Новости за 10.07.2019

“Башыма пакет кийгизип, түнү менен уруп-согуп чыгышты. Акыры алар айткан кылмышты мойнума алдым”. Кыргызстанда “милициядан кордук көрдүм” деп акыйкат издеген ондогон адамдардын окуясы ушинтип башталат. Бирок, эгемен өлкөнүн тарыхында укук коргоо кызматкерлери “кыйноо” беренеси менен жоопко тартылган эки-үч гана учур бар. Берүүдө Жалал-Абад облусундагы үч окуяны көрсөтөбүз. Баса белгилеп кетүүчү жагдай: өз чындыгын айтып жаткан бул адамдардын кылмышка тиешеси бар же жок деп так кесе айта албайбыз. Читать дальше...

Орусиялык "URA.ru" маалымат агенттиги укук коргоо органдарындагы булактарына таянып, Екатеринбургда кыргызстандык ишкер Камчыбек Каримовго кол салууну теги кыргызстандык жаран уюштурганын жазып чыкты. Агенттиктин маалыматына караганда, "Зама" деген каймана аты бар Замир аттуу аттуу теги кыргызстандык, бирок Орусиянын жараны бул кылмышка шектелип жатат. Ал буга чейин оор кылмыш үчүн бир нече жыл түрмөгө кесилип, жакында эле абактан чыкканы маалымдалды. Анын Каримов менен мурунтан тааныштыгы болгону... Читать дальше...

АКШнын Эл аралык атомдук энергия агенттигиндеги өкүлү Жеки Уолкотт 10-июлда Венадагы жыйында сүйлөп жатып, Ирандын аракеттерин сындады. Тегерандын 2015-жылы өзөктүк келишимге кол койгон европалык өлкөлөр 60 күндүн ичинде санкцияларды жумшартуу боюнча аракеттерди көрбөсө, уран байытуунун деңгээлин көтөрүү аракетин уланта бере турганын айткан билдирүүсүнө жооп кылган Уолкотт “Ирандын туура эмес жүрүм-туруму сыйга татыктуу эмес” деп айтты. Анын белгилешинче, АКШ 2018-жылы келишимден Иран өзөктүк... Читать дальше...

Финполиция «Азаттыктын» иликтөөсү боюнча текшерүүнүн алгачкы жыйынтыгын 9-июлда жарыялады. Анда Кыргызстандан 647 млн. доллар чыгарылып кеткенин тактады. Ысмайыл Матраимов атындагы фондго 1,4 млн доллар сырттан которулганын билдирди.

Кыргызстанда төрөлгөн Германиянын жараны Украинанын чыгышында оурсиячыл жикчилдердин катарында согушканы үчүн шарттуу соттолду. Дортмун шаарынын соту 43 жаштагы Д.Алексти «мамлекеттик коопсуздукка коркунуч жараткан» деп тапты. Ал өзү да Украинанын чыгышында орусиялык күчтөрдүн катарында эки жыл согушканын моюнуна алып, Донбасстын аймагындагы ооруканаларды кайтарганын айткан. Алекс Германияга жикчилдерден көңүлү калгандан кийин кайтып келгенин билдирген. Бул - Чыгыш Украинадагы жаңжалдарга... Читать дальше...

Британиянын АКШдагы элчиси Ким Даррок анын президент Дональд Трамптын ишмердигине берген терс баасы тууралуу маалыматтар ачыкка чыгып кеткенден кийин кызматтан кетет. Элчи Лондонго жазган дипломатиялык жашыруун катында Трампты «жөндөмү жок», «компетенттүү эмес» жетекчи катары мүнөздөгөн. Премьер-министр Тереза Мэй дипломаттын элчилик кызматтан кетип жатканына өкүнүч билдирди. «Мен бүгүн эртең менен Ким Даррок менен сүйлөштүм. Мен анын Вашингтондогу элчилик кызматын тапшырууну зарыл деп тапкан чечимине байланыштуу өкүнүчүмдү билдирдим»... Читать дальше...

