Новости за 14.03.2020

(Лениногорск, 14 март, «Татар-информ», «Заман сулышы», Розалия Мостафина). Лениногорск шәһәре мәдәният сараенда татар гореф-гадәтләрен саклап калу максатыннан «Кич утыру — утырма» узды. Бу турыда район басмасы хәбәр итә.

(Чүпрәле, 14 март ,"Татар-инфром", "Туган як", Гөлия Фәизова). Чүпрәле районына эш визиты белән Татарстан Урман хуҗалыгы министры Равил Кузюров килде. Киңәшмәдә янгын куркынычы һәм урман культуралары сезонына әзерлек мәсьәләләре каралды һәм 2020 елга бурычлар билгеләнде. Бу турыда район басмасы хәбәр итә.

(Азнакай, 14 март, «Татар-информ», «Маяк», Лиза Нурлыева). Тыл ветераны, озак еллар «Маяк» газетасында тәрҗемәче булып эшләгән Энҗе Вәлиевага «1941-1945 елларда Бөек Ватан сугышында Җиңүнең 75 еллыгы» медален тапшырдылар. Бу турыда район басмасы хәбәр итә.

(Кукмара, 14 март, «Татар-информ», «Хезмәт даны», Зөлфия Шакирова). Кукмарада «Безнең ишегалды» проекты буенча эш башлау өчен иске сарайларны сүтә башладылар. Тик кайберәүләр сарайларын, гаражларын сүтәргә риза түгел. Бу турыда район басмасы хәбәр итә.

(Казан, 14 март, «Татар-информ», Гөлнар Гарифуллина). Бүген Казанның күп профилле полилингваль белем бирә торган 180 нче номерлы гимназиясендә Бөек Ватан сугышында Җиңүнең 75 еллыгына багышланган «Кичү ноктасы» татар балалар фильмын яздыруга старт бирелде. Генераль продюсеры — гимназия директоры Илдар Сәяхов, төп режиссеры Нәсүр Юрушбаев катнашында беренче репетицияләр башланды.

(Казан, 14 март,«Татар-информ»). Татарстан Президенты Рөстәм Миңнеханов кичә кинәт вафат булган эшкуар һәм идарәче Ирек Миңнәхмәтовның әтисе – ТР Газлаштыру, энергия саклау технологияләре һәм инженерлык челтәрләрен үстерү фонды генераль директоры Җәүдәт Миңнәхмәтовка, тирән кайгысын уртаклашып, телеграмма юллады.

(Казан, 14 март, «Татар-информ»). ТР җир һәм милек мөнәсәбәтләре министры Фәнил Әһлиуллин ТР Хөкүмәте йортында узган киңәшмәдә республикада кулланылмый торган күчемсез милек объектларына инвентаризация үткәрү хакында сөйләде. Бу хакта ТР Президентының матбугат хезмәте хәбәр итә.

(Казан, 14 март, «Татар-информ»). Мәскәүдән Чиләбегә юл тоткан очкыч ашыгыч рәвештә Казан аэропортына төшкән. Бу хакта «Татар-информ» агентлыгына үз чыганагы хәбәр итте.

(Казан, 14 март,«Татар-информ»). «Татмедиа» Республика матбугат һәм массакүләм коммуникацияләр агентлыгы коллективы агентлыкның элеккеге җитәкчесе Ирек Миңнәхмәтовның вафат булуына бәйле рәвештә кайгы уртаклашты.

(Казан, 14 март,«Татар-информ»). ТР Премьер-министры урынбасары – авыл хуҗалыгы һәм азык-төлек министры Марат Җәббаров ТР Хөкүмәте йортында узган республика киңәшмәсендә Татарстанда сөрү җирләренең продуктивлыгын арттыру буенча нинди чаралар күрелүе турында сөйләде. Бу хакта ТР Хөкүмәтенең матбугат хезмәте хәбәр итә.

(Казан, 14 март, «Татар-информ»). Татарстан җитәкчелеге РСФСР һәм ТАССРның атказанган сәнгать эшлеклесе, Татарстанның халык артисты, республиканың Габдулла Тукай исемендәге Дәүләт премиясе лауреаты, композитор Ренат Еникеевның вафат булуына бәйле рәвештә кайгы уртаклашты. Композиторның кичә 83нче яшендә йөрәге тибүдән туктады. Кайгынамәне ТР Президенты Рөстәм Миңнеханов, ТР Дәүләт киңәшчесе Минтимер Шәймиев, Дәүләт Советы Рәисе Фәрит Мөхәммәтшин, ТР Премьер-министры Алексей Песошин, ТР Президенты... Читать дальше...

(Казан, 14 март,«Татар-информ»). Россия Польша һәм Норвегия белән чикне вакытлыча ябачак. РФ Премьер-министры Михаил Мишустин шул хактагы боерыкны имзалаган, документ Хөкүмәт сайтында дөнья күргән.

(Казан, 14 март,«Татар-информ»). Коронавирустан терелеп аякка баскан очракта да, аның тискәре нәтиҗәләре (тиз хәрәкәт иткәндә тын бетү һәм үпкә эшчәнлегенең начараюы) күзәтелергә мөмкин, дип белдерделәр Гонконгның Хастаханә учреждениеләре идарәсендә. Бу хакта РИА Новости агентлыгы хәбәр итә.

