د ترکیې په سواحلو کې د یوې کښتۍ ډوبېدو کې افغان کډوال هم مړه شوي
د ترکیې حکومت په یوه بیان کې وویل چې دا پیښه د ترکیې د بیتلس ولایت ختیځ په وان خلیج کې شوې.
په بیان کې ویل شوي چې په دغه کشتۍ کې د افغانستان، پاکستان او بنګله دېش ۷۱ غیرقانوني کډوال سپاره چې اوه یې مړه شوي او نور یې ژغورل شوي دي.
په بیان کې په دې اړه چې د قربانیانو څو یې افغانان دي نورجزیات نه دي ورکړل شوي.
رویترز د ترکیې د کورنیو چارو وزارت د شمېرو له مخې راپور ورکړی چې تېر ۲۰۱۸ کال ۲۶۸ زره غیرقانوني کډوال په ترکیه کې نیول شوي دي.