Новости за 04.04.2021

Бүгүн Бишкекте Bakai Bank Jaz Demi жарышы өттү. Көптөн күттүргөн спорттук иш-чаранын мыкты ирмемдерин сунуштайбыз.

Кыргызстандык Казбек Мияров Дубайдын чөлүндө жөө күлүктөрдүн ультрамарафонуна катышып, 50 чакырымга чуркаган.

«Азаттык» радиосунунун мурдагы кабарчысы, ардагер тжурналист Жаркын Суран кызынын сөөгү 4-апрелде Өзгөн районунун Көлдүк айыл өкмөтүнө караштуу Тоо-Дыйкан айылында жерге берилди. Акыркы сапарга узатуу зыйнатына жергиликтүү бийликтин өкүлдөрү, коомдук ишмерлер жана кесиптештери катышты. Жаркын Суран кызы 3-апрелде 66 жашында узак оорудан улам көз жумган. Ал өткөн жылы октябрь айында жүрөгүнөн операция болгон. Жаркын Суран кызы 1978-жылы Жусуп Баласагын атындагы Кыргыз улуттук университетинин (мурдагы... Читать дальше...

Бишкекте дээрлик жарым жылдан бери ар жекшемби өтүп келаткан "Мыйзамдуулук үчүн!" тынчтык жүрүшү жыйынтыкталды. “Баштан башта” кыймылынын демилгеси менен жарандык активисттердин, саясатчылардын катышуусундагы акциянын акыркысы 4-апрелде өттү. Бул жүрүш Кыргызстандын тарыхында эң креативдүү транспаранттар колдонулган, негизинен жаштар катышкан узак мөөнөттүү тынч акция болуп калды. Иш-чаранын сценарийи бирдей: катышуучулар Темир жол бекетинин алдына чогулуп, Эркиндик бульвары аркылуу Ала-Тоо аянтына келип, андан соң тарап кетишет. Читать дальше...

Рим папасы Франциск 4-апрелде Пасха майрамына карата жасаган билдирүүсүндө эл аралык коомчулукту COVID-19 илдетине каршы вакцинаны жайылтууну тездетүүгө жана жакыр мамлекеттерди камсыздоого чакырды. «Пандемия дагы эле жайылып жатат, ошол эле маалда социалдык жана экономикалык кризис өзгөчө кедей-кембагалдар үчүн олуттуу бойдон калууда. Өзгөчө аяр катмарлар жардамга муктаж». Ал ошондой эле вакцинаны коронавируска каршы «негизги курал» деп атады. Понтифик өз кайрылуусун Ыйык Петр чиркөөсүндө, эки жүздөй адамдын алдында жасады. Читать дальше...

Иорданиянын падышасы Абдалла IIнин иниси, тактынын мурдагы мураскери ханзаада Хамза бен Хусейн үй камагына алынганын билдирди. "Би-би-си" медиасына Хамза бен Хусейндин адвокаты берген видеодо ханзаада мамлекеттин жетекчилигин жемкорлукка айыптаган. Буга чейин падышалыктагы бир нече жогорку даражалуу адам бийликти кулатуу аракетине катышкан деген шек менен камалганы тууралуу маалымат чыккан. Иорданиядагы Штаб жетекчилеринин биргелешкен комитетинин жетекчиси Юсеф Ахмад аль-Хунейти ханзааданын үй камагына алынганын ырастаган жок. Читать дальше...

Германия менен Франциянын тышкы иштер министрлери Украинанын чыгышында элдешүү жараяны бузулуп жатканына тынчсыздануусун билдиришти. Бул тууралуу эки мамлекет биргелешип 3-апрелде жарыялаган билдирүүдө белгиленген. «Биз кырдаалга, тактап айтканда орусиялык аскерлердин жүрүм-турумуна тыкыр көз салып жатабыз жана бардык тараптарды сабырдуулукка чакырабыз»,-деп жазылат билдирүүдө.   Мунун алдында орусиялык аскерлер Украина менен чек арага жакын топтолуп жаткандыктан АКШ Европадагы жоокерлерин... Читать дальше...

UFC атлеттеринин экинчи беттеши быйыл 24-январда болуп, анда америкалык мушкер ирландиялыкты сулата чаап уткан.

"Эже-сиңдилер" берүүсүндө соцтармактагы басым, кодулоо башкача айтканда Интернеттеги буллинг тууралуу кеп кылдык. Сиз интернетте кодулоого туш болдуңуз беле?