(Казан, 14 март,«Татар-информ»). Европа илләре белән авиаэлемтәне чикләү (ул Россия тарафыннан кертелгән иде) Бөекбританиягә кагылмаячак. Бу хакта «Интерфакс» агентлыгы коронавирус таралуын кисәтү буенча федераль оператив штабка сылтама белән хәбәр итә.

(Казан, 14 март, «Татар-информ»). Төзелеш мәйданчыкларындагы бәхетсезлек очракларының 80 процентка якыны – биеклектән егылып төшү, дип белдерде ТР төзелеш, архитектура һәм ТКХ министры Фәрит Хәнифов ТР Хөкүмәте йортында узган республика киңәшмәсендә. Бу хакта ТР Президентының матбугат хезмәте хәбәр итә.

(Казан, 14 март, «Татар-информ»). Танылган эшкуар Ирек Миңнәхмәтов белән хушлашу мәрасимен, катнашучыларның күп булачагын күздә тотып, Казанның Мәрҗани мәчетеннән «Ак Барс Арена» стадионына күчерделәр. Бу хакта «Татар-информ» агентлыгына «Татспиртпром» компаниясеннән хәбәр иттеләр.

(Казан, 14 март,«Татар-информ»). Татарстан - төп капиталга инвестицияләр күләме буенча Россия төбәкләре арасында алтынчы урында. Бу хакта ТР Икътисад министрлыгының матбугат хезмәте Росстат мәгълүматларына сылтама белән хәбәр итә.

(Казан, 14 март, "Татар-информ"). 12 март көнне 10нчы номерлы “Йолдызлык” Прогимназиясе нигезендә зур күләмле чара — «Тел ачкычлары» төбәкара конкурсы үткәрелде. Бәйге бишенче тапкыр Татарстанның төрле шәһәр һәм районнарыннан мәктәпкәчә яшьтәге балаларны берләштерде. Быел конкурсның эчтәлеге Татарстан АССР төзелүнең 100 еллыгына багышланган иде. Бу хакта Бөтендөнья татар конгрессының матбугат хезмәте хәбәр итә.

(Казан, 14 март, «Татар-информ»). Татарстан Президенты Аппараты«Татспиртпром»ның элеккеге җитәкчесе Ирек Миңнәхмәтовның вафат булуына бәйле рәвештә кайгы уртаклашты.

(Казан, 14 март,«Татар-информ»). Татарстан Президенты Рөстәм Миңнеханов республикада коронавирус үтеп керү куркынычы аркасында игълан ителгән махсус санитар-эпидемиология режимының барлык таләпләрен катгый рәвештә үтәргә дигән бурыч куйды. ТР Президенты республика Хөкүмәте йортында узган шимбә киңәшмәсендә шул хакта хәбәр итте.

(Казан, 14 март, «Татар-информ»). «Татспиртпром» акционерлык җәмгыяте коллективы һәм җитәкчелеге компанияне биш ел – 2015 елның 15 гыйнварыннан 2020 елның 15 гыйнварына кадәр җитәкләгән Ирек Миңнәхмәтовның кинәт вафат булуына бәйле рәвештә кайгы уртаклашты. Бу хакта предприятиенең матбугат хезмәте хәбәр итә.

(Казан, 14 март, «Татар-информ»). «Татспиртпром»ның элеккеге җитәкчесе Ирек Миңнәхмәтов белән хушлашу мәрасиме якшәмбе көнне Казанның Мәрҗани мәчетендә узачак. Бу хакта «Татар-информ» агентлыгына республика Хөкүмәтендәге чыганак хәбәр итте.

(Казан, 14 март, «Татар-информ», «Шәһри Казан», Дилбәр Гарифуллина).

— Әгәр дә бу телдә сөйләшмәсәләр, аны кирәксенмәсәләр, тел онытыла бара. Әти-­әниләре — татарча, ә балалары һәм оныклары русча гына сөйләшә торган гаиләләр күп. Кайберләрендә оныклары — татарча бөтенләй белми дә. Балалар бакчасында, мәктәптә русча сөйләшергә гадәтләнгәннәр. Мәктәпкә барып, нинди телдә сөйләшкәннәрен контрольдә тотып булмый. Тыеп та булмый, анда рус балалары да укый бит, үзара аралашырга кирәк. Димәк, өйдә татарча сөйләшергә кала. Читать дальше...

(Казан, 14 март,«Татар-информ», Полина Шевчук). Татарстанда елга уртасында бозда аерылып калган ике балыкчыны коткарганнар. Бу хакта «Татар-информ»га вакыйга булган урыннан агентлыкның үз корреспонденты хәбәр итте.

(Казан, 14 март, «Татар-информ»). Агымдагы елның 10 апрелендә Түбән Новгород өлкәсе Сергач районы Кочко-Пожар мәдәният йортында IV өлкә татар хатын-кызлары җыены һәм «Нижгарбикә» конкурсы булачак. Бу хакта Бөтендөнья татар конгрессының матбугат хезмәте хәбәр итә.