نن د هندوستان او استراليا د کرکټ لوبډلې د سیالۍ ډګر ته وځي

د ٢٠١٩ میلادي کال د کرکټ د نړيوال جام د سياليو په لړ کې نن هندوستان له استراليا سره مسابقه کوي.


د لندن په لوبغالي کې دغه مسابقه نن د افغانستان پر وخت د ماسپښين په ٢ بجو پيلېږي.


استراليا تر اوسه دوه مسابقې کړي چې يوه يې له افغانستان او بله یې له ويسټ انديز څخه ګټلې ده.


هندوستان تر اوسه يوه مسابقه کړې چې له جنوبي افريقا يې ګټلې ده.


پرون د دغو مسابقو په لړ کې نيوزيلنډ افغانستان او انګلستان بنګله دېش ته ماته ورکړه.