Новости за 01.03.2020

(Яшел Үзән, 1 март, «Татар-информ», «Яшел Үзән»). Яшел Үзән районында Май чабу бәйрәмен билгеләп үттеләр. Район башлыгы Михаил Афанасьев ПОЗИС предприятиесе оештырган мәйданчыкта зур коймак пешерде. Әзер коймакны ул өлешләргә бүлде һәм райондашларын сыйлады. Бу турыда район басмасы хәбәр итә.

(Әлмәт, 1 март, «Татар-информ», «Әлмәт таңнары», Алия Байрамалова). Әлмәт балалар-үсмерләр иҗаты үзәгендә тантаналы рәвештә чаңгы базасы ачылды. Ул — шәһәрдә бишенчесе. Бу турыда район басмасы хәбәр итә.

(Алабуга, 1 март, «Татар-информ», «Алабуга нуры»). Бу көннәрдә Алабугада медицина хезмәткәрләре өчен тулай торак стеналарында ремонт эшләре бара. Бу турыда район басмасы хәбәр итә.

(Зәй, 1 март, «Татар-информ», «Зәй офыклары», Энҗе Әгъләмова). 29 февраль-1 март көннәрендә Казанда 2003-2004 елгы балалар командалары арасында Татарстан беренчелегенең финал ярышлары узды. Анда Зәйнең «Яшьлек» командасы башкала уенчыларына гына оттырып мәртәбәле өченче урын яулады. Бу турыда район басмасы хәбәр итә.

(Казан, 1 март, «Татар-информ», Гөлия Хәсбиуллина). Бүген 1941-1945 еллардагы Бөек Ватан сугышы музей-мемориалында яңа экспозиция тәкъдим ителде. 2005нче елның маенда оештырылган әлеге музей-мемориал өчен бу икенче экспозиция булды. Әлеге музей-мемориал белән «Татар-информ» хәбәрчесе танышып кайтты.

(Казан, 1 март, «Татар-информ»). 29 февральдә Башкортстанның атказанган артисты, җырчы Элвин Грей Мәскәүдә 7300 тамашачы сыя торган Крокус Сити Холлда чыгыш ясады. Бу турыда «Башинформ» хәбәр итә.

(Казан, 1 март, «Татар-информ»). 24 февральдә Сочи шәһәренең 6нчы гимназиясе базасында быел беренче край турниры узды. Ярышларны оештырырга Краснодар краенда Россия Көрәш федерациясенең төбәк бүлеге тәкъдим итте. Ватанны саклаучылар көне уңаеннан оештырылган турнирда җиде яшьтән унҗиде яшькә кадәрге малайлар, егетләр һәм яшүсмерләр — барлыгы илледән артык спортчы катнашты. Бу турыда Бөтендөнья татар конгрессы сайтында хәбәр ителә.

(Казан, 1 март, «Татар-информ»). Прокуратура Казанның контактлы зоопаркларында җәнлекләрне тоту шартларын тикшерә. Бу турыда Казанның Вахитов районы прокуроры ярдәмчесе Артем Потапов хәбәр итә.

(Казан, 1 март, «Татар-информ»). Түбән Камада Кытай Халык Республикасыннан килгән һәм ике атнадан артык карантинда булган «Камасталь» заводы эшчеләренең хәлләре турында сөйләделәр. Хәзер куркыныч юк, аларның барысы да диярлек эшкә чыккан. Бу турыда «НТР 24» хәбәр итә.

(Казан, 1 март, «Татар-информ»). Азнакайның 7нче номерлы мәктәбеннән эштән куылган технология укытучысы үкенгән һәм үз гамәле өчен гафу үтенгән. Педагог үзе, аның хезмәттәшләре, шулай ук мәктәп укучылары белән әңгәмә видеосын YouTube ның «Татарстан» каналында урнаштырдылар.

(Казан, 1 март, «Татар-информ»). Башкортстанга коронавирус белән зарарлануга шикләнеп килгән 14 кытай кешесен Абзелиловск районындагы обсервациягә китергәннәр. Ул цемент заводы территориясендә 16 изолятор белән аерым бинада оештырылган. Бу турыда «Башинформ» хәбәр итә.

