له تېرې جولای میاشتې سېلابونو په پاکستان کې ۱۶۱ تنه وژلي
د چین د سینهوا خبري آژانس د پاکستان د طبعي پېښو په وړاندې د مبارزې د ادارې له قوله دا خبر ورکړی دی.
د خبر له مخې، نږدې شل کسان په کراچۍ کې مړه شوي دي.
ویل کېږي چې په ځینو سیمو کې د بارانونو اندازه ۱۹۲ ملي مترو ته رسېدلې چې له امله یې ډیرو سیمو کې برښنا پرې شوې او د ودانیو چتونه هم راپرېوتي دي.
بارانونو تر ټولو ډېر زیان دې ښار کې چې شل ميلیون وګړي اوسي، اړولی دی.
اټکل کېږي چې دغه بارانونه به نن کم شي او څپه به یې له وچې د دې بندري ښار سواحلو ته واوړي.
د جرمني ډي پي اې خبري اژانس د پاکستان د پوځ د یوه ویاند له قوله ویلي چې وایي، پوځ او ملکي کارکوونکي له سړکونو د اوبو د خالي کولو هلې ځلې کوي.