Новости за 27.04.2021

Кыргыз өкмөтүнүн Баткен облусундагы өкүлчүлүгүнүн басма сөз кызматы Тажикстан менен чектеш аймакта абал салыштырмалуу турукташканы тууралуу маалымат таратты. Өкмөттүн маалымат кызматы Ак-Сай айыл аймагындагы Ак-Суу дарыясында жайгашкан башкы суу бөлүштүрүүчү жайдагы абал жөнгө салынып, жарандардын таш ыргытуулары токтогонун, Баткен жана Исфара райондорунун акимдеринин, эки тараптын облустук күч түзүмдөрүнүн жетекчилеринин сүйлөшүүлөрү уланып жатканын билдирди. Кырдаалды Баткен жана Согд облустарынын... Читать дальше...

Казакстандын Тараз шаарында былтыркы Кордай районундагы улут аралык жаңжалга байланыштуу 51 кишинин үстүнөн сот жараяны аяктады.

25-апрелде Өзгөн районундагы нааразылык акцияда журналист менен митингдин катышуучуларынын чырын милиция териштирип жатат. Окуяга байланыштуу тараптардан арыз түшпөгөнү менен ага карата юридикалык баа берилери белгилүү болду.  Муну митингге чыккан активисттерди коркутуп коюу катары баалагандар да жок эмес. Ошол эле кезде милициянын журналисттер коркутууга кабылган жагдайларга эки башка мамиле жасаганы сынга кабылды.  25-апрелде Өзгөн районунда “Кемпир-Абад” суу сактагычы тууралуу  жергиликтүү тургундар жыйынга чогулуп... Читать дальше...

Биринчи вице-премьер министр Артем Новиков 27-апрелде коронавирус инфекциясынын жайылышына каршы күрөшүү жана анын кесепеттерин жоюу тууралуу республикалык ыкчам штабдын кезектеги жыйынын өткөрдү. Анда өлкөнүн ар бир аймагындагы эпидемиологиялык абал,  дары-дармек, медициналык жабдуулар,  дарыгерлердин саны, ооруканаларда COVID-19га чалдыккан бейтаптар үчүн кошумча орундарды жана стационарларды ачуу маселелери талкууланды. "Бишкек шаарында коронавирус менен ооругандар көбөйүүдө. Өлкөдөгү эпидемиологиялык абал акыркы жумада өзгөрүлдү. Читать дальше...

Кыргызстандын мурдагы президенти Аскар Акаев “Youtube” порталындагы “Автор ТВ” аттуу каналга маек куруп, кызматта турган маалдагы ишмердиги, үй-бүлөөсүнүн бийликтеги орду, чек ара маселеси, Аксы окуялары жана Кумтөр кени тууралуу пикирин билдирди. Акаев өз кезегинде, 2005-жылы бийликти конституциялык жол менен өткөрүп бербегенине өкүнөрүн айтты. “Эгемендиктин алгачкы 15 жылындагы биринчи президент катары бир өкүнүчүм бар. 2005-жылы конституциялык жол менен кийинки президентти шайлатып, бийликти... Читать дальше...

Кыргызстандын мурдагы президенти Аскар Акаев “Youtube” порталындагы “Автор ТВ” аттуу каналга маек куруп, кызматта турган маалдагы ишмердиги, үй-бүлөөсүнүн бийликтеги орду, чек ара маселеси, Аксы окуялары жана Кумтөр кени  тууралуу пикирин билдирди. Анда Акаев акыркы учурда кыргыз коомунда кыйкырык сүрөөн менен бийлик алмаштыруу адатка айланганын айтты. “Октябрдагы бийлик алмашуу мага мыйзам ченемдүү болуп көрүнүп калды. Себеби, көчө таптап жүргөн миң адамды чогултуп барып эле өкмөт үйүн басып, бийликти тартып алышууда. Читать дальше...