Армениянын аймактык башкаруу жана инфраструктура министрлиги электр энергиясынын жапырт өчүшүнө алып келген жагдайды иликтеп жатат. Маалыматтарга караганда, 10-июлда биринчи Раздан ГЭСинин бешинчи блогу токтоп калган, андан кийин Ереван ЖЭБинде энергия бөлүп чыгаруу үзгүлтүккө учураган. Мындан тышкары башка да майда ГЭСтерде электр энергиясын иштеп чыгуу азайып кеткен. «Азыркы учурда системада термелүү жок, туруктуу иштеп жатат. Калыбына келтирүү иштери уланууда жана электр энергиясы менен камсыздоо акырындык менен ордуна келе баштады»... Читать дальше...

Камактагы экс-башкы прокурор Аида Салянованын саламаттыгы начарлап кеткенин анын адвокаттары айтып чыкты.

10-июлда Өзбекстандын Жогорку сотунун кылмыш иштери боюнча коллегиясы Өзбекстандын тарыхында абакта эң узак – 23 жыл отуруп чыккан саясий туткун Самандар Кукановдун аны актап, толук реабилитация кылуу боюнча берген өтүнүчүн канааттандырган жок. Кукановдун ишин караган соттук коллегия ага чыгарылган буга чейинки сот өкүмдөрүн күчүндө калтырды. Бул тууралуу «Азаттыктын» өзбек кызматына Куканов өзү билдирди. Анын айтымында, 10-июлда сот «Кукановго коюлган айыптардын баары далилденген, ошон үчүн аны актоого болбойт» деген токтом чыгарган. Читать дальше...

Ички иштер министрлигинин Тергөө кызматы мурдагы президент Алмазбек Атамбаевге дагы чакыруу жиберди. Бул тууралуу мурдагы президенттин тарапкерлери билдиришти. Маалыматка караганда, чакырууну милиция кызматкерлери 10-июлда Атамбаевдин Кой-Таштагы үйүнө жеткирип беришкен. Анда Атамбаев күбө катары 11-июлда эртең менен Тергөө кызматына барышы керектиги жазылган.   Ушуну менен ага экинчи жолу чакыруу жиберилди. Биринчиси 8-июлда берилип, ал кезде Атамбаев Кой-Таштагы үйүнүн алдында чогулуп турган... Читать дальше...

Жайыл районундагы Көкөмерен дарыясынан өкмөттүн Чүй облусундагы өкүлчүлүгүнүн аппарат башчысы, маркум Молдакун Абдылдаевдин аялы Тинатин Шадыканованын сөөгү табылды. Өзгөчө кырдаалдар министрлиги билдиргендей, сөөктү бүгүн, 10-июлда кечки саат 17.20 чамасында Көкөмерен дарыясынан, Арал айылынан ылдый тарапты көздөй 2 чакырым аралыктан табууга мүмкүн болду. Учурда маркумдардын 26 жаштагы уулун издөө иштери уланууда.   Абдылдаев, анын аялы, баласы жана 8 жаштагы небереси, айдоочусу түшкөн автоунаа... Читать дальше...

Украинада аскердик техниканын жабдуулары Орусияга тымызын сатылып келгени ачыкка чыкты.

Мамлекет башчы Сооронбай Жээнбековдун Швейцарияга расмий сапары Берн шаарындагы “Лон Манор” резиденциясында бул өлкөнүн президенти Ули Маурер менен жолугушуу аземинен кийин башталды. Президенттин басма сөз кызматы билдиргендей, бүгүн мамлекет башчылары тар чөйрөдө сүйлөшүүлөрдү өткөрөт. Андан соң жолугушуу кеңейтилген курамда уланат. Визиттин алкагында Сооронбай Жээнбеков Федералдык жыйындын Улуттук кеңешинин төрагасы Марина Кароббио Гушетти жана Улуттук банктын төрагасы Томас Йордан менен жолугат. Читать дальше...

Кошмо Штаттар Иран жана Йемендин жээктерине жакын жерлерде кемелердин ээн-эркин жүрүшүн көзөмөлдөгөн эл аралык коалиция түзүүнү караштырууда. Орусиянын президенти Владимир Путин Грузияга cанкция cалуу демилгесин колдогон жок. Тажикстанда түрмөдөгү 14 кишинин өлүмү териштирилип, экспертиза жүрүп жатат. