Новости за 29.03.2020

(Бөгелмә, 29 март, «Татар-информ», «Бөгелмә авазы»). Чит илләргә сәфәрләрдән соң, Татарстанда яшәүче 15 меңләп кеше изоляцияләнде. Алар арасында бөгелмәлеләр дә бар. Бу хакта Татарстан Республикасы буенча Роспотребнадзор идарәсенең Бөгелмәдә территориаль бүлеге башлыгы Владислав Долгих хәбәр итте.

(Кукмара, 29 март, «Татар-информ», «Хезмәт даны»).Коронавирус таралуга юл куймас өчен, Кукмара районы полициясе машинага урнаштырылган микрофон аша карантин режимын үтәргә өнди. Видеоны социаль челтәрдә утыручылар жибәрде. Бу турыда район басмасы хәбәр итә.

(Казан, 29 март, «Татар-информ»). Түбән Камада пенсия алды яшендәгеләрне һәм декрет ялындагы хатын-кызларны бушлай укыталар. Бу турыда Түбән Кама муниципаль районы рәсми сайтында хәбәр ителә.

(Казан, 29 март, «Татар-информ»). Бөгелмә урман хуҗалыгында үсентеләр утырту чорына әзерлек эше тәмамланып килә. Бу турыда Татарстан Урман хуҗалыгы министрлыгы сайтында хәбәр ителә.

(Казан, 29 март, «Татар-информ»). Казан мэры Илсур Метшин 27 мартта коронавируска кабат тапшырган тест тискәре нәтиҗә күрсәтте. Бу хакта мэриянең матбугат хезмәте хәбәр итә.

(Казан, 29 март, «Татар-информ», Ксения Перепеченова). Коронавирус вакытында өлкән яшьтәге кешеләргә ярдәм күрсәтергә әзер торган волонтерлар штабы, татарстанлыларга иң үтемле бәядән азык-төлек һәм дарулар тәкъдим итү өчен, кибетләргә мониторинг үткәрү белән шөгыльләнә. Бу хакта «Татар-информ» агентлыгына волонтер Тимур Сәгъдиев хәбәр итте.

(Казан, 28 март, «Татар-информ»). Азәрбәйҗан әдәбият һәм фән әһелләре Татарстанның халык шагыйре Роберт Миңнуллинның вафаты уңаеннан гаиләсенең һәм якыннарының кайгысын уртаклаша. Кайгы уртаклашу хатлары шагыйрьнең хатыны Клара Миңнуллина һәм энесе Ким Миңнуллиннарга адресланган.

(Казан, 29 март, «Татар-информ»). Татарстанда чит ил автомобиле кюветка төшеп киткән, бер кеше һәлак булган, икесе зыян күргән. Бу хакта социаль челтәрләрдән файдаланучылар хәбәр итте.

(Казан, 29 март, «Татар-информ»). Карантин вакытында беркемгә дә күңелсез булмасын өчен, Г.Кариев исемендәге Казан Татар дәүләт яшь тамашачы театры «Тылсым» дигән яңа рубрика ача.

(Казан, 29 март, «Татар-информ», Ксения Перепеченова). Татарстанда яшәүчеләр, кибеткә барганда үзеңне куркыныч астына куймас өчен, волонтерлар ярдәменнән файдаланырга кереште. Аларга волонтерлар, азык-төлек һәм дарулар сатып алып, өйләренә бушлай китереп бирә.

(Казан, 29 март, «Татар-информ»). Әлмәттә полицейскийлар репродукторлар аша шәһәрдә яшәүчеләрне өйдән чыкмаска чакыра. Социаль челтәрләрдән файдаланучылар шул хактагы кадрлар белән уртаклашты.

(Казан, 29 март, «Татар-информ»). ТР Президенты Рөстәм Миңнеханов «Яндекс. Еда» һәм Delivery club сервислары курьерлары белән аралашу өчен урамда туктады. Бу хакта ТР Президентының матбугат хезмәте хәбәр итә.

