کندز کې د عبدالله عبدالله د لسګونه پلویانو لاریون

دثبات او همپالنۍ ټاکنیزې ډلې لسګونو پلویانو نن دوشنبه (ليندۍ ۱۸) په کندز ښار کې لاریون وکړ او اعتراض کوونکو د ټاکنو له کمېسیون غوښتنه کوله چې پاکې او ناپاکې رأيي سره جلا کړي.


په کندز ولایت کې د ثبات او همپالنۍ ټاکنیز ډلې یوتن استازې عبدالصبور امامي رسنیو ته وویل، که چېرې د دوی مشروع غوښتونو ته رسېدنه ونه شي نو دوی به په پراخه کچه لاریون وکړي او  د دې ولایت لویي لارې د ترافیک پرمخ تړي.


د یادونې وړ ده، چې دا لومړۍ ځل دي د ثبات او همپالنۍ ټاکنیزې ډلې پلویان په کندز ولایت کې خپل لاریون ترسره کوي.