Философия илимдеринин көрүнүктүү өкүлү, академик, чыгаан окумуштуу Аскар Какеев 86 жаш курагында көз жумду. Анын сөөгү 27-апрелде "Ала-Арча" көрүстөнүнө коюлду. Аскар Какеев мамлекеттик кызмат менен катар дээрлик 50 жылдан ашык өмүрүн мугалимдик кесипке арнаган.

Түркияда коронавируска байланыштуу локдаун жарыяланды. Өлкөдө дарыкана жана азык-түлүк дүкөндөрүнөн башка мекемелер толугу менен жабылат. Баткен облусунан жоголуп, Тажикстандан табылган кыргызстандыктар коңшу өлкөнүн аскер кызматкерлери тарабынан кыйноого алынганын айтышууда. Сот Райымбек Матраимовдун үй-бүлөсүнүн журналисттерге каршы териштирүүсүн кыскартты. Буга чейин алар "Азаттык" баштаган бир катар маалымат каражаттары "кадыр-баркыбызга доо келтирди" деп 60 млн. сом талап кылышкан.

Тажикстандын Исфара шаарынын бийлик өкүлдөрү Ворух анклавында жашаган эки өспүрүмдү кыргызстандык чек арачылар кармап, суракка алганын билдирди. Бул тууралуу «Азаттыктын» тажик кызматы жазды. Маалыматта 8-класста окуган эки окуучуну 25-апрелде мал жайып жүргөн жеринен кыргыз чек арачылары кармап алып, уруп-согуп суракка алышканы айтылат. Алар Исфаранын жергиликтүү бийлиги жана тажик чек арачыларынын кийлигишүүсү менен бошотулганы кабарланууда. Азырынча бул маалымат боюнча Кыргызстандын тиешелүү бийлик органдары комментарий бере элек. Читать дальше...

Бишкектин 11-кичи районунда жашаган Сагит Сулейманов кошуналарынын сүймөнчүгү. Ал жашаган үйдүн короосуна отургучтарды орнотуп, куштарга жана тыйын чычкандарга жем салгыч да жасап койгон.

Ирандын президенти Хасан Роухани тышкы иштер министри Мохаммад Жавад Зарифтин интервьюсу деп жазылган аудио кантип тараганын иликтөөнү тапшырды. Бул тууралуу Иран өкмөтүнүн расмий өкүлү Али Рабие 27-апрелде журналисттерге билдирди. Анын айтымында, президент Роухани “уурдалган үч сааттык аудиону ким таратканын аныктоо тапшырмасын берген”. 25-апрелде перс тилдүү Iran International спутник каналы Ирандын тышкы иштер министри Мохаммад Жавад Зарифтин аудио маегинин үзүндүлөрүн жарыялаган. Анда Ирандын... Читать дальше...

Президент Садыр Жапаров чет өлкөлүктөр үчүн кумарканаларды ачууга уруксат берген мыйзамга вето коюуга даяр. Бул тууралуу президенттин расмий баракчасына билдирүү чыкты. “Мамлекет башчысы Садыр Жапаров бардык тараптардын пикирлерин эске алуу үчүн чет мамлекеттердин жарандарына өлкөнүн айрым аймактарында кумар оюндарынын ишин жандандырууну караштырган «Ысык-Көл облусунун аймагындагы, туристтик-оюн-зоок комплексин камтыган адистештирилген административдик район жөнүндө» мыйзам долбоору боюнча ар кандай... Читать дальше...

Бишкекте “Ата Мекен” партиясынын саясий кеңеши чогулуп, өлкөдөгү акыркы күндөрү актуалдуу болуп жаткан чек ара маселесин талкуулап жатат. Жыйындын ачылышында партиянын лидери, саясатчы Өмүрбек Текебаев сөз сүйлөдү. Ал чек ара маселесин чечүүдө коңшу өлкөлөрдүн бир топ жылдык стратегиялык пландары бар экенин айтты. “Кыргызстан коңшу өлкөлөр менен чек ара маселесин чечүүдө бир кадам да артка чегинбеши керек. Коңшу өлкөлөрдүн Кыргызстан менен чек арага байланыштуу 30-50 жылдык стратегиялык пландары, алдын ала даярдалган протоколдору бар. Читать дальше...

