د کریمیا غصب شوې ټاپو وزمې ته د روسي رېل ګاډي ورتګ؛ اوکراین جنايي تحقیقات پيل کړي
روسي رېل ګاډی چې په ګرانډ سرویس ایکسپریس خصوصي کمپنۍ پورې تړاو لري، د سې شنبې په ورځ له سن پیټرزبورګ څخه روان شو او پرون (چهارشنبه) د کریمیا سواستوپول ته ورسېد.
دا د سپرلیو لومړنی رېل ګاډی دی چې د روسیې له لوري په دې جوړ شوي پله تېرېږي.
اوکراین، امریکا او اروپايي اتحادیې د روسیې له لوري د دغه پله جوړول غندلي او هغه یې د اوکراین د مځکنۍ بشپړتیا سرغړونه بللې ده.
د دغه پُل پر جوړولو ۳ ملیارده او ۷ سوه میلیونه ډالر لګول شوي او د اروپا تر ټولو اوږد پُل ګڼل کېږي.