(Казан, 29 март, «Татар-информ»). «Татмедиа»ның «ВКонтакте» социаль челтәрендәге берләшмәләре «Өеңдә утыр» дөньякүләм акциясенә кушылды һәм үзенең язылучыларын, артык ихтыяҗ булмаганда, өйдән чыгып йөрмәскә чакырды.

(Казан, 29 март, «Татар-информ»). Татарстан Президенты Рөстәм Миңнеханов волонтерлар белән очрашты һәм аларга махсус санитар-эпидемиология режимы шартларында эшләргә әзер булганнары өчен рәхмәт белдерде.

(Казан, 29 март, «Татар-информ»). ТР Президенты Рөстәм Миңнеханов «Без булдырабыз» колл-үзәгенең эше белән танышты. Ул Казанда яшәүче пенсионер ханымның соравына җавап бирде һәм өлкән яшьтәге кешеләрне борчыган сораулар турында фикер алышты. Бу хакта ТР Президентының матбугат хезмәте хәбәр итә.

(Казан, 29 март, «Татар-информ»). Татарстан Президенты Рөстәм Миңнеханов зур сәүдә челтәрләре вәкилләренә кулланучыларга товарларны өйгә китереп бирүне оештыруда кече бизнеска ярдәм күрсәтү үтенече белән мөрәҗәгать итте. ТР Президентының матбугат хезмәте җитәкчесе Лилия Галимова «Татар-информ» агентлыгына шулай дип белдерде.

(Казан, 29 март, «Татар-информ»). АКШта коронавирус авыруыннан 2 меңнән артык кеше вафат булган. Бу хакта ТАСС агентлыгы хәбәр итә.

(Казан, 29 март, «Татар-информ»). РФ Хөкүмәте ил территориясендә Covid-19 коронавирусы таралуын кисәтүгә бәйле рәвештә беренче чиратта кирәкле товарлар исемлеген (анда азык-төлек продуктлары керми) раслады. Документ Министрлар Кабинеты сайтында дөнья күргән.

(Казан, 29 март, «Татар-информ»). РФ Премьер-министры Михаил Мишустин Россия Хөкүмәте Президиумын оештыру турындагы карарны имзалады. Документ Министрлар Кабинеты сайтында дөнья күргән.

(Казан, 29 март, «Татар-информ»). Кичә, 28 мартта, Татарстан башкаласында моннан 13 ел элеккеге температура рекорды куелды.

(Казан, 29 март, «Татар-информ»). «Милли медицина палатасы» президенты, доктор Леонид Рошаль коронавирус инфекциясе таралуга бәйле рәвештә кертелгән махсус режим вакытында кибет һәм башка җәмәгать урыннарына барганда үзеңне ничек тотуга кагылышлы берничә киңәш бирде. Бу хакта РИА Новости агентлыгы хәбәр итә.

(Казан, 29 март, «Татар-информ»). Эстон актрисасы Элина Рейнольд «Юдиф» спектаклендә (режиссеры — Айрат Абушахманов) Сюзанна образын тудырган өчен «Икенче пландагы иң яхшы хатын-кыз драматик роле» номинациясендә Эстониянең театр премиясенә лаек булган. Бу хакта «Башинформ» агентлыгы хәбәр итә.

(Казан, 29 март, «Татар-информ»). Бөек Ватан сугышы ветераны Мулла Нәҗиповка 28 мартта 102 яшь тулды. Бу хакта «Новая Кама» газетасы яза.

(Казан, 28 март, «Татар-информ»). Әтнә театры үзенең легендар «Мулла» спектаклен видеоязмада карау мөмкинлеген тудырган. Театр берничә спектаклен сайтына урнаштырган.

(Казан, 28 март, «Татар-информ»). Казах шагыйре Нурлан Оразалин Татарстанның халык шагыйре Роберт Миңнуллинның вафаты уңаеннан гаиләсенең һәм якыннарының кайгысын уртаклаша. Кайгы уртаклашу хаты ике шагыйрьнең уртак дуслары булган Рафис Корбан аша килеп иреште.