Новости за 31.03.2020

(Казан, 31 март, «Татар-информ», Гөлнар Гарифуллина). Бүген бозга чыгу бик куркыныч һәм үлемгә китерергә мөмкин. Бу хакта ТР Министрлар Кабинетында брифингта Татарстан Республикасының кече күләмле суднолар буенча баш дәүләт инспекторы Юрий Венедиктов кисәтте.

(Казан, 31 март, «Татар-информ», Наталья Рыбакова). Казанда узып баручы март аенда җылылык буенча берничә рекорд куелды. Әлеге ай 145 ел дәвамында алып барылган метеокүзәтүләр тарихында иң җылысы булды. Казан федераль университеты Экология һәм табигатьтән файдалану институтының метеорология, климатология һәм атмосфера экологиясе кафедрасы мөдире Юрий Переведенцев «Татар-информ» агентлыгына шул хакта хәбәр итте.

(Казан, 31 март, «Татар-информ», Гөлнар Гарифуллина). Идел һәм Чулманда суднолар навигациясе 22 апрельдә башланыр дип фаразлана. Бу хакта ТР Министрлар Кабинетында брифингта Татарстан Республикасының кече күләмле суднолар буенча баш дәүләт инспекторы Юрий Венедиктов хәбәр итте.

(Казан, 31 март, «Татар-информ»). ЮХИДИ хезмәткәрләре Казанга керә торган урыннарда үз-үзеңне изоляцияләргә чакыра. Бу хакта республика Дәүләт автоинспекциясеннән хәбәр иттеләр.

(Казан, 31 март, «Татар-информ»). Иртәгәдән, 1 апрельдән, «ШАЯН ТВ» каналында тапшырулар вакыты үзгәрә.  Канал яңа сетка белән эшли башлый. Бу хакта «ШАЯН ТВ»ның программа директоры-чыгарылыш бүлек мөдире Айгөл Кәбирова хәбәр итә.

(Казан, 31 март, «Татар-информ», Полина Шевчук). Балалары олылардан башка гына урамга чыккан ата-аналарны җәза көтә. ТР прокурорының өлкән ярдәмчесе Руслан Галиев «Татар-информ» агентлыгына шул хакта хәбәр итте.

(Казан, 31 март, «Татар-информ»). Татарстан Сәнәгать һәм сәүдә министрлыгы битлек җитештерүчеләрнең (аларда саклану чараларына заказ бирергә мөмкин) телефон номерларын тәкъдим итте. Әлеге исемлек белән ведомствоның Instagram социаль челтәрендәге профилендә танышып була.

(Казан, 31 март, «Татар-информ»). Татарстан мөфтие Камил хәзрәт Сәмигуллин үз-үзеңне изоляцияләү вакытын файдалы уздырырга чакырды. Бу хакта ТР Диния нәзарәте матбугат хезмәте хәбәр итә.

(Казан, 31 март, «Татар-информ»). Татарстанда Covid-19 коронавирус инфекциясе йоктыруның тагын биш яңа очрагы теркәлде. Инфекция эләктергән кешеләрнең барысы да чит илдән кайткан. ТР Президентының матбугат хезмәте җитәкчесе Лилия Галимова «Татар-информ» агентлыгына шул хакта хәбәр итте.

(Казан, 31 март, «Татар-информ», Гөлнар Гарифуллина). 2019-2020 елларның кышкы чорында сулыкларда 25 һәлакәт теркәлгән. Биш кеше боз астына китеп һәлак булган, 87 кеше коткарылган. Узган елда өч кеше үлгән, 39 кеше исән калган. Бу хакта ТР Министрлар Кабинетында брифингта Татарстан Республикасының кече күләмле суднолар буенча баш дәүләт инспекторы Юрий Венедиктов сөйләде.

(Казан, 31 март, «Татар-информ»). Татарстанда изоляция чорында гражданнарга рөхсәт бирү өчен махсус сервис булдырыла. Сovid19.tatarstan.ru сервисы якын көннәрдә эшли башлар дип көтелә. Ул гражданнарга күченеп йөрү тәртибен аңлатачак һәм тиешле белешмәләр бирәчәк. ТР Президентының матбугат хезмәте җитәкчесе Лилия Галимова «Татар-информ» агентлыгына шул хакта хәбәр итте.

(Казан, 31 март, «Татар-информ», Гөлнар Гарифуллина). Коронавирус белән бәйле рәвештә, үз-үзеңне изоляцияләү режимы вакытында кармак белән дә балык тотарга чыгарга ярамаячак. Бу хакта ТР Министрлар Кабинетында брифингта Татарстан Республикасының кече күләмле суднолар буенча баш дәүләт инспекторы Юрий Венедиктов кисәтте.