4-апрелде Бишкекте велоспорт сүйүүчүлөрдүн жүрүшү өтүп, быйылкы велосезон расмий ачылды. Бишкек шаарынын мэриясы кабарлагандай, велоспорт ышкыбоздорунун катарында мэрдин милдетин аткаруучу Бактыбек Кудайбергенов да болду. Алар «Адинай» паркынан чыгып, Айтматов көчөсү менен жүрүп отуруп, Масалиев көчөсүнө чейин барышты. Ал жерден чыгышты көздөй бурулуп, Токомбаев — Жетикашкаева көчөсүнө чейин жетип, кайра Токтоналиев көчөсүндөгү «Ден соолук» паркына келишти. Маршруттун жалпы узундугу 10 чакырымдан бир аз ашты. Читать дальше...

Бишкек шаарынан анча алыс эмес жерге жарым марафонго катышуу үчүн 2 500 киши чогулду. Бүйүр кызыткан иш-чараны биз видеого тартып алдык.

Өзбекстандын Мамлекеттик активдерин башкарган агенттик билдиргендей, Ташкент шаарында жана Ташкент облусунда мурдагы президент Ислам Каримовдун тун кызына таандык бир нече объект сатыкка коюлду. Алардын бири - Бостанлык районундагы «Сижак» эс алуу жайы. Анын аймагында бир нече мейманкана, спорт зал, үч бассейн, эки фонтан, амфитеатр жана башка объекттер бар. Эс алуу жайынын жалпы аянты 5,38 гектарды түзөт. 2019-жылы бул комплекс Триатлон федерациясына өткөрүлүп берилген. Аны азыркы президент Шавкат... Читать дальше...

Дүйнөдөгү протестанттар жана католиктер 4-апрелде Пасха майрамын коронавирус чектөөлөрүнүн шартында белгилеп жатышат. 3-апрелде Францияда үчүнчү ирет толук карантин чаралары киргизилди. Буга ооруканалардын жандандыруу бөлүмдөрү толуп калганы себеп болду. 3-апрелде Италия алдыдагы майрам күндөрүн утурлай карантин чектөөлөрүн күчөттү. Ал арада Германияда ишембиде нааразылык акциясына чыккандар «COVID диктатурасына чекит коюну» талап кылышты. Канадада 3-апрелде коронавируска чалдыккандардын жалпы саны бир миллиондон ашты. Читать дальше...

Президент Садыр Жапаровбүгүн 4-апрелде Оштун Алай районундагы памирлик кыргыздардан кабар алды. Жапаров Ооганстандан келген боордошторго Кыргызстандын жарандыгын берүү маселесин тездетээрин белгиледи. Президенттин расмий сайтындагы маалыматка ылайык, памирлик кыргыздар менен баарлашууда Садыр Жапаров ооган кыргыздарын ушул жылдын кыш мезгилине чейин көчүрүү ниети жөнүндө айтты. Бул үчүн мамлекетте жетиштүү мүмкүнчүлүк бар экени кабарланды. Памир кыргыздары — 1575-1930-жылдар аралыгында Ооганстанга... Читать дальше...

Кабулда 4-апрелдин таңында болгон жардыруудан коопсуздук күчтөрүнүн бир өкүлү набыт болуп, үчөө жараат алышты. Жардыргыч зат машинеге коюлганы маалым болду. Окуя үчүн жоопкерчиликти эч бир топ өз мойнуна ала элек. Tolonews агенттиги кабарлагандай, март айында болгон бир катар жардыруулардан жана кол салуулардан 300дөн көп адам каза болуп, 350дөн ашууну жараат алды. Өткөн айда февралга салыштырмалуу жардыруулардын жана чабуулдардын саны 20 пайызга көбөйгөн. Былтыр Бириккен Улуттар Уюмунун Ооганстанга... Читать дальше...

Иран келээрки аптада Венада Тегеран менен дүйнөдөгү ири дөөлөттөрдүн ортосундагы 2015-жылдагы өзөктүк келишимди жандандыруу боюнча белгиленген сүйлөшүүлөрдө АКШ менен сүйлөшүүлөргө эч барбай тургандыгын билдирди. Ирандын тышкы иштер министринин орун басары Аббас Арагчи мырза: "Биз Венада АКШ менен түз же кыйыр да сүйлөшпөйбүз", – деп 4-апрелде билдирди жана эки өлкөнүн ортосунда кыйыр сүйлөшүүлөр орун алышы мүмкүн деген маалыматты четке какты. "Бул багытта Ирандын саясаты айдан ачык жана жөнөкөй... Читать дальше...

