Новости за 31.03.2020

(Казан, 31 март, «Татар-информ»). Түбән Камада физкультура һәм спорт белән даими шөгыльләнүчеләр саны ун ел эчендә ике тапкыр арткан. Бу турыда Физкультура һәм спорт идарәсе башлыгы Александр Клипачев сүзләренә сылтама белән Түбән Кама муниципаль районы рәсми сайты хәбәр итте.

(Казан, 31 март, «Татар-информ», «Ватаным Татарстан», Гөлгенә Шиһапова).Әле болар янына, кайгысы да, шатлыгы да бергә, дип тә өстисе килә. Кирәк вакытта сабыр итәләр, шатлык килсә, рәхәтләнеп бәйрәм ясыйлар. Туганлыкның гына түгел, килен белән каенананың татулыгын да күреп шаккатасың биредә.

(Казан, 31 март, «Татар-информ»). Б\геннән башлап Татарстан Пенсия фонды клиентлар хезмәтләрендә һәм идарәләрендә кабул итү алдан язылу буенча гына оештырыла. Мондый чаралар коронавирус инфекциясе таралу куркынычын киметү өчен күрелә. Бу турыда Казан мэриясе хәбәр итте.

(Аксубай, 31 март, «Татар-информ», «Авыл таңнары», Зинаида Леонтьева). Аксубай урманчылыгы һәм урман хуҗалыгы эшчеләренең киеренке урман культуралары утырту сезоны башлана. Бүген әлеге җаваплы чорга әзерлек бара, техникаларны һәм үсентеләр әзерлиләр. Бу турыда район басмасы хәбәр итә.

(Бөгелмә, 31 март, «Татар-информ», «Бөгелмә авазы»). Бөгелмә фонтаннарын ремонтлау һәм техник хезмәт күрсәтү заказын 2020 елда Дәүләт сатып алулары сайтында район башкарма комитеты бастырган. Килешүнең башлангыч суммасы 800 мең сум тәшкил итә. Финанслау чыганагы — Татарстан бюджеты. Бу турыда район басмасы хәбәр итә.

(Кукмара, 31 март, «Татар-информ», «Хезмәт даны», Алсу Сәлахетдинова). Кукмарада биш ятим бала шәһәрнең Гафиатуллин урамындагы яңа йорттан берәр бүлмәле фатирлар алды. Районда 68 ятим бала «Ятим балаларны торак белән тәэмин итү» программасы буенча исәптә тора. Бу турыда Кукмара районы Башкарма комитетының торак сәясәте буенча баш белгече Руфия Хәкимова сөйләде, дип хәбәр итә район басмасы.

(Яңа Чишмә, 31 март, «Татар-информ», «Яңа Чишмә хәбәрләре»). «Безнең ишегалды» программасы буенча Яңа Чишмәдә күп катлы 20 йорт төзекләндереләчәк. «Безнең ишегалды» республика программасы буенча Яңа Чишмә районында 3 ел эчендә 70 млн сумнан артык күләмдә 20 ишегалдын төзекләндерү планлаштырыла. Бу турыда район басмасы хәбәр итә.

(Чирмешән, 31 март, «Татар-информ», «Безнең Чирмешән», Марат Гомәров). Чирмешән районы үзәгендә яшәүче Марат Минтаһир улы гармуннар җыя. Хәзер аның коллекциясендә егермедән артык гармун, дистәләгән сандык бар. Бу турыда район басмасы хәбәр итә.

(Казан, 31 март, "Татар-информ").  Түбән Камада 2020 елда яңа спорт мәйданчыклары төзеләчәк. Бу хакта эшлекле киңәшмәдә физкультура һәм спорт идарәсе башлыгы Александр Клипачев җиткерде, дип хәбәр итә Түбән Кама муниципаль районы рәсми сайты.