Новости за 01.04.2020

(Казан, 1 апрель, «Татар-информ»). Бүген Түбән Кама мэры Айдар Метшин 14 көнлек үз-үзен изоляцияләүдә булганнан соң, эшкә чыкты. Оператив штабта шәһәр һәм район медицина оешмаларының коронавирус йоктыру билгеләре булган авыруларга ярдәм күрсәтү әзерлегенә бәйле мәсьәләләр каралды. Бу турыда Түбән Кама муниципаль районы рәсми сайтында хәбәр ителә.

(Казан, 1 апрель, «Татар-информ», «Ватаным Татарстан», Рәшит Минһаҗ). Укучыларыбыздан: «Быел уразаны тотаргамы, әллә тотмавың хәерлерәкме? Быелгы Рамазан аеның ниндидер үзенчәлекләре юкмы?» — дигән сораулар килеп иреште.

(Казан, 1 апрель, «Татар-информ»). Согуд Гарәбстаны хакимияте мөселманнарны июль ахырына планлаштырылган хаҗга әлегә әзерләнми торырга өндәде. Бу хакта «Аль-Джазира» телеканалына сылтама белән «Интерфакс» хәбәр итә.

(Казан, 1 апрель, «Татар-информ»). Россия төбәкләрендә социаль дистанция чараларын озынайту өчен төбәкләрдәге вазгыятьне исәпкә алырга кирәк. Россия Вице-премьеры Татьяна Голикова бу фикерен Россия Президенты Владимир Путин белән Хакимият утырышында әйтте. Бу турыда Кремль сайтында хәбәр ителә.

(Казан, 1 апрель, «Татар-информ»). Россия Президенты Владимир Путин Россия Хөкүмәте вәкилләре белән Covid-19 инфекциясе таралу вазгыяте турында дистанцион киңәшмә үткәрде. Бу хакта Кремльнең матбугат хезмәте хәбәр итә.

(Казан, 1 апрель, «Татар-информ»). Урыссу — Октябрь юлында Ык елгасы аша күпер юл өслеген тәртипкә китергәннән соң ике атнадан ачылачак. Бу хакта «Татар-информ» мәгълүмат агентлыгына Татарстанның Ютазы районы Башкарма комитеты җитәкчесе Аяз Шәфигуллин хәбәр итте.

(Казан, 1 апрель, «Татар-информ»). Татарстанда үз-үзеңне изоляцияләү шартларында урамда йөрү өчен СМС-пропуск системасында 10 меңнән артык кеше теркәлде. Бүген бу хакта СМС-пропуск системасы кертү турында брифингта Татарстан Дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин сөйләде. Бу турыда Татарстан Президенты матбугат хезмәте хәбәр итте.

(Казан, 1 апрель, «Татар-информ»). Ульяновск шәһәренең «Бостон» иң зур киемнәр тегү фабрикасында битлек тегә башлаганнар. Бу турыда Бөтендөнья татар конгрессы матбугат хезмәте хәбәр итте.

(Казан, 1 апрель, «Татар-информ»). Татарстанда 1 апрельдән башлап шәһәр яны поездларының хәрәкәте туктатыла, шул исәптән поездлар Казан аша да йөрми. Бу турыда Казан мэриясе матбугат хезмәте хәбәр итте.

(Казан, 1 апрель, «Татар-информ»). Россиядә игълан ителгән эшләми торган атна Covid-19 яңа типтагы коронавирус инфекциясенең таралу темпларын киметергә мөмкинлек бирәчәк. Әмма вирусның инкубация чоры 14 көн дәвам итү сәбәпле, ялларны озайту таләп ителәчәк. Бу хакта Роспотребнадзор башлыгы Анна Попова сүзләренә сылтама белән РИА Новости хәбәр итә.

(Казан, 1 апрель, «Татар-информ», Полина Шевчук). Хәрәкәт итү өчен ялган белешмә ясаучы җәзага тартылачак. Бу хакта Татарстан прокурорының өлкән ярдәмчесе Руслан Галиев сөйләде.

(Казан, 1 апрель, «Татар-информ»). Татарстан Республикасы Президенты Рөстәм Миңнеханов эшмәкәрләргә мөрәҗәгать итте. Ул эшкуарларны һәм мөмкинлеге булган барлык халыкны өлкәннәргә ярдәм итү өчен берләшергә чакырды. Бу турыда Татарстан Президентының матбугат хезмәте хәбәр итте.

(Казан, 1 апрель, «Татар-информ»). Башкортстан башлыгы Радий Хәбиров администрациясендә Татарстан белән чикне коронавирус инфекциясе таралу куркынычы аркасында ябу турындагы мәгълүматны кире кактылар. Бу хакта Башкортстан Президенты администрациясе башлыгы Александр Сидякинга сылтама белән «Башинформ» агентлыгы хәбәр итә.

