Новости за 01.07.2019

Ысык-Көл облустук ички иштер башкармалыгы Боом капчыгайындагы граффитини өчүрүү фактысы боюнча эреже бузуу бар-жогун териштире баштады. Бул тууралуу «Азаттыкка» аталган башкармалыктын басма сөз катчысы Сталбек Усубакунов билдирди. Анын айтымында, авторлордон жана башка жарандардан арыз түшкөн эмес. Текшерүү жалпыга маалымдоо каражаттарындагы кабарлардан улам жүрүп жатат. Милициянын кийинки аракеттери териштирүүнүн жыйынтыгы менен белгилүү болот. Дээрлик 800 чарчы метр аянтты түзгөн Боом капчыгайындагы... Читать дальше...

Нарында шырдак фестивалы өтүп жатат. Эл аралык фестиваль Теңир-Тоодо тогузунчу жолу өтүүдө. Быйыл чет элдик туристтер өзгөчө көп келишти.

Казакстанда жумушчулардын мушташынан кийин Тенгиз кениндеги заводдун курулушу убактылуу токтотулду. Атырау облусундагы газ кенин иштеткен «Тенгизшевройл» компаниясынын маалыматына ылайык, курулуш жакын арада жанданмакчы, калган объектилер кадимкидей режимде иштеп жатышат. 29-июнда жергиликтүү жана чет өлкөлүк жумушчулардын ортосунда жаңжал чыккан. Чыр компанияда иштеген казакстандык кыздын социалдык тармакка тараган сүрөтү жарыялангандан кийин тутанган. Жергиликтүү кызматкерлер сүрөт мекендешинин намысына тийет деп санашат. Читать дальше...

1-июлда Кабулдун ортосундагы согушкерлердин чабуулунан бир киши өлүп, ондогон адам жарадар болду. Бир канча кишинин абалы оор деп бааланууда.

Түркиянын президенти Орусия жана Иран президенттери менен Сирия боюнча үч тараптуу жыйын июль айында өтөрүн билдирди.

Кыргызстан мусулмандар дин башкармалыгынын аалымдар кеңешинин мүчөсү Абдышүкүр Нарматов мурдагы президент Алмазбек Атамбаевдин үйүнө барганы тууралуу комментарий берип, аны саясатташтыруу туура эмес экенин билдирди. Диний ишмердин өкүлү Эрназар Таштанбаев тараткан билдирүүдө, Нарматов ал жерге «бир канча күн мурда окула баштаган куранды катмы катары окуп, өткөндөргө дуба кылыш үчүн барганын» билдирет. «Аалымдар эзелтен эле элдин ыйманы, тынчтыгы, биримдиги үчүн кызмат кылган. Менин да эңсегеним жана тилегеним - элимдин ыйманы жана тынчтыгы.

Сириянын мамлекеттик маалымат каражаттары 1-июлда Израил өкмөттүк армиянын Дамасктын жанындагы позицияларына абадан сокку урганын кабарлашты. SANA агенттиги атын атабаган аскердик булакка шилтеп жазганына караганда, ракеталар израилдик согуш учактары Ливиянын аба мейкиндигинен учуп бараткан кезде атылган. Агенттик Дамасктын жанындагы Сахная шаарчасында төрт жай тургун каза тапканын, 20дан көбү жарадар болгонун маалымдады. «Сирия обсерваториясы» укук коргоо уюму чабуулдан режим тарабында согушкан 9 киши... Читать дальше...

Жапония кит өндүрүшүн 30 жылдан кийин кайра жандантты. Киттер азайып кетишинен улам 1986-жылы аларды кармоого эл аралык тыюу салынган. Андан бери Жапония бул сүт эмүүчүнү илимий иликтөө максатында кармап келген. Туура алты ай мурда Токио Киттерди кармоого каршы эл аралык комиссиядан чыгарын эскерткен. 1-июлда бул чечим күчүнө кирди. Кит өндүрүшү менен алектенгендер суудагы эң чоң жаныбарларды Жапонияга караштуу жерлерде гана кармоого убада берип жатышат. Бул жылдын соңуна чейин 227 китти кармоого уруксат берилди. Читать дальше...

Орусиянын Иркутск облусунда суу каптоо 7 кишинин өмүрүн алып кетти. Буга чейин беш киши каза болгону кабарланган. Дагы 9 кишинин, анын ичинде жашы жете элек баланын дайыны табыла элек. Бул тууралуу бир катар агенттиктер аймактын чукул кырдаал кызматындагы булакка таянып кабарлашууда. 153 кишиге ооруканаларда жардам берилип жатканы расмий ырастала элек. 1-июлда эртең менен облустун алты районунда 55 айыл-кыштак суу астында калды. Бул - 32 миңден ашуун киши жашаган 7 миңдей турак жай дегенди билдирет. Читать дальше...

