له جرمني څخه ۱۱ افغان پناه غوښتونکي کابل ته ورسېدل
له جرمني څخه یوولس افغانان چې د پناه غوښتنې عریضې یې رد شوې وې، نن سهار کابل ته ورسېدل.
دا کسان د جرمني حکومت افغانستان ته ستانه کړي دي.
د جرمني د خبري اژانس «ډي، پي، ای» په حواله، دا د افغانانو ۲۵مه ډله ده چې د ۲۰۱۶ میلادي کال له ډسمبر راهیسې افغانستان ته استول شوي دي.
د جرمني د خبري اژانس په حواله، له هغه راهیسې ۶۰۰ افغان نارینه چې د پناه غوښتنې عریضې یې رد شوې وې، د جرمني حکومت افغانستان ته ستانه کړي دي.
په جرمني کې د افغانستان د یو شمېر پناه غوښتونکو د ردېدو په اړه جدي بحثونه کېږي.
یو شمېر کسان چې د دې کار مخالف دي، ادعا لري چې افغانستان ډېر خطرناک هېواد دی او د دې وړ نه دی چې پناه غوښتونکي ور ستانه شي.