5-апрелде көпчүлүк аймактарда жаан, тоолуу райондордо кар жаайт. Чүй, Талас, Ош, Жалал-Абад, Баткен облустарынын кээ бир райондорунда жаан-чачын катуу жаайт. Тоолуу райондордо жолдор тонголок, тайгак болот. Батыштан соккон шамалдын ылдамдыгы секундасына 4-9 метрден, күндүз кээ бир райондордо 15-20 метрге жетиши күтүлөт. Абанын температурасы: Чүй жана Талас облустарында түнкүсүн 0...8, күндүз 9...14, Баткен, Жалал-Абад, Ош облустарында түнкүсүн 4...9, күндүз 11...16, Ысык-Көл дубанында түнкүсүн -3...+2... Читать дальше...

Велосипедчилер басып өткөн шакекче сымал болгон маршруттун узундугу болжол менен 10 чакырымга чукулдап барды.

Дзюдо боюнча мындай турнир Кыргызстандын тарыхында алгачкы ирет өтөт. Ага 32 мамлекеттин спортчулары катышат.

Улуттук коопсуздук боюнча мамлекеттик комитеттин (УКМК) 2010-2011-жылдардагы төрагасы, Убактылуу өкмөттүн мүчөсү Кеңешбек Дүйшөбаев 2010-жылдагы июнь окуясы толук иликтенген деп эсептейт. Ал мындай оюн “Азаттык” радиосуна 4-апрелде билдирди. “Европадагы Коопсуздук жана Кызматташтык Уюмунун (ЕККУ) Парламенттик ассамблеясынын Борбор Азия боюнча ошол кездеги атайын өкүлү Киммо Кильюнен жетектеген эл аралык комиссия иликтеген. Андан кийин Абдыганы Эркебаев баштаган мамлекеттик, Токон Мамытов төрагалык кылган депутаттык комиссия иликтеген. Читать дальше...

Болгарияда 4-апрелде парламенттик шайлоо өтүүдө. Өлкөдө добуш берүү тилкелери иштей баштады. Бул шайлоо премьер-министр Бойко Борисовдун өкмөтүнө каршы бир жылга жакын созулган жапырт нааразылык чараларынан кийин өтүүдө. Премьер Борисовдун “Жарандар – Болгариянын Европалык Өнүгүүсү Үчүн” (“Граждани за европейско развитие на България”; кыска аталышы ГЕРБ) партиясы эми он жылдык башкаруучу партия катары макамын сактап калуу үчүн далалат кылууда. Алдын-ала сурамжылоолор ГЕРБ партиясы болжол менен... Читать дальше...

Орусиянын өкмөтү АКШ менен космостук кызматташтык келишимин 2030-жылга чейин узартты. Бул кызматташтык – Москва менен Вашингтондун ортосундагы карым-катнаштыктын алигиче сакталып калган азганактай өрнөктөрүнүн бири. Орусиянын премьер-министри Михаил Мишустин 3-апрелде космостук кызматташтык келишиминин узартылышын жактырып, кол койгонун өкмөттүк билдирүү шардана кылды. Алгачкы космостук кызматташуу келишими 1992-жылы түзүлүп, төрт жолу узартылып келди. Бул келишим эки өлкөнүн космостук агенттиктери... Читать дальше...

Бишкекте бүгүн, 4-апрелде "Мыйзамдуулук үчүн!" тынчтык жүрүшүнүн акыркы иш-чарасы өттү. Акцияда конституциялык реформага байланышкан талаптар коюлду. Жүрүштүн уюштуруучусу Улан Үсөйүндүн “Азаттыкка” билдиришинче, бул марш Баш мыйзамды өзгөртүү боюнча референдумдун алдындагы соңку иш-чара. “Референдумду дайындоо чечимин кабыл алууда көптөгөн мыйзам бузууларга дагы бир жолу адамдардын көңүлүн бургубуз келет. Биз бийликти Венеция комиссиясынын пикирин эске алууга чакырабыз. Жарандарды укугунан ажыраткан... Читать дальше...

Кыргызстандык спортчу атаандашын экинчи раундда техникалык нокаут менен жеңген. Ушуну менен бешинчи жеңишин камсыздап, алтын курдун да ээси болду.

«Нарын» эркин экономикалык аймагы жана Казакстандагы «Хоргос» эл аралык чектеш кызматташтык борбору ортосунда кызматташуу тууралуу биргелешкен меморандумга кол коюлду. Ошондой эле аймактар аралык форум өткөрүү макулдашылды. Мындай маалымат өкмөттүн сайтында жарыяланды. Бирок кызматташуунун жол-жобосу тууралуу кенен маалымат берилген жок. 2020-жылдын башында “Нарын” эркин экономикалык аймагынын демилгеси менен Ат-Башыдагы Кытай менен чектеш аймакка бажы-логистикалык комплекс куруу пландалган. Айрым... Читать дальше...