика боюнча комиссары Иран мунайына санкция салуу Ирандын өзөктүк программасы боюча келишимди коркунучка кептейт деп билдирди.

3-май - Бүткүл дүйнөлүк басма сөз эркиндиги күнүнө карата Хусейин Карасаев атындагы Бишкек гуманитардык университетинде ““Сөз эркиндиги карикатуристтердин көзү менен” аттуу көргөзмө ачылды. Иш-чарада бул тема боюнча жеңүүчүлөрдүн ысымдары аталып, аларга сыйлык тапшырылды. Эмгектерди медиа уюмдардын алты өкүлү жана бир белгилүү кесипкөй сүрөтчү – Кыргыз Республикасынын сүрөтчүлөрүнүн төрагасы Таалай Усубалиев кирген калыстар тобу баалаган. Натыйжада 1-орунга “Сөз эркиндиги карикатурасы” үчүн Руслан Валитов... Читать дальше...

Феминисттер менен ЛГБТ өкүлдөрү аларды «Кырк чоронун» мүчөлөрү урганын айтып чыгышты. Алар окуяга күбө болуп туруп эч кандай реакция кылбаганы үчүн милиция кызматкерлерин айыпташты.

Бүгүн сот адам укуктары сакталбаганын, сот реформасы жүрбөгөнүн далилдеди. Мындай пикирин "Азаттыкка" "Ата Мекен" фракциясынын лидери Алмамбет Шыкмаматов билдирди. "Сот мыйзам, Конституция менен эмес, абийир менен эмес, саясий конъюнктура менен чечим чыгарды. Сот бүгүн дагы мыйзамдар иштебегенин, адам укугу сакталбаганын жана сот реформасы жүрбөгөнүн далилдеди. Текебаев, Чотонов, Жапаровдун иштери саясий, резонанстуу, коомчулуктун көңүлүн бурган, эл аралык институттарда каралып жатат. Бүгүнкү күнү сот мыйзамга баш ийбей... Читать дальше...

Жогорку сот "Ата Мекендин" абактагы лидери Өмүрбек Текебаевдин жана анын партиялашы Дүйшөнкул Чотоновдун өкүмүн өзгөртүүсүз калтырды. Буга чейин Текебаевдин жана Чотоновдун жактоочулары алардын иши жаңы мыйзамдарга ылайык каралышы керектигин белгилеген. Адвокат Жаныбеков буга чейинки инстанциядагы чечимдердин баарын жокко чыгарып, ишти кайра кароого жөнөтүүнү суранган, бирок сот мындай өтүнүчтү четке какты. Мамлекеттик айыптоочу жогорудагы жактоочулардын өтүнүчү менен макул эместигин айтып... Читать дальше...

Кыргызстанда май айында күйүүчү майдын баасы 10-15 пайызга өсөт. Бул тууралуу "Азаттыкка" Кыргызстандын нефтедрейдерлер ассоциациясынын төрагасы Канат Эшатов билдирди.  "Дүйнө жүзүндө жыл башынан бери мунайдын баррелине болгон баа 30 пайызга, 16,7 АКШ долларына жогорулады. Ал эми Орусиядан келген күйүүчү майдын ар бир тоннасы 150 долларга кымбаттады. Мисалы мурдагы айларда АИ92 460 доллардан берилип жатса, бүгүн 585 доллага көтөрүлдү. Мунай сатуучулар өткөн айда Орусия бааны көтөргөнүнө карабастан... Читать дальше...

БУУ: Бир айдан кийин Сомалинин 1, 7 миллион тургуну тамак  – аш жетишсиздигине учурайт.

Эки саясатчынын иши жаңы жагдайлар менен карала турган болду.

Бишкекте "Ала-Арча" мамлекеттик резиденциясында бүгүн, 3-майда Кыргызстан элинин Ассамблеясынын түзүлгөнүнүн 25 жылдыгына карата иш-чара өтүп жатат. Ага Кыргызстандагы ар түрдүү улуттардын өкүлдөрү, президент Сооронбай Жээнбеков жана бийлик өкүлдөрү катышууда. Өлкө башчы жыйында сүйлөп жатып Кыргызстандын аймагы - байыркы мезгилдерден тарта эле түрдүү этностор, маданияттар, диндер байырлаган жер болгонун айтты. "Биздин жергебиз миң жылдар бою толеранттуу жашоонун, тил табышып бир чечимге келүүнүн... Читать дальше...

Жогорку сотто "Ата Мекен" партиясынын абактагы лидери Өмүрбек Текебаевдин иши каралууда. Жактоочу Кемелбек Жаныбеков саясатчылар Текебаев менен Чотоновдун иши жаңы мыйзамдарга ылайык каралышы керек экенин белгиледи. Үй-мүлкүн конфискация кылуу чечимди да жаңы мыйзам менен кароону суранды. Жаңы мыйзам боюнча үй-мүлкүн конфискация кылуу үчүн айыпкердин ишке тиешеси бар экени аныкталышы керек. Адвокат Жаныбеков буга чейинки инстанциядагы чечимдердин баарын жокко чыгарып, ишти кайра кароого жөнөтүүнү суранды. Читать дальше...