Новости за 21.03.2020

(Зәй, 21 март,"Татар-информ», «Зәй офыклары», Энҗе Әгъләмова). Зәй авыл хуҗалыгы хезмәтчәннәре бу атнада республикада беренчеләрдән булып язгы кыр эшләрен башлап җибәрде. Бу турыда район басмасы хәбәр итә.

(Буа, 21 март, «Татар-информ», «Байрак»). 18 мартта Буа театры артистларының Сербиядә «Славения» Халыкара театрлар фестивалендә катнашты. Кичә театр җитәкчесе Раил Садриев үзенең инстаграммында карантинда булуы турында язды.

(Балтач, 21 март, «Татар-информ», «Хезмәт даны», Гөлзидә Газизуллина). Бу көннәрдә WorldSkills Junior-2020 чемпионатының Балтачта район этабы узды. Укучылар төрле компетенцияләрдә үзләрен сыный. Егетләр торт пешереп карады. Бу турыда район басмасы хәбәр итә.

(Казан, 21 март, «Татар-информ»). Түбән Камада 9 май көнне Бөек Җиңүнең стильләштерелгән символы — кылыч һәм йолдыздан эшләнгән композицияне тәкъдим ителәчәк. Бу турыда Түбән Кама муниципаль районы рәсми сайтында хәбәр ителә.

(Казан, 21 март, «Татар-информ»). ТР Гидрометеорология һәм әйләнә-тирә мохитне күзәтү идарәсеннән хәбәр итүләренчә, 22 мартта республикада аязучан болытлы һава торышы көтелә, урыны белән бераз кар явачак.

(Казан, 21 март, «Татар-информ»). Татарстан табиблары республикага чит илләрдән кайткан һәм башка кешеләр белән контактка кермәгән гражданнарда коронавирусның 5 яңа очрагын ачыклаган. Бу хакта «Татар-информ» агентлыгына ТР Президентының матбугат хезмәте җитәкчесе Лилия Галимова хәбәр итте.

(Казан, 21 март, «Татар-информ»). Россия Премьер-министры Михаил Мишустин компанияләрне коронавирус эпидемиясе фонында хезмәткәрләрне эштән җибәрмәскә чакырды. Бу хакта «Интерфакс» агентлыгы хәбәр итә.

(Казан, 21 март, «Татар-информ»). Татарстанның 17 районында язгы кыр эшләренә керештеләр. Татарстан Премьер-министры урынбасары – авыл хуҗалыгы һәм азык-төлек министры Марат Җәббаров ТР Хөкүмәте йортында узган киңәшмәдә шулай дип белдерде. Бу хакта ТР Президентының матбугат хезмәте хәбәр итә.

( Казан, 21 март, "Татар-информ"). Татарстан мөфтие Камил хәзрәт Сәмигуллин Мигъраҗ кичәсе якынлашу уңаеннан республика мөселманнарына мөрәҗәгать итте. Бу хакта ТР Диния нәзарәтенең матбугат хезмәте хәбәр итә.

(Казан, 21 март, «Татар-информ»). 2019 елның ике аенда Татарстанның терлекчелек тармагында акчалата керем 11,9 миллиард сум тәшкил иткән. Бу 2018 елның шул чоры белән чагыштырганда 9 процентка артыграк. Татарстан Премьер-министры урынбасары – авыл хуҗалыгы һәм азык-төлек министры Марат Җәббаров ТР Хөкүмәте йортында узган киңәшмәдә шул хакта хәбәр итте.

(Казан, 21 март, «Татар-информ», Эвелина Киселёва). Социаль хезмәттәшлекне Россия Конституциясендә беркетү ярдәмендә эш урынында килеп туган күп кенә низагларны хәл итеп булачак. ТР Дәүләт Советы депутаты, ТР Профсоюзлар федерациясе рәисе Елена Кузьмичева «Татар-информ» агентлыгына шундый фикерен белдерде.

(Казан, 21 март, «Татар-информ»). 2020 елның ике ае эчендә торак-коммуналь хезмәт күрсәтүләр өчен түләүләрне җыю дәрәҗәсе 94 процент тәшкил итә. Уртача җыю күләме (март 2019 - февраль 2020) югары дәрәҗәдә саклана – 98 процент. Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы төзелеш, архитектура һәм ТКХ министры Фәрит Хәнифов хәбәр итте. Бу хакта ТР Президентының матбугат хезмәте хәбәр итә.

