په انډونیشیا کې د اګست پر ۱۷مه د خپلواکۍ ورځې په مناسبت د خرما د ونو په تنو د ختلو دودیزه سیالي شوې. د هغې سیالۍ لپاره د ونې سټې په تېلو غوړېږي چې له وجې یې ورته ختل ګران شي او چې لوبغاړي یې سر ته وخېژي نو له هغه ځایه خپل انعام ترلاسه کوي. دا سیالۍ په ۲۰۲۰ز کال کې د کووېډ-۱۹ جهاني وبا له پیل راهیسې نه وې شوې. د رویټرز اژانس له ویډیو جوړ رپورټ.
د افغانستان د نجونو د روباټیک ټیم لس غړي تازه له کابله قطر ته د زده کړو لپاره لاړل. فرشته بهادر هغه نجلۍ چې تازه د افغانستان د روباټیک ټیم د غړیتوب ترڅنګ قطر هېواد ته رسېدلې. فرشته او ۹ نورې همکارانې یې تازه د لوړو زدکړو لپاره د قطر هېواد بورسیې ترلاسه کړي. فرشته وايي، دا او نورې ملګرې یې خوشحاله دي چې په دغو سختو شرایطو کې یې له افغانستان نه بهر د زده کړو لپاره چانس ترلاسه کړی. هغه زیاتوي: "زیاته هڅه به وکړم څو له دې فرصت نه استفاده وکړم او د افغانستان لپاره ویاړ راوړم." دغو نجونو چې تازه... Читать дальше...
د پاکستان په رسنیو کې د تحریک انصاف د مشر او پخواني وزیراعظم عمران خان د سلاکار شهباز ګېل ګرفتارۍ او ورباندې د تشدد د دعوو په اړه تاوده بحثونه روان دي. شنونکي پوښتنه کوي چې دا ډول بحثونه ولې د پارلېمان د غړي علي وزیر په اړه نه کېږي چې له څه د پاسه یو نیم کال راهیسې بندي دی؟ موضوع په ځانګړي رپورټ کې څېړل شوې.
د امریکا د سنا مجلس د بهرنیو اړیکو کمېټې په خپل تازه راپور کې له افغانستان نه د امریکايي ځواکونو وتل یو تراژیک یاد کړی او ویلي دي چې افغانستان اوسمهال یو ځل بیا د ترهګرو په پټنځای بدل شوی. د امریکا د سنا مجلس د بهرنیو اړیکو کمېټې د جمهوري غوښتونکو لخوا له افغانستان نه د امریکايي ځواکونو د وتلو د څرنګوالې په اړه په ۱۱۵ ورقي راپور کې ویلي چې دغې چارې امریکا له ستونزو سره مخ کړه. دغه راپور چې تېره ورځ پنجشنبه ناوخته له افغانستان نه د ستراتیژیکې ماتې او د امریکايي ځواکونو د وتلو د څرنګوالي په اړه... Читать дальше...
په داسې حال کې چې د ملګرو ملتونو له لوري د طالب مشرانو د سفر د محدودیتونو معافیت وخت په ختمېدو دی، یو شمېر افغان ښځې او ښځینه زده کوونکې له ملګرو ملتونو غواړي چې دا معافیت دې لغوه کړي. د طالبانو د حکومت د یو شمېر مشرانو د سفرونو په اړه د ملګرو ملتونو له لوري د بندیزونو معافیت نن جمعه د اګست په ۱۹ پای ته رسېږي، او ټاکل شوې چې سبا شنبه د اګسټ پر ۲۰مه نېټه امنیت شورا په دې اړه بحثونه وکړي چې ایا دا موده وغځوي او که خپله پرېکړه لغوه کړي. د افغان ښځو د حقونو ځینې فعالانې له ملګرو ملتونو غوښتنه کوي... Читать дальше...
په افغانستان کې سږ کال په اوړي کې په سېلاوونو کې سلګونه کسانو ته مرګژوبله اوښتې، سلګونه کورونه یې ړنګ کړي او لسګونه زره جریبه کرنیزې ځمکې ته زیانونه اوښتي دي.