Бишкек шаарынын мурдагы мэри Нариман Түлеев мурдагы президент Алмазбек Атамбаевдин айланасындагы окуяларга байланыштуу билдирүү таратып, аны «аймак аралык кастыкты козутуп жатат» деп айыптады. «Фейсбуктагы» баракчасына Түлеев Атамбаевди мыйзам чегинде жоопкерчиликке тартыш үчүн штаб түзгөнүн жарыялап, буга саясий күчтөрдү кошулууга чакырды: «Бул штаб эч кандай саясий боёкко ээ эмес, эч бир тараптын кызыкчылыгын коргобойт. Биз Сооронбай Жээнбековдун бийлигин колдобойбуз жана Алмазбек Атамбаевге да каршы эмеспиз. Читать дальше...

Бишкекте курорттук мекемелердин жетекчилик кызмат орундарын сатып алууну сунуш кылып, алдамчылык менен алектенген аял кармалды. Ички иштер министрлиги (ИИМ) кабарлагандай, кеминде эки киши анын курмандыгы болгон. Жабырлануучулар бул кызмат үчүн 28 миң жана 30 миң доллар беришкен. Тергөөнүн версиясына ылайык, шектүү өзүнүн «кардарларына» чоң кызматта иштеген тааныштары бар экенин айткан. Ал акча берсе, абройлуу санаторийлердин директорлугуна дайындай аларын билдирген. Кайсы мекемелер жөнүндө кеп болуп жатканын ИИМ тактаган жок. Читать дальше...

«Bellingcat» иликтөөчү уюм Орусиянын Аскердик чалгын кызматынын (ГРУ) жогорку офицери мурдагы тыңчы Сергей Скрипалга сол салууну Лондондогу мейманканадан тескеп турган болушу ыктымал деген далилдери бар деп билдирди. Скрипаль кызы Юлия менен кошо былтыр мартта Британиянын Солсбери шаарында нервди шал кылчу «Новичок» деген зат менен ууландырылган. Британ бийлиги кол салуунун артында Москва турган деп эсептейт. Кремль бул ишке тиешеси жок экенин билдирүүдө.  «Bellingcat» соңку иликтөөсүндө белгилегендей... Читать дальше...

Атамбаев элди бөлүп-жарып, кырдаалдын туруктуулугун буза албайт деп ишенем.

Гонконгдун Кытайдын юрисдикциясына өтүшүнүн 22 жылдыгына арналган иш-чара полиция менен демонстранттардын кагылышуусу менен аяктады. Дүйшөмбүдө эртең менен туу көтөрүү аземине тоскоолдук кылууга аракеттенген демонстранттарга каршы полиция көздөн жаш чыгарчу газ чачып, союлдарды колдонду. Бир нече киши жабыркаганы кабарланды. Оппозиция буга чейин бул күнү ири каршылык акциясын өткөрөрүн эскерткен.  Гонконгдо кырдаал бир айдан бери тынчыбай жатат. Бийликтин кылмышка шектүү адамдарды Кытайга экстрадициялоо... Читать дальше...

Ооган бийлиги Кабулдагы жардыруудан кеминде 65 киши жарадар болгонун бышыктады. Полициянын өкүлү Мохаммад Каримдин айтымында, Коргоо министрлигинин жанында дүрмөттөлгөн машине жарылгандан кийин жоочулар имаратты аткылай башташкан. Коопсуздук күчтөрү ал жерди дароо курчоого алышты. Саламаттык сактоо министрлигинин басма сөз катчысы Вахидулла Маяр жарадар болгондор, арасында 9 бала ооруканаларга жеткирилгенин маалымдады. Кол салуу үчүн жоопкерчиликти эч ким өзүнө ала элек. Жардыруу Катарда АКШ... Читать дальше...

Кыргызстан мусулмандар дин башкармалыгынын аалымдар кеңешинин мүчөсү Абдышүкүр Нарматов 1-июлда мурдагы президент Алмазбек Атамбаевдин Кой-Таштагы үйүндө чогулгандар менен жолугуп, кабар алып кетти. Бул тууралуу штабдын өкүлдөрү билдиришти. Маалыматка ылайык, өздөрүн «элдик штаб» деп атаган топто ушу тапта 100гө жакын киши бар.  Мунун алдында белгилүүлөрдөн Улуттук коопсуздук боюнча мамлекеттик комитеттин (УКМК) мурдагы төрагасы Абдил Сегизбаев, мурдагы ички иштер министри Улан Исраилов жана... Читать дальше...

Иран парламентинин Улуттук коопсуздук жана тышкы саясат боюнча комиссиясынын мүчөсү Алаэддин Боружерди INSTEX механизми Ирандын Европа тараптан күтүүлөрүнө жооп бербейт деп билдирди.

Экс-президент Роза Отунбаева мурдагы президент Алмазбек Атамбаевдин кол тийбестигинин алынышы тууралуу билдирүү таратты. Отунбаева бул процести 2016-жылдын ноябрь айындагы Жогорку Кеңештин «Ата Мекен» фракцясынын лидери Өмүрбек Текебаевдин президент Атамбаевге импичпент жарыялоо боюнча демилгесинин логикалык уландысы катары сыпаттады. Ал ошол эле жылы депутат Канатбек Исаев да Атамбаевге кескин сын айтып чыкканын эстеп, натыйжада экөө Атамбаевдин саясий куугунтугуна алынганын белгилейт. Роза... Читать дальше...