Эл Баатыры Бексултан Жакиевдин байбичеси Сабира Турсункулова бүгүн, 27-апрелде каза болду. Бул тууралуу “Азаттыкка” Маданият, маалымат, спорт жана жаштар саясаты министрлигинин басма сөз кызматы кабарлады. Кыргыз маданиятына эмгек сиңирген ишмер, Сабира Турсункулова ардактуу эс алууга чыкканча аталган министрликтин экономика бөлүмүндө эмгектенген. Кыргыз адабиятынын, искусствосунун, маданиятынын алпы Бексултан Жакиев 25-апрелде 85 жашында дүйнө салган. 26-апрелде маркумдун сөөгү "Ала-Арча" көрүстөнүнө коюлган эле. Читать дальше...

Президент Садыр Жапаров коомчулукта кызуу талкуу жараткан казинолор тууралуу мыйзамды колдорун дагы билдирди. Ал бул жолу кумарканаларды Ысык-Көл облусунда гана эмес, Кыргызстандын бардык аймагында ачууну сунуштады. Бийлик бул кадамын экономиканы көтөрүү, бюджетти толтуруу аракети менен түшүндүрүүдө. Буга чейин “Манас”, “Ош” аэропортторуна жана Ысык-Көл, Баткен облусунун аймактарына кумаркана ачуу сунушталып келген. Бирок кумарканалардын ачылышына каршы чыккан тараптар да бар. Президент Садыр... Читать дальше...

Нарындык Болот Калил уулу төрт жылдан бери Британиядагы "Shotpage ltd" компаниясында инженер программист болуп иштейт. Ал кесиптештери менен биргеликте "AvA "деп аталган селфи робот жасаган. Келечекте анын дагы жаңы түрлөрүн жасоону көздөп жатат.

Эркин журналист Ыдырыс Исаков “Алай” футбол клубунун кожоюндары тууралуу “Айлыгынан байлыгы көп Аматовдор” аттуу иликтөөсүн жарыялады. Анда «Жеке менчик футбол командасы эмне үчүн Ош шаардык казынасынан каржыланып келатат?" деген суроого басым жасалган.   Иликтөөдө Юстиция министрлигинин расмий сайтына таянып көрсөтүлгөндөй, “Алай” профессионалдык футбол клубуна төрт адам ээлик кылат. Алар: Алмазбек Сулайманов, Полот Тувашев, Сейитбек Аматов жана Асилбек Майлыбаев. Ал эми Ош шаарынын мэриясынын да... Читать дальше...

Москвада иштеген кыргызстандыктар соңку апталарда миграциялык текшерүү күч алып, мигранттарды административдик жазага тартуу күчөгөнүнө арызданып жатышат. Эң жөнөкөйү – беткап же колкап кийбеген мигранттарга 5 миң рублга чейин айып пул салынууда. Москвада 13 жылдан бери үй-бүлөсү менен жашаган Дамира полицияга автобуста ишке бараткан жеринен кабылган. Башка жүргүнчүлөрдүн ичинен аны сууруп чыгышып, автобуска билетин текшерип, андан кыйкым табылбаганда, «колуңда перчаткиң жок» деген жүйө менен административдик протокол түзүп... Читать дальше...

Индия алтынчы күн катары менен коронавирусту жугузгандардын жана андан көз жумгандардын саны боюнча дүйнөдө жогорку көрсөткүчкө чыкты. Илдеттин жапырт жайылышына каршы турууга дарыгерлердин алы жетпей, аскер күчтөрү тартылууда. Дүйнөлүк саламаттык сактоо уюму Индияга жардам берүү максатында 2,6 миңден ашуун кызматкерин жөнөттү. Дүйнөлүк саламаттык сактоо уюмунун жетекчилиги Индияда коронавирус илдетин жугузуп, андан кырылып жаткан калктын жагдайына кескин тынчсыздануусун билдирди. Расмий маалымат... Читать дальше...