(Казан, 21 март, «Татар-информ», Полина Шевчук). Коткаручылар Чаллыда Мәләкәс елгасында боз астына төшеп киткән балыкчыга ярдәм иткән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

(Казан, 21 март, «Татар-информ»). РФ Дәүләт Думасына Татарстаннан сайланган депутат Айрат Фәррахов коронавирус инфекциясен яшьләр дә йоктырырга мөмкин икәнлеген әйтте.

(Казан, 21 март, «Татар-информ», Рузилә Мөхәммәтова). Әдәбият галиме, филология фәннәре докторы, профессор Резеда Ганиева иртәгә соңгы юлга озатыла. Бу мәгълүмат галимәнең хезмәттәшләре аша килеп иреште.

(Казан, 21 март, «Татар-информ»). Бүген Татарстан Республикасы Президенты Рөстәм Миңнеханов «Казан» агросәнәгать паркында оештырылган авыл хуҗалыгы ярминкәсендә булды. Бу хакта ТР Президентының матбугат хезмәте хәбәр итә.

(Казан, 21 март, «Татар-информ»). Татарстанда исемлекләргә кертелгән 56 мең (65 процент) күп балалы гаиләнең 36 меңе җир кишәрлекләре белән тәэмин ителгән. ТР җир һәм милек мөнәсәбәтләре министрының беренче урынбасары Артур Галиев ТР Хөкүмәте йортында узган киңәшмәдә шулай дип белдерде. Бу хакта ТР Президентының матбугат хезмәте хәбәр итә.

(Казан, 21 март, «Татар-информ», Эвелина Киселёва). РФ Конституциясенең 72нче маддәсенә төзәтмә яшьләр сәясәтенә кагылачак һәм яшьләрне борчыган мәсьәләләрне хәл итү өчен башлангыч нокта булачак. ТР яшьләр эшләре министры Дамир Фәттахов «Татар-информ» агентлыгына шундый фикерен белдерде.

(Казан, 21 март, «Татар-информ»). Медицина битлекләре белән тәэмин итүгә бәйле кыенлыклар туу аркасында, Казан мэриясендә аны халыкка үзләренә ясарга киңәш иттеләр. Башкарма комитет җитәкчесе Денис Калинкин шәһәрнең даруханә челтәре вәкилләре белән очрашуда шундый тәкъдим белән чыкты. Бу хакта мэриянең матбугат хезмәте хәбәр итә.

(Казан, 21 март, "Татар-информ"). Коронавирус куркынычы булу сәбәпле, быел «Нәүрүз» бәйрәме массакүләм чараларсыз гына узачак.

(Казан, 21 март, «Татар-информ»). «Ватан» халык-демократик партиясе рәисе урынбасары Әскәр Бикбаев вафат. Бу хакта Facebook социаль челтәрендәге үз сәхифәсендә дусты Илдар Мортазин хәбәр итте.

(Казан, 21 март, «Татар-информ»). АКШта яшәүче татар галиме, химик корал өлкәсендәге белгеч Вил Мирзаянов коронавирус белән авыруын әйтә. Facebook социаль челтәрендәге үз сәхифәсендә ул шул хакта хәбәр итте.

(Казан, 21 март, «Татар-информ»). Татарстан Президенты Рөстәм Миңнеханов министрлык һәм ведомство, муниципаль берәмлек вәкилләренә гражданнарны кабул итү эшен гадәти режимда дәвам итәргә кушты.

(Казан, 21 март, «Татар-информ»). Уфада Башкортстан Республикасы һәм Россия Федерациясенең төрле төбәкләреннән килгән талантлы балалар катнашында «Гарипов укулары» Төбәкара форумы узачак. Шул хактагы боерык республиканың хокукый мәгълүмат порталында дөнья күргән, дип хәбәр итә «Башинформ» агентлыгы.

(Казан, 21 март, «Татар-информ», Ксения Перепеченова). Конституциягә кертелгән социаль гарантияләр турындагы нигезләмәләр россиялеләрнең якланганлыгын тәэмин итәчәк. Татарстанда Кеше хокуклары буенча вәкаләтле вәкил Сәрия Сабурская «Татар-информ» агентлыгына шундый фикерен белдерде.