Новости за 06.03.2020

(Чирмешән, 6 март, «Татар-информ», «Безнең Чирмешән», Кадыйр Гомәров). Чирмешәндә яшәүче сугыш ветераны Александр Чупахинга күп функцияле яңа карават кайтардылар. Бөек Ватан сугышы ветеранына бу кыйммәтле җиһазны Татарстан Республикасы Дәүләт Советы депутаты Людмила Рыбакова Казаннан җибәргән. Бу турыда район басмасы хәбәр итә.

(Казан, 6 март, «Татар-информ»). Татарстан Республикасының Вәкаләтле вәкиллеге бинасында «Свердловск өлкәсе татар (Урал татарлары) конгрессы» төбәк иҗтимагый оешмасының чираттан тыш корылтае булды. Анда оешманың яңа Уставы нигезендә документларны рәсмиләштерү мәсьәләсе каралды. Бу турыда Татарстанның Свердловск өлкәсендәге Даими вәкиллеге хәбәр итә.

(Казан, 6 март, «Татар-информ», Гөлия Хәсбиуллина). Бүген Түбән Камада «Нефтехим-Арена» боз сараенда узган «Нефтехимик» — «Ак Барс» сериясенең өченче уены Казан командасы файдасына төгәлләнде. Матч исәбе — 1:2.

(Казан, 6 март, «Татар-информ»). Татарстан Мәгариф һәм фән министрлыгы һәм Мамадыш районы башкарма комитетының мәгариф бүлеге шагыйрь һәм прозаик Рафаил Газизов иҗатына багышланган төбәкара конкурс үткәрә. Бу турыда министрлыкның матбугат хезмәте хәбәр итә.

(Казан, 6 март, «Татар-информ»). Соңгы көннәрдә Татарстан территориясендә һава шартларын билгеләгән антициклон якшәмбе, 8 мартта, атмосфера фронты белән кысрыклап чыгарыла. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

(Казан, 6 март, «Татар-информ», Арсений Кәримов). ТР Президенты ярдәмчесе Наталия Фишман-Бекмамбетова Инстаграм челтәрендәге үз битендә Кабан күленең икенче чиратын торгызу эшләре төшерелгән фотолар урнаштырды.

(Казан, 6 март, «Татар-информ», Рузилә Мөхәммәтова). Татарстан Президенты Рөстәм Миңнеханов яңа гаиләләр кору өчен яучылар кирәклеген әйтте. Бу хактагы фикерләрен ул 8 март уңаеннан журналист хатын-кызлар белән традицион очрашуда җиткерде.

(Казан, 6 март, «Татар-информ»). Татарстан Дәүләт Советы депутатлары хатын-кызларны 8 март бәйрәме белән котлаган. Алар «Любите, девушки, простых романтиков» җырын башкарган. Татарстан Дәүләт Советы депутаты Римма Ратникова котлау видеосын Инстаграм социаль челтәрендә үз аккаунтында куйган.

(Казан, 6 март, "Татар-информ"). Казанның 2040 елга кадәрге Генераль планы Казан муниципаль берәмлеге документлары һәм хокукый актлары җыентыгының 2020 елның 6 мартындагы махсус чыгарылышында урын алды. Документ шәһәр Думасының XXXVIII хисап сессиясендә кабул ителде һәм бүгенге көннән үз көченә керә. Бу турыда шәһәр мэриясенең матбугат хезмәте хәбәр итте.

(Казан, 6 март, «Татар-информ», Надежда Гордеева). Казанда илкүләм проектлар турында мәгълүмат бирүдә һәм гамәлгә ашыруда ярдәм итү буенча «Илкүләм проектлар: Татарстан-2019» республика фотоконкурсына йомгак ясалды. «Татар-информ» мәгълүмат агентлыгы фотографлары Владимир Васильев һәм Михаил Захаров «Профессиональ алым өчен» номинациясендә махсус приз белән бүләкләнде.

(Казан, 6 март, «Татар-информ»). Татарстан Республикасы Премьер-министры урынбасары, Бөтендөнья татар конгрессы Милли шура рәисе Васил Шәйхразыев Татарстан халык Халыкара хатын-кызлар көне белән котлады. Котлау тексты Бөтендөнья татар конгрессы сайтында чыкты.

(Казан, 6 март , «Татар-информ»). Мәскәү Татар мәдәни үзәге китапханәсендә XX гасыр татар мәдәният эшлеклеләренең тормыш юлы һәм иҗатына багышланган әдәби-музыкаль кичә узды. Бу хакта Бөтендөнья татар конгрессы матбугат хезмәте хәбәр итә.

(Казан, 6 март, «Татар-информ»). Татарстан Сәламәтлек саклау министрлыгы Diamond Princess лайнерыннан китерелгән пациентларны хастаханәдән өйләренә чыгару турындагы мәгълүматны кире какты. Бу турыда республика Сәламәтлек саклау министрлыгының рәсми порталында хәбәр ителә.