Ирандын Ислам ыңкылабынын сакчылар корпусунун кайыктары ушул айдын башында Перс булуңунда АКШнын Аскер деңиз күчтөрүнүн эки кемесине кол салган. Бул тууралуу 27-апрелде АКШнын Аскер деңиз күчтөрү кабарлашты. 2-апрелде орун алган окуяда эч ким жабыркаган эмес. Бул күнү Вашингтон менен Тегеран Ирандын өзөктүк келишими боюнча Венеда сүйлөшүүлөрдү жандантарын жарыялашкан эле. Ал учурда деңизде болгон “инцидент” боюнча ачык маалымат берилген эмес. АКШнын расмий өкүлдөрүнүн маалыматы боюнча, Ирандын... Читать дальше...

Кыргызстанда Экинчи дүйнөлүк согуштун ардагерлери соңку бир жылда дээрлик жарымына азайды. Саламаттык сактоо жана социалдык өнүктүрүү министрлигинин басма сөз кызматы 27-апрелде “Азаттык” радиосуна билдиргендей, быйыл 1-апрелде өлкөдө бул согуштун 146 ардагери бар экени белгилүү болгон. Былтыр ушул маалда алардын саны 241 болчу. 146 ардагердин 33ү согуштун майыбы, 85и катышуучусу, 13ү бала кезинде концлагердин туткуну болгондор жана 15и Ленинград блокадасында калгандар. Мындан тышкары оруктун эмгекчилеринен 1304 адам... Читать дальше...

"Азаттыктын" "Эгемендикти эмне бекемдейт" сынагына Ишенаалы Арабаев атындагы Кыргыз Мамлекеттик университетинин 4-курсунун студенти Айым Маданбекова жиберген блог.  Менин атым Айым, 21 жаштамын, өзүмдүн өлкөм Кыргызстандан туура 8 жаш кичүүмүн. Мен тамаша катары жакын адамдарыма мындай деп айтып калам, “Кыргызстан менден дээрлик 8 жаш улуу болсо да, дагы деле тамтаңдап баскан наристе сымал, мен андан канча кичүү болсом да тескерисинче аны ойлойм”-деп. “Эгемендикти эмне бекемдейт?” аттуу сынагына... Читать дальше...

Быйыл Кыргызстанда Май майрамдарында ишемби-жекшембиден тышкары 5-майда жана 10-майда эс алуу күндөрү болот. Бул тууралуу 27-апрелде “Азаттык” радиосуна Саламаттык сактоо жана социалдык өнүктүрүү министрлигинин басма сөз кызматы кабарлады. Мекеме билдиргендей, быйыл 1-май дем алыш күнүнө туш келгендиктен анын ордуна кыргызстандыктар 3-майда эс алышмак, бирок ал эс алуу күнү өкмөттүн токтому менен 8-январга которулган болчу. Ошондуктан 1, 2-май ишемби жана жекшембиден тышкары 5-майда Конституция күнүндө... Читать дальше...

Москва соту абактагы оппозициячыл саясатчы Алексей Навальный түптөгөн Коррупцияга каршы күрөш фондунун жана Жарандардын укугун коргоо фондунун ишмердигин чектеген чечим чыгарды. Мындай өтүнүч менен кечээ Москванын прокуратурасы сотко кайрылган эле. Сот чечимине ылайык, сөз болгон фонддордун ишине кандай чектөөлөр киргени так айтыла элек. Бул боюнча прокуратуранын арызы жабык каралып, журналисттер киргизилген жок. 26-апрелде Москванын прокуратурасы Алексей Навальныйдын аймактардагы штабдарынын ишин токтоткону белгилүү болгон. Читать дальше...