ولسمشر غني د شانګهای په سرمشریزه کې د هند له صدراعظم سره ګوري
افغان ولسمشر د یوه لوړپوړي پلاوي په مشرۍ د شانګهای همکاریو سازمان په غونډه کې د ګډون لپاره د قرغزستان پلازمینې بشکیک ته رسېدلی دی.
نن د جمهوري ریاست څخه په خپره شوې اعلاميه کې راغلي چې ولسمشر غني به پهدې غونډه کې د خبرو تر څنګ د دې سازمان د غړیو هېوادونو له مشرانو سره ویني.
تمه ده چې د شانګهای د همکاریو سازمان په ۱۸مه سرمشریزه کې د یو شمېر نورو موضوعاتو ترڅنګ د افغانستان پر سوله او اقتصاد خبرې وشي.
دا دوه ورځنۍ غونډه د قرغزستان په پلازمینه بشکیک کې نن پیلېږي.
قرغزستان، قزاقستان، تاجکستان، هند، پاکستان، چین او روسیه د دې سازمان دایمي غړي هېوادونه دي او افغانستان، ایران، بېلاروس او منګولیا د دې سازمان څارونکي غړي دي.
د شانګهای سازمان تېره سرمشریزه د تاجکستان په پلازمینه دوشنبه کې وه.