د چابهار بندر د کار له پیله تر اوسه ۵ لکه ټنه انتقالات ترسره شوي
د دغه وزارت ویاند علي سینا سائد نن ازادي راډيو ته وویل، چې دامهال صادرات او واردات دواړه جریان لري.
هغه زیاته کړ ه: "له کله نه چې د چابهار بندر په کار پیل کړی، تراوسه پوري ۵ لکه ټنه انتقالات پرې شوي دي، پر دې بندر صدارات او واردات جریان لري او عملا کار روان دی."
افغانستان د چابهار له لارې د ۲۰۱۹ میلادي کال له فبرورۍ میاشتې راهیسې خپل صادرات پیل کړي.
د چابهار بندر د فعالولو هدف د منځنۍ اسیا له هغو هېوادونو سره سوداګریزه مرسته ده چې په وچه کې پراته دي.
د دې بندر د جوړولو کار په ۲۰۱۶ میلادي کال کې پېل شو.
هند تقریباً ۵۰۰ میلیونه ډالر پر دې بندر پانګونه کړې ده.