نن د افغانستان د سیاسي خپلواکۍ د بېرته ګټلو ۱۰۳ مه کالیزه ده. د افغانستان د سیاسي خپلواکي د بېرته ګټلو ۱۰۳ کالیزه داسې مهال رارسېږي چې په دغه هېواد طالبان واکمن دي. یو شمېر افغانانو له ازادي راډيو سره په خبرو کې وویل، د سږکال خپلواکۍ د ورځې لپاره ځانګړي مراسم نه دي نیول شوي او هر څه بې خونده دي. د ارزګان ولایت اوسېدونکي احسان الله وايي، سږ کال له ملي بیرغ پرته خپلواکي هېڅ خوند نه لري. هغه وویل: "ما خو چې ولیدل تر اوسه چمتوالی نه شته، پخوا به چې دا ورځ راتله خلکو به ډېر چمتوالی ورته نیولو، بیرغونه به یې راویستل خو سږ کال هغه هم نه شته. Читать дальше...
د ماشومانو د ملاتړ لپاره د ملګرو ملتونو مرستندوی صندوق یا یونیسف وايي، پر افغانستان د طالبانو د ولکې له ټینګولو کال وروسته هم ۱۳ میلیونه ماشومان بشري مرستو ته اړتیا لري. یونیسف پرون ناوخته په یوه ټوېټ کې ویلي، دوی به په افغانستان کې د هر ماشومام ملاتړ ته ژمن پاتې شي. ملګرو ملتونو ویلي چې په افغانستان کې نږدې درې نیم میلیونه ماشومان له خوارځواکۍ کړېږي.
د طالبانو تر ولکې لاندې باختر اژانس خبر ورکړی، چې تېره شپه په بدخشان کې د یوه کمین په نتیجه کې ۳ تنه چې اژانس «بغاوتګر» بللي وژل شوي دي. د بدخشان لپاره د طالبانو د اطلاعاتو او فرهنګ رئیس معزالدین احمدي ویلي، په دې پېښه کې چې په راغستان ولسوالۍ کې درې نور کسان ټپیان شوي دي. طالبان خپلو مخالفو وسله والو ته یا هم د بغاوتګرو یا هم خوارجو اصطلاحات کاروي. د افغانستان په ځینو برخو کې د طالبانو پرضد وسله وال مقاومتونه روان دي، چې طالبان یې زیات مهال کم اهمیته ښيي.
د افغانستان د هوا پېژندنې ادارې وړاندوینه کړې چې نن جمعه او سبا شنبه به د هېواد په یو شمېر ولایتونو کې شدید ورښتونه وشي. د دې ادارې پر اساس، نورستان، کونړ، بدخشان، ننګرهار، کاپیسا، پنجشېر، بغلان، تخار، کاپیسا، پروان، بامیان، سمنګان، کابل، میدان وردک، لوګر، پکتیا، غزني، زابل، ارزګان، غور، کندهار، او هلمند هغه ولایتونه دي چې د سختو ورښتونو او په نتیجه کې یې د سېلابونه د جاري کېدو اټکل کېږي. د هواپېژندنې دادارې له وړاندوینې سره سم، په ځینو سیمو کې ممکن تر ۷۰ میلي مترو پورې باران واوري. په افغانستان... Читать дальше...
په اروپا او افریقا کې د سختې تودوښې، توپان، په ځنګلونو کې اور لګېدا او سېلابونو له کبله لسګونه تنه مړه شوي دي. د فرانسې په کوغس ټاپو کې د تالندې او توپان په نتیجه کې لږترلږه ۱۴ تنو ته مرګ ژوبله اوښتې ده. د پاریس او مارسې ځینو ځایونو ته سېلابونه ورغلي او لارې یې بندې کړي دي. په پرتګال ګې د زیاتې ګرمۍ له امله فوق العاده حالت اعلان شوی. د افریقا په الجزایر هېواد کې په ځنګلونو کې د اورلګېدو له کبله تراوسه لږترلږه ۳۸ تنه مړه شوي او په سوډان کې تراوسه ۷۷ تنه سېلابونو مړه کړي دي.