Жогорку соттун Конституциялык палатасынын сотторунун чогулушу палатанын жетекчилигинин мөөнөтү бүткөнүнө байланыштуу 1-июлда жаңы төраганы жана анын орун басарын шайлады. Мекеме кабарлагандай, палатанын төрагасы болуп Карыбек Дүйшеев, анын орун басарлыгына Эмил Өскөнбаев, катчы-судьялыкка Мээргүл Бобукеева бекилди. Конституциялык палатанын төрагасы болуп буга чейин Эркинбек Мамыров, орун басары болуп Куанбек Киргизбаев иштечү. Алардын мөөнөтү 30-июнда бүттү. Мыйзамга ылайык палатанын жетекчилиги үч жылга шайланат. Читать дальше...

Бул тууралуу Баткен районунун прокурорунун орун басары Санжарбек Кочкорбаев 1-июлда Баткен облустук прокурорунун өлүмү боюнча сотто күбө катары көрсөтмө берип жатып билдирди. Ал 17-ноябрда маркум жана айыпталуучу менен мергенчиликке чогуу чыккандардын бири, «Нива» машинесин айдап барган. Санжарбек Кочкорбаев сөөктү «Лексус» автоунаасынын изи менен барып табышканын, ал таңкы саат 5-6 чамасында болгонун айтты. Адвокат бул аймак Кочкорбаевге кайдан тааныш экенин сураганда, ал аймакты мурда да кыдырып жүргөнүн, жакшы билерин айтты. Читать дальше...

Кечээ, 30-июнда Судандын борбор шаары Хартумдагы өлкөнүн аскердик бийлигинин каршылаштарынын нааразычылык акциясында кеминде 7 киши мерт болуп, 181и жаракат алды.

Кыргызстандын ичиндеги эл аралык маанидеги айрым жолдордогу ылдамдыктын эң жогорку чеги 110 чакырымга чейин жогорулатылышы ыктымал. Ички иштер министрлиги (ИИМ) ушундай сунуш киргизди. Министрликтин көз карашында, бул чекти көтөрүү жолдордун өткөрүү мүмкүнчүлүгүн арттырат. ИИМ Кыргызстандын транспорттук паркы коопсуздуктун заманбап талаптарына жооп берген күлүк машинелер менен толукталып жатат деп эсептейт. Коомдук талкууга коюлган документтин негиздемесинде акыркы жылдары эл аралык маанидеги жолдор оңдолгону... Читать дальше...

Бул тууралуу Баткен прокурорунун өлүмү боюнча айыпталуучу Мелис Калыков 1-июлдагы соттук териштирүү учурунда билдирип, муну жакшы иликтебеген тергөөнүн кемчилиги катары баалады: - Мушташ болгон. Кан жарым метрдей жерге чейин агып, тамчылаган. Прокурордун денесинде беш бут кийимдин изи турат, ал сүрөттө да көрүнүп турат. Муну тергөөчү да эске алгысы келген жок. Дастаркондо отургандан кийин айрымдар мергенчиликке чыгып кеткенде, Мамлекеттик каттоонун башчысы (аты-жөнү айтылган жок) келген. Окуя болгон жерде дагы эки машиненин изи турат. Читать дальше...

Кыргызстанда 1060 чарбалык субъекти тамчылатып сугаруу системасын ишке киргизди. Бул тууралуу Айыл чарба, тамак-аш өнөр жай жана мелиорация министрлиги билдирди. Маалыматка ылайык, мындай ыкма менен сугарылып жаткан талаанын аянты 2 миң 367 гектар аянтты түзөт. Тамчылатып сугаруу системасы негизинен Чүйдө, анан Ысык-Көл, Баткен, Жалал-Абад, Ош, Талас аймактарында орнотулду. Айыл чарба, тамак-аш өнөр жай жана мелиорация министрлиги билдиргендей, бул багытта иш ашып барган фермерлерге быйыл 2 миллион 705 миң сом жеңилдетилген насыя берилди.

Баткен прокурорунун өлүмү боюнча айыпталуучу Мелис Калыков 1-июлдагы соттук жараянда күбө катары көрсөтмө берип жаткан облустук прокуратуранын мурунку кызматкери Алтынбек Кожоназаровго бул боюнча суроо берди. Калыков ага тергөөдөгү көрсөтмөлөрдөн улам мергенчиликке чыккан күнү Кожоназаровдун телефону тынымсыз иштеп турганын белгиледи. - Сизден башкаларыбыздын телефондорубуз «жеткиликсиз аймакта» деген себеп менен иштебептир. Жалгыз сиздин телефонуңуз иштеп туруптур. Муну кантип түшүнүүгө болот? Читать дальше...