(Казан, 1 март, «Татар-информ», Алексей Новиков). Әлмәттә автобус бәрелешкән BMW автомобиле йөртүчесе имгәнгән. Бу турыда авария шаһитлары хәбәр итә.

(Казан, 1 март, «Татар-информ»). Чечня Республикасы башлыгы Рамзан Кадыров Татарстан Республикасы Президенты Рөстәм Миңнехановны туган көне белән котлады. Инстаграмдагы аккаунтында котлау белән бергә ул республика җитәкчесенең эш көннәренә багышланган видеоролик урнаштырды.

(Казан, 1 март, «Татар-информ»). Россиядә Covid-19 коронавирусына каршы көрәш буенча барлык кирәкле чаралар күрелә, тулаем алганда, хәзерге вакытта вазгыять контрольдә тотыла. Моны министрлар һәм Россиянең әйдәп баручы нефть-газ компанияләре җитәкчеләре белән бүгенге очрашу вакытында РФ Президенты Владимир Путин билгеләп үтте. Бу турыда Кремльнең матбугат хезмәте хәбәр итә.

(Казан, 1 март, «Татар-информ»). ТР Президенты Инстаграмдагы үз язылучыларына котлаулары өчен рәхмәт әйтте. Бүген Рөстәм Миңнеханов үзенең 63 яшьлеген билгеләп үтә.

(Казан, 1 март, «Татар-информ»). Татарстанда фура юл кырыендагы тимер читәнгә бәрелгән һәм әйләнеп капланган. Йөртүчеләрне хастаханәгә озатканнар. Бу турыда һәлакәт шаһитлары хәбәр итә.

(Казан, 29 февраль, «Татар-информ»). Россия Сәламәтлек саклау министрлыгы Covid-19 коронавирусын диагностикалау буенча тәкъдимнәргә төзәтмәләр кертте. Бу хакта ведомствоның матбугат хезмәте хәбәр итә.

(Казан, 1 март, «Татар-информ»). Даими чемпионат нәтиҗәләре буенча Казанның «Ак Барс» командасы Континенталь хоккей лигасында алар катнашындагы уеннарны карарга йөрүчеләр саны буенча яңа рекорд куйды. Команданың һәр уенына 7 188 тамашачы килгән. Бу турыда Казан клубының матбугат хезмәте хәбәр итә.

(Казан, 1 март, «Татар-информ»). Роспотребнадзорның Татарстан белгечләре Бөек Ватан сугышы ветераннары өчен кулланучылар хокукларын яклау мәсьәләләре буенча консультацияләр оештыра. Бу хакта федераль хезмәтнең республика идарәсе сайтында әйтелә.

(Казан, 1 март, «Татар-информ»). Идел буе транспорт прокуратурасы Татарстанда хезмәт хакы буенча 200 млн бурыч түләтүгә иреште. Бу хакта ведомствоның матбугат хезмәтендә хәбәр иттеләр.

(Казан, 1 март, «Татар-информ»). Казанда Мәрҗани кубогына джиу-джитсу буенча IV Бөтенроссия ярышларында хаҗга юлламаны Дагыстан егете Кәрим Эльгәрәев отты. Бу хакта ТР Диния нәзарәте матбугат хезмәте хәбәр итә.

(Казан, 1 март, «Татар-информ»). Россиядә коронавирус инфекциясе белән авыруның яңа очраклары ачыкланмаган. Бу хакта РИА Новости Роспотребнадзор сайтына сылтама белән хәбәр итә.

(Казан, 1 март, «Татар-информ»). 26 февральдә Каюм Насыйри музеенда шагыйрь Эльмира Шәрифуллина катнашында «Шигъри этнография» дигән яңа проект эшли башлады. Бу турыда оештыручылар хәбәр итә.

(Казан, 1 март, «Татар-информ»). Бүген Татарстан Президенты Рөстәм Миңнеханов туган көнен бәйрәм итә. Аңа 63 яшь тулды. Иртәдән социаль челтәрләрдә татарстанлылар республика җитәкчесен гомер бәйрәме белән котлый.

(Казан, 1 март, «Татар-информ»). 3 мартта Кырым этнография музеенда Алабуга музей-тыюлыгының «Татар милли мәдәниятенең күптөрлелеге» күргәзмәсен тантаналы ачу була. Бу хакта «Новая Кама» газетасы яза.