د ترکیې مرکزي بانک ناببره یو سلنه سود کم کړ خو ورسره جوخت د ډالر پر وړاندې د دغه هېواد د پیسو، لېرې ارزښت ولوېد. د ترکیې مرکزي بانک سود له ۱۴ سلنې ۱۳ سلنې ته راټیټ کړ چې له کبله یې د لېرې ارزښت ولوېد او پرون هر ډالر په ۱۸ لېرې تبادله شو.
د یونان دولتي تلوېزیون وايي، یوه بېړۍ چې ۶۷ غیرقانوني کډوال په کې سپاره وو، پرون پنجشنبه کینتیرا ټاپو ته ورسېده. د دې ټاپو د سمندرغاړو ساتونکو وویل چې د دې بیړی اکثره سپرلي افغانان دي. راپورونه وايي، په دې تړاو د یونان پوله ساتو درې تنه د انسانانو د قاچاق په تور نیولي دي. ویل شوي چې بېړۍ له ترکیې څخه یونان ته تللې او نهايي هدف یې ایټالیا و.
چارواکي وايي، د بغلان ولایت د ده صلاح ولسوالۍ د سکرو په کان کې ۳ کارګر مړه شوي دي. د طالبانو تر کنټرول لاندې باختر خبري اژانس د ده صلاح د ولسوال په قول ویلي چې دا درې تنه په الوګک کان کې د میتان ګاز د خپرېدو له کبله مړه شوي دي. د سیمې اوسېدونکي وايي، له دغه کان څخه د ډبرو سکاره عموماً په غیر فني ډول استخراجیږي او په کان کې د سمڅو کلکوالي ته هم پام نه کوي.
په دایکنډي ولایت کې پرون پنجشنبې ۱۶ تنه په یوه ټرافیکي پېښه کې مړه او ژوبل شول. د طالب چارواکو په وینا، د شهرستان ولسوالۍ په تګابلور کې د یوه قلاینګ کوچ موټر د چپه کېدو په نتیجه کې ۵ تنه مړه شوي او ۱۱ نور ژوبل شوي دي. په ټپیانو کې ۳ ماشومان هم شامل دي. د لارو خرابوالی، د موټر چلوونکو بې احتیاطي او د ټرافیکي مقرراتو نه رعایت په افغانستان کې د اکثرو ټرافیکي پېښو عوامل بلل کېږي.
د طالبانو د حکومت مشر ملا هبت الله اخندزاده وایي، که اړتیا وي د شرعي حدودو د پلي کولو لپاره به یو ځل بیا امریکا سره وجنګېږي. د طالبانو د حکومت مشر او رهبر ملا هبت الله اخندزاده یو ځل بیا امریکا ته خبرداری ورکړی چې د اسلامي شریعت د حدودو پلي کولو لپاره له دوی سره بلې جګړې ته چمتو دی. که څه هم د طالبانو د حکومت د ویاندویانو له لوري رسنیو ته د نوموړي داسې وینا استول شوې چې بشپړه نه ده، خو د افغان اسلامي اژانس په ګډون ځینو رسنیو د ملا هبت الله د وینا په حواله د دې څرګندونو راپورونه ورکړي دي. افغان... Читать дальше...
د ملګرو ملتونو سرمنشي په افغانستان کې د هغو چاودنو په اړه خپله ژوره اندېښنه وښوده، چې روانه میاشت یې له کبله د ماشومانو په ګډون تر ۲۵۰ زیاتو کسانو ته مرګ ژوبله اوښتې ده. انتونیو ګوتیریش د تېرې چهارشنبې چاودنه هم په کلکو ټکو غندلې چې د کابل په ابوبکر جومات کې وشوه او د طالبانو په وینا تر ۲۰ زیات کسان یې په نتیجه کې ووژل شول. د ملګرو ملتونو د پرونۍ اعلامیې له مخې، د ملګرو ملتونو سرمنشي د قربانیانو له کورنیو سره خواخوږي ښوولې او ټپیانو ته یې د عاجلې شفا غوښتنه کړې ده. د ملګرو ملتونو په اعلامیه... Читать дальше...