(Казан, 6 март, «Татар-информ», Надежда Гордеева). Татарстанда илкүләм проектлар буенча узган елда 341 социаль һәм инфраструктура объекты төзеделәр һәм ремонтладылар. Бу хакта Татарстан Премьер-министрының беренче урынбасары Рөстәм Нигъмәтуллин «Бердәм Россия» Бөтенроссия сәяси партиясенең Татарстан төбәк сәяси советы президиумы комиссиясенең киңәйтелгән утырышында хәбәр итте.

(Казан, 6 март, «Татар-информ»). Татарстан мөселманнары Диния нәзарәтенең «Зәкят» хәйрия фонды «Ураза тотучыны ашат!» акциясен уздыруны дәвам итә һәм барлык теләүчеләрне әлеге изге эштә катнашырга чакыра. Бу турыда нәзарәтнең матбугат хезмәте хәбәр итте.

(Казан, 6 март, «Татар-информ»). Иртәгә, 7 мартта, Татарстан территориясендә, шулай ук Казанда да көчле җил көтелә. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

(Казан, 6 март, «Татар-информ»). Татарстанның халык шагыйре Хәсән Туфан архивы белән эшләгәндә ТР Милли китапханәсенең кулъязмалар һәм сирәк китаплар бүлегендә татарлар арасында беренче хатын-кыз профессиональ композитор Сара Садыйкова автографы табылган. Бу хакта китапханәнең матбугат хезмәте хәбәр итә.

(Казан, 6 март, «Татар-информ», Рузилә Мөхәммәтова). Рөстәм Миңнеханов традицион татар стилендәге киемдә үзенең уңайлы хис итүен һәм бу стильне пропагандаларга кирәклеген әйтте. Бүген ул 186нчы лицейда һәм журналист хатын-кызлар белән традицион очрашуга күтәртмә якалы татар стилендәге костюмнан килгән иде.

(Казан, 6 март, «Татар-информ», Гөлүзә Ибраһимова). Равиль Фәйзуллин сынчы Әхсән Фәтхетдинов тапшырып калдырган хатларны нәшер итәргә тели. Бу хакта ул «Казан Кремле» Музей-тыюлыгының «Манеж» күргәзмә залында узган түгәрәк өстәлдә сөйләде.

(Казан, 6 март, «Татар-информ», Надежда Гордеева). Татарстан Дәүләт Советы Рәисе Фәрит Мөхәммәтшин илкүләм проектларны гамәлгә ашыру өчен акчаны файдалануга карата халык һәм партия катгый контроле урнаштырырга өндәде. Бу хакта парламент башлыгы һәм «Бердәм Россия» Бөтенроссия сәяси партиясе Төбәк сәяси советы президиумы комиссиясенең киңәйтелгән утырышында белдерде.

(Казан, 6 март, «Татар-информ», Диана Авакян). Татарстан Президенты Рөстәм Миңнеханов хатын-кыз президент өчен тавыш бирергә әзер булуын әйтте. Бу хакта ул журналистлар белән очрашуда «Татар-информ» мәгълүмат агентлыгы хәбәрчесе соравына җавап биргәндә белдерде.

(Казан, 6 март, «Татар-информ»). Бүген Татарстан мөселманнары башлыгы, мөфти Камил хәзрәт Сәмигуллин Уфаның «Ихлас» мәчетендә җомга намазын алып барды. Әйтергә кирәк, мөфти хәзрәтләре Башкортстан башкаласына шушы мәчет имам-хатыйбы Мөхәммәд хәзрәт Галләмов чакыруы белән килде. Бу хакта ТР Диния нәзарәтенең матбугат хезмәте хәбәр итә.

(Казан, 6 март, «Татар-информ», Рузилә Мөхәммәтова). Дәүләт язучыга әдәби эшчәнлек өчен мөмкинлекләр тудырырга тырыша, әмма нәтиҗәләр канәгатьләнерлек түгел. Рөстәм Миңнеханов «Татар-информ» хәбәрчесе соравына җавап биреп бүгенге татар әдәбияты турында фикерләрен җиткерде.

(Казан, 6 март, «Татар-информ», Надежда Гордеева). Илкүләм проектларны гамәлгә ашырганда халык белән элемтә механизмы мөһим. Бу хакта бүген Татарстан Республикасы Премьер-министрының беренче урынбасары Рөстәм Нигъмәтуллин «Бердәм Россия» төбәк советы президиумы комиссиясе утырышында әйтте.

(Казан, 6 март, «Татар-информ», Динара Прокопьева). Татарстан Президенты Рөстәм Миңнеханов авылда күчмә дискотекалар уздырырга тәкъдим итте. Бу ялгыз ир-атлар һәм хатын-кызлар таныша алсын өчен кирәк. Бу хакта ул Халыкара хатын-кызлар көне алдыннан журналистлар белән очрашуда сөйләде.