(Казан, 31 март, «Татар-информ»). Дәүләт Думасы коронавирус аркасында Россия Хөкүмәтенең вәкаләтләрен киңәйтү һәм гадәттән тыш хәл режимы кертү хокукы турындагы закон проектын беренче укылышта кабул итте. Бу хакта ТАСС агентлыгы хәбәр итә.

(Казан, 31 март, «Татар-информ»). Россиядә тәүлек эчендә коронавирус белән авыручы сигез кеше үлгән. Бу хакта, COVID-19га каршы көрәш буенча оператив штабка нигезләнеп, РИА Новости хәбәр итә.

(Казан, 31 март, «Татар-информ»). Дәүләт Думасы карантинны бозган өчен җинаять җаваплылыгы турында закон проектын өченче укылышта кабул итте. Бу хакта РИА Новости хәбәр итә.

(Казан, 31 март, «Татар-информ»). Согуд Гарәбстаны Хөкүмәте Мәккә шәһәренең кайбер районнарын тулысынча япкан. Бу хакта гарәп гаммәви мәгълүмат чаралары Корольлекнең Эчке эшләр министрлыгына сылтама белән хәбәр итә.

(Казан, 31 март, «Татар-информ»). Россиядә югары уку йортларына кабул итү кампаниясе вакытына Бердәм дәүләт имтиханнарын күчерүгә бәйле рәвештә үзгәрешләр кертеләчәк. Бу хакта Россия фән һәм югары белем бирү министры Валерий Фальковка сылтама белән РИА Новости агентлыгы хәбәр итә.

(Казан, 31 март, «Татар-информ»). Татарстан Финанс министрлыгы бюджет бүлегенең элеккеге башлыгы Гела Герасимова финанс министры урынбасары итеп билгеләнде. Татарстан Министрлар Кабинеты шул хакта карар чыгарган.

(Казан, 31 март, «Татар-информ»). 21 март көнне Саранск шәһәрендә Мордовиянең татар иҗтимагый оешмалары арасында Мордовия Республикасында татар телен һәм мәдәниятен үстерү һәм саклау өлкәсендә хезмәттәшлек һәм уртак эшчәнлек турында меморандум имзаланды. Бу хакта Россия Мөфтиләр шурасы сайты хәбәр итә.

(Казан, 31 март, «Татар-информ», Диана Авакян). Казан химия фәнни-тикшеренү институтында 20 тапкыр файдаланып була торган вируска каршы комбинезон теккәннәр. Бу хакта «Татар-информ» агентлыгына «Ростех» Дәүләт корпорациясеннән хәбәр иттеләр.

(Казан, 31 март, «Татар-информ»). Дөньяда барлыкка килгән үзгәрешләргә бәйле рәвештә, Татарстан аграрийлары яңа форматта эшли башладылар. Кафе һәм рестораннар кебек алар да продуктларны өйгә китереп бирүгә күчәләр. Шундый эш режимына беренчеләрдән булып «Түбән Кама» кулланучылар кооперативы күчте. Бу турыда Татарстан Авыл зуҗалыгы һәм азык-төлек министрлыгы матбугат хезмәте хәбәр итте.

(Казан, 31 март, «Татар-информ»). Татарстан Президенты Аппараты җитәкчесе, Татарстан Республикасының «Динамо» физкультура-спорт җәмгыяте рәисе Әсгать Сәфәров «Динамо-Казан» волейболчыларын Россия чемпионатында җиңүе белән котлады.

(Казан, 31 март, «Татар-информ»). Россиядә университет аудиторияләре буйлап өйдән чыкмыйча йөрү, факультет деканыннан шәхси онлайн-консультация алу мөмкинлеге булдыра. Югары уку йортларына нәкъ менә шундый режимда традицион ачык ишекләр көнен үткәрергә туры киләчәк. Бу турыда Татарстан Мәгариф һәм фән министрлыгы матбугат хезмәте хәбәр итте.

(Казан, 31 март, «Татар-информ»). Бүген, 31 мартта, Татарстанда аномаль җылы һава торышы саклана. Бу турыда Татарстан Гидрометеорология үзәге хәбәр итте.

(Казан, 31 март, «Татар-информ»). Мәгариф өлкәсендә әйдәп баручы онлайн-ресурслар укытучылар өчен онлайн-дәресләр оештыру буенча видеокурслар яздырды. Бу турыда Татарстан Мәгариф һәм фән министрлыгы матбугат хезмәте хәбәр итте.