د سوک وهنې فدراسيون د سکرټر جنرال د وژنې څېړنې پيل شوي

د کابل امنيتي چارواکي وايي، د افغانستان د سوک وهنې د فدراسيون د سکرټر جنرال د وژنې په اړه يې څېړنې پيل کړي دي.


 حميد الله حميدي نن د کابل د درېيمې امنيتي حوزې په مربوطاتو کې د نامعلومو وسله والو په حمله کې ووژل شو.


د کابل د امنيې قوماندانۍ وياند فردوس فرامرز دغه پېښه تأييد کړه او ويې ويل چې په دې اړه څېړنې پيل شوي دي.


د دې حملې مسؤليت چا نه دى منلى.