موحد: عدلي او قضايي مرکز ته څه د پاسه څلوېښت دوسیې لېږل شوي
له نشه يي موادو سره د مبارزې عدلي او قضايي مرکز ویاند خالد موحد ازادي راډیو ته وویل، امنیتي ځواکونو په څو ولایتونو کې د (۳۴) پېښو په تور (۴۴) کسان نیولي او دوسیې یې عدلي او قضايي مرکز ته استولي دي.
ښاغلی موحد وايي چې عدلي او قضايي مرکز څو نورې دوسې هم څېړلي او مجرمین یې په جزا محکوم کړي دي.
دی وایي: په تېره یوه اوونۍ کې د نشه يي موادو د قاچاق د (۲۲) پېښو په تور (۲۹) کسان د عدلي او قضايي مرکز ابتدائیه او استېناف محکمو له دوو څخه نیولې بیا تر (۱۵) کالو پورې په بند باندې محکوم کړي دي.
له نیول شویو تورنو کسانو څخه اتو تنو یې غوښتل چې د حامد کرزي هوايي ډګر له لارې هند ته هیروئین او ښیښه قاچاق کړي.