پر افغانستان د طالبانو د واکمنۍ یو کال د اګست پر ۱۵مه پوره شو. طالب چارواکو د هېواد تر نیولو وروسته له دولتي او حکومتي ودانیو څخه درې رنګه ملي بیرغ لیرې کړ او پر ځای یې د خپل تحریک جنډه هسکه کړه.
د کولومبیا په میدیلین ښار کې هر کال د اګست په لومړۍ اوونۍ کې د ګلونو ۱۰ ورځنۍ مېله کېږي چې پکې د ښار کروندګر او مالیاران ګلونه په یوه څوکۍ کې په ځانګړي ترتیب سینګاروي او بیا په مېله کې برخه اخلي. د مېلې پیل په ۱۹۵۷ز کال کې شوی وو. د اژانس فرانس پرېس له ویډیو جوړ رپورټ.
نن د اسد اته ویشتمه له بریتانیا څخه د افغانستان د سیاسي خپلواکۍ د بېرته اخیستلو له ۱۰۳ کالیزې سره برابره ده. دا ورځ یو شمېر افغانان په هېواد کې دننه او له هېواده بهر لمانځي خو له یو شمېر ولایتونو څخه د ترلاسه شویو راپورونو له مخې، طالبانو په دغو ولایتونو کې هغو خلکو ته، چې په دې مناسبت یې د هېواد ملي بیرغونه پر کورونو یا دوکانونو نصب کړي وو، خبرداری ورکړی او په زوره یې ورباندې ټول کړي دي. وسله والو طالبانو، چې په رینجر موټرو کې سپاره وو، پرون په کونړ او ننګرهار ولایتونو کې په لوډسپېکرو کې اعلانونه... Читать дальше...
د ملګروملتو امنیت شورا نن د یو شمېر طالب مشرانو د سفر د بندیز پر معافیت خبرې کوي. په پام کې ده چې د ملګروملتو امنیت شورا نن جمعه د ۱۳ طالب چارواکو پر سفر د بندیز د معافیت د مودې د اوږدولو په اړه خبرې وکړي. د ملګرو ملتونو له خوا د طالبانو ۱۵ تنه چارواکو ته د خبرو په خاطر بهر ته د سفر کولو اجازه ورکړل شوې وه، خو د جون په ۲۰مه دغه سازمان وویل چې د طالبانو د دوو چارواکو د پوهنې وزارت مرستیال سید احمد شهیدخېل او د لوړو زده کړو وزیر عبدالباقي حقاني د سفر اجازه لغوه شوې او د پاتې ۱۳ کسانو موده د دوو میاشتو په مخه غځول شوې ده. Читать дальше...
نشنل انټرسټ: له دې وروسته افغانستان یوازې د واشنګټن ستونزه نه ده، دا د نشنل انټرسټ امریکایي مجلې د یوې مقالې سرلیک دی. لیکوال په غټو ټکو لیکلي، د افغانستان برخلیک ته پاملرنه له دې وروسته په لویه کچه د خپلو ګاونډیو چین، ایران او پاکستان او دغه راز روسیې پر غاړه ده. لیکوال د دغې خبرې د اثبات لپاره د امریکا د ولسمشر جو بایډن هغه خبرې را اخیستي چې تېر کال یې له افغانستانه د ټولو ځواکونو د ایستلو د پرېکړې پر مهال وکړې. بایډن هغه مهال ویلي و، افغانستان او په پراخه توګه مرکزي اسیا د امریکا اصلي امنیتي او اقتصادي ګټې نه رانغاړي. Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
123ru.net — живые новости в прямом эфире!
В любую минуту Вы можете добавить свою новость мгновенно — здесь.