زلمي خليلزاد د تاجکستان له ولسمشر امام علي رحمان سره ولیدل
د تاجکستان د جمهوري ریاست مطبوعاتي دفتر وايي چې امام علي رحمان ښاغلي خلیلزاد ته ويلي چې په ګډو هڅو کولای شو د ثبات، سولې او پرمختګ د تأمین لپاره له افغانستان سره مرسته کوو.
پهدې کتنه کې د اوسني حالت او د تاجکستان او امریکا د همکارۍ پر لرلید هم خبرې وشوې.
د تاجکستان د جمهوري ریاست دفتر زیاتوي چې خلیلزاد په افغانستان او سیمه کې د سولې او ثبات په تأمینولو کې د تاجکستان رول او برخه وستايله.
همدا راز پهدې کتنه کې د تاجکستان او افغانستان د پولو د خونديتوب او پياوړتيا پر مسایلو، د ترورېزم پر ضد د مبارزې پر هڅو، سخت دريځۍ او مخدره موادو د قاچاق پر موضوع هم خبرې وشوې.
زلمی خليلزاد پرون ماښام دوشنبه ته تللی.