Новости за 03.05.2019

Түркиянын тышкы иштер министри Мевлют Чавушоглу АКШнын Иранга каршы позициясын сынга алып, бир тараптуу санкциялар бардык өлкөлөргө терс таасирин тийгизет деп билдирди.

2019-жылдын алгачкы үч айында Кылмыштар менен жоруктардын бирдиктүү реестрине 22 164 кылмыш катталды. Бул тууралуу Ички иштер министрлиги (ИИМ) билдирди. Мунун 19 252син ИИМ тарабынан, калганы башка укук коргоо органдары тарабынан киргизилди. Милиция жалпы кылмыштардын 20 442син тергеп жатса, Улуттук коопсуздук боюнча мамлекеттик комитет, Башкы прокуратура, Экономикалык кылмыштарга каршы күрөшүү башкармалыгы жана башка органдар калган фактыларды иликтөөдө. 2019-жылдын алгачкы үч айында ошондой... Читать дальше...

Алматынын район аралык соту 1-майда нааразылыкка чыккан Турсынгүл Жолановага, Курбанбек Шолан уулуна жана Жазира Демеуовага 50 500 теңгеден айыппул салды. Бул тууралуу “Азаттыктын” казак кызматы жазды. Алар тынчтык жыйындарын өткөрүү эрежелерин бузууга айыпталды. Жоопкерчиликке тартылгандар жогорку инстанцияга апелляциялык арыз жазмак болду. Мунун алдында митингдин катышуучулары Алтынбек Орынтай уулу менен Алимжан Избасаров «укук коргоо органынын өкүлүнө баш ийген жок» деген негизде беш суткага камалган. Читать дальше...

Канадалык «Центерра Голд» (Centerra Gold Inc.) компаниясынын директорлор кеңешинин 11 адамдан турган жаңы курамына Кыргызстандын атынан бул жолу Аскар Өскөмбаев, Дүйшөн Касенов жана Максат Көбөнбаев кирди. Бул тууралуу аталган компаниянын сайтында кабарланды. Кеңештин калган мүчөлөрү Ричард В. Коннор, Стивен А. Ланг, Майкл Парретт, Жак Перрон, Скотт Г. Перри, Шерил К. Пресслер, Брюс В. Вальтер, Сьюзан Юркович. Билдирүүдө айтылгандай, компаниянын акционерлери кеңештин жаңы курамын 1-майда Торонтодо шайлашкан. Читать дальше...

3-майга караган кечте катуу жааган жамгырдан улам Аксы районунун Ак-Жол айылындагы беш-алты үйдүн короосун, ички жолдун азыраак бөлүгүн жана бак-дарактарды сел каптады. Бул тууралуу “Азаттыкка” аталган айыл баш ийген Ак-Жол айыл округунун башчысы Бердалы Мырзагулов билдирди. Анын айтымында, имараттар жана адамдар жабыр тарткандар жок. Жергиликтүү тургандар "Азаттыкка" жөнөткөн видеодо жолду, короону суу каптап, уйлар селди кечип жүргөнү көрүнүп турат. Мырзагулов бүгүн Өзгөчө кырдаалдар министрлигинин... Читать дальше...

Украинанын президенттигине болгон шайлоонун жеңүүчүсү Владимир Зеленский Орусияны Украинанын чек арасына көзөмөлдү кайтарып берүүгө чакырган билдирүү менен чыкты. “Фейсбуктагы” баракчасына койгон билдирүүсүндө ал Украина менен Орусиянын ортосунда бириктирген нерсени көпкө ойлонгонун жазды. Мунун алдында Орусиянын президенти Владимир Путин орус жана украин калкын бириктирген көп нерселер бар экенин, ал тургай эки өлкөнүн жашоочуларына бирдиктүү жарандык берүү зарылдыгын дагы жарыялаган. Зеленский... Читать дальше...

2019-жылдын башына карата Кыргызстандын мамлекеттик жана жергиликтүү өз алдынча башкаруу органдарындагы кызматкерлердин саны 27 767 адамды түздү. Бул тууралуу Улуттук статистика комитети билдирди. 1-январга карата жыйынтыкты аталган комитеттин Эмгек жана жумуш менен камсыздоо статистикасы бөлүмү эми эсептеп бүттү. Мекеменин маалыматына ылайык, аталган көрсөткүчтүн 17 807си мамлекеттик кызматкерлерге туура келсе, анын 40 пайызы аялдар. Жергиликтүү органдардагы 9 906 кызматкердин үчтөн бир бөлүгүн аялдар түзөт. Читать дальше...

Жогорку соттун соттук коллегиясы «Ата Мекен» партиясынын лидери, түрмөдөгү саясатчы Өмүрбек Текебаев менен мурдагы министр Дүйшөнкул Чотоновдун ишин жаңы жагдайлар боюнча кайра кароону бүгүн улантат. Бул тууралуу «Азаттыкка» Текебаевге юридикалык көмөк көрсөтүп жаткан «Адилет» укуктук клиникасынын юристи Тимур Султанов билдирди. Адвокат жаңы жагдай катары Жазык жана Жазык-процессуалдык кодекстеринин жаңы редакциясы ишке киргенин атады. Ал актыларга ылайык соттолуучулардын жаза мөөнөтү кыскарышы мүмкүн. Читать дальше...