(Казан, 1 апрель, «Татар-информ»). Татарстан Президенты Рөстәм Миңнеханов өлкән кешеләргә ярдәм итүгә юнәлдерелгән акциягә кушылды һәм азык-төлек сатып алуга акча күчерде. Акция республика эшмәкәрләре инициативасы белән оештырылган, Бу хакта Татарстан Президенты матбугат хезмәтендә хәбәр иттеләр.

(Казан, 1 апрель, «Татар-информ», Наталья Рыбакова). Коронавирус инфекциясе пандемиясе белән бәйле рәвештә Татарстанда яшәүче өлкән кешеләргә азык-төлек җыелмасы таратачаклар. Җыелма хәйриячеләр акчасына әзерләнә һәм түләүсез бирелә. Бу турыда бүген Татарстанның Хезмәт, халыкны эш белән тәэмин итү һәм социаль яклау министрлыгы башлыгы Эльмира Зарипова сөйләде.

(Казан, 1 апрель, «Татар-информ», Гөлнара Әүхәдиева). Татарстан белән Башкортстан республикаларын тоташтыра торган Урыссу—Октябрь трассасында Ык елгасы аша күпергә илтүче юл коронавирус таралу куркынычы аркасында түгел, ә күпернең техник конструкцияләре тузу сәбәпле ябылган. Бу хакта «Татар-информ» мәгълүмат агентлыгына Татарстынның Ютазы районы Башкарма комитетында хәбәр иттеләр.

(Казан, 1 апрель, «Татар-информ»). Россиядә сөт җитештерүне аеруча арттыручылар арасында Краснодар крае, Рязань, Воронеж, Новосибирск, Калуга өлкәләре һәм Татарстан Республикасының авыл хуҗалыгы оешмалары бар. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итте.

(Казан, 1 апрель, «Татар-информ»). «Сириус» белем бирү үзәге Россиядә укучыларны онлайн-укыту һәм индивидуаль ярдәм күрсәтү өчен «Сириус.Курсы» системасын тәкъдим итте. Бу турыда Татарстан Мәгариф һәм фән министрлыгы матбугат хезмәте хәбәр итә.

(Казан, 1 апрель, «Татар-информ», Александр Давыдова). Даруларны онлайн сату турындагы закон проекты препаратларның бөтен илдә интернет-сату системасын үстерү өчен мөһим адым булачак. Татарстаннан Россия Дәүләт Думасы депутаты Борис Менделевич «Татар-информ» мәгълүмат агентлыгына шундый фикер белдерде.

(Казан, 1 апрель, «Татар-информ», Эвелина Киселёва). Татарстан волонтерлары үз-үзен изоляцияләү режимында булган өлкән яшьтәге кешеләрдән дарулар һәм продуктлар алуга 300дән артык гариза кабул итте. Бу хакта Татарстан Яшьләр эшләре министрлыгы матбугат хезмәтендә хәбәр иттеләр.

(Казан, 1 апрель, «Татар-информ», Гөлнар Гарифуллина). Казанда көненә кайнар линиягә шалтыраткан иллеләп кешегә азык-төлек, дару һәм башка кирәк-яраклар өйләренә китерелә. Коронавирусны кисәтү максатыннан кертелгән изоляция чорында бу өлкән яшьтәгеләр генә түгел, ярдәмгә мохтаҗ һәркем булырга мөмкин. Бу хакта «Татар-информ» хәбәрчесенә Гомумроссия халык фронты штабының «Молодежка ОНФ» оешмасында сөйләделәр.

(Казан, 1 апрель, «Татар-информ», Зилә Мөбәрәкшина). Татарстан халкы үз-үзеңне изоляцияләү вакытында өйдән чыгу өчен, SMS-хәбәр аша теркәлүдә ярдәм сорап, контакт-үзәккә мөрәҗәгать итә ала. Бу хакта онлайн-конференциядә журналистларга Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин хәбәр итте.

(Казан, 1 апрель, «Татар-информ»).Татарстан Авыл хуҗалыгы һәм азык-төлек министрлыгы Covid-19 коронавирус инфекциясе таралуны булдырмауга юнәлдерелгән чараларны үтәү шартларында авыл хуҗалыгы җитештерүчеләренең хәрәкәт итүе һәм йөк ташуына кагылышлы аңлатма бирде.

(Казан, 1 апрель, «Татар-информ», Полина Шевчук). Татарстан Эчке эшләр министрлыгы юлга чыгу рөхсәте булмаган автомобиль пассажирлары өчен җәза турында сөйләде. Бу хакта агентлыкка ведомствоның матбугат хезмәтендә хәбәр иттеләр.

(Казан, 1 апрель, «Татар-информ», Зилә Мөбәрәкшина). Үз-үзеңне изоляцияләү вакытында махсус SMS-сервиска җибәрелгән шәхси мәгълүматлар катгый сакланачак. Бу хакта онлайн-брифинг барышында Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин белдерде.