Новости за 09.05.2020

په ایران کې د افغان کډوالو د شکنجه کېدو په اړه څېړونکی پلاوی هرات ولایت ته رسېدلی دی. د هرات ولایت د والي ویاند جېلاني فرهاد ازادي راډیو ته وویل چې یو پلاوی د جمعې په ورځ هرات ته تللی. د ده په وینا، په دې پلاوي کې د کورنیو چارو وزارت، دفاع وزارت، بهرنیو چارو وزارت، بېرته ستنېدونکو او کډوالو چارو وزارت او د ملي امنیت ریاست استازي شامل دي. ښاغلی فرهاد زیاتوي: "د ملي امنیت شورا د سرپلټونکي حمیدالله طهماسي په مشرۍ یو پلاوی هرات ولایت ته رسېدلی دی چې په سیند کې د یو شمېر هېوادوالو د غرقېدو پېښه... Читать дальше...

د ایران او پاکستان ترمنځ پر پوله په بلوچستان سیمه کې د بمي چاودنې په نتيجه کې د پاکستان د یوه افسر په ګډون د امنیتي پرسونل شپږ کسان وژل شوي دي. د پاکستان پوځ مطبوعاتي دفتر (ای‌اېس‌پي‌ار) پرون په یوه خبرپاڼه کې وویل، امنیتي ځواکونه له ګزمې بېرته د ستنېدو په حال کې وو چې موټر یې پر بم برابر شو. په خبرپاڼه کې راغلي چې دا پېښه د بلوچستان ایالت په کېچ سیمه کې شوې ده. د دې بمي چاودنې مسؤلیت تر اوسه هېڅ ډلې نه‌دی منلی. بلوچستان د پاکستان تر ټولو لوی او ناامنه ایالت دی چې له افغانستان او ایران سره پر پوله پروت دی.

په پاکستان کې د ترورېزم پر ضد یوې محکمې د افغان طالبانو د پخواني مشر ملا اختر محمد منصور د جایداد د لیلامولو حکم کړی دی. د معلوماتو له مخې دا شتمني ۳۲ میلیونه پاکستانۍ روپۍ ارزښت لري. د پاکستان ډان ورځپاڼې د راپور له مخې چې د جمعې په ورځ خپور شو، محکمې د منصور د پنځو جایدادونو د لیلام حکم کړی چې ده له جعلي اسنادو په استفاده پېرلي وو. په دې جایداد کې په کراچۍ ښار کې کورونه او اپارتمانونه هم شامل دي. ملا منصور د ۲۰۱۶ م کال د مې میاشتې په ۲۱مه نېټه د ایران او پاکستان ترمنځ پر پوله په بلوچستان... Читать дальше...

د کندهار د والي په دفتر کې یوې سرچینې ویلي چې د کندهار والي حیات‌الله حیات په کرونا ناروغۍ اخته شوی. سرچینې چې نه‌يې غوښتل نوم‌یې خپور شي، پرون ماخوستن ازادي راډیو ته دا خبر تأييد کړی چې د ښاغلي حیات ترڅنګ د هغه یو شمېر ساتونکي هم په کرونا ویروس اخته شوي دي. د سرچینې په وینا والي او د هغه یو شمېر ساتونکو د جمعې په ورځ د کرونا ویروس معاینات د کندهار حوزې لابراتوار ته ورکړي وو چې د شپې ناوخته‌يې نتيجه مثبته راپور شوه. په کندهار کې د ازادي راډيو د خبريال د راپور له مخې تر اوسه په دې ولایت کې ۴۸۱ کسان په کرونا ویروس اخته شوي دي.

د امریکا د مرستیال ولسمشر مایک پنس د دفتر یو کارکوونکی په کرونا ویروس اخته شوی دی. دا په داسې حال کې ده چې د سپينې ماڼۍ کارکوونکي د کرونا ویروس د خپرېدو د مخنیوي په هدف ماسکونه اغوندي. سپینې ماڼۍ د جمعې په ورځ د مې په اتمه تأیيد کړه چې د پنس د ټيم یو غړی په دې ویروس اخته شوی دی، خو په دې اړه‌یې نور جزئیات ورنه‌کړل. یوه ورځ مخکې د ډونالد ټرمپ د یوه کارکوونکي د کرونا ویروس د معایناتو نتيجه مثبته راپور شوه چې له دې سره د دغه هېواد د مشرانو د روغتیا په اړه اندېښنې راپورته شوې. د امریکا حکومت... Читать дальше...

د امریکا د کارګرۍ وزارت د جمعې په ورځ د مې میاشتې په اتمه نېټه راپور ورکړ چې په دې هیواد کې په تېره اپرېل میاشت کې ۲۰،۵ میلیونه کسانو خپلې دندې له لاسه ورکړي.

افغانستان دغه ۱۰ کسیزه پلاوی ټاکلی چې د هغو راپورونو په اړه پلټنې وکړي چې وايي ایراني پوله‌ساتو ځواکونو ګڼ افغان کډوال اړ ایستلي وو چې ځانونه د هریرود سیند ته واچوي.