مودي: جمو او کشمیر به خپل پخوانی برم ترلاسه کړي
نرېندرا مودي نن، د اګسټ په ۱۵مه، دا خبرې د هند د خپلواکۍ د کلیزې لپاره په وینا کې کړې دي.
مودي وویل چې د جمو او کشمير پخواني موقف په سیمه کې د اداري فساد، بېعدالتۍ او خېشخورۍ ته زمینه برابره کړې وه.
د اګسټ په پنځمه د هند د پارلمان د رأیګېري پر اساس، د هغه هېواد د اساسي قانون ۳۷۰ ماده لغو شوه او د جمو او کشمیر کورواکي ختمه شوه.
دا سیمه په مستقیم ډول د هند د مرکزي حکومت تر واکمنۍ لاندې شوه.
پاکستان د هند پر دې حرکت سخت انتقاد کړی او ویلي یې دي چې د ملګرو ملتونو د امنیت شورا باید پر دې مسئله بېړنۍ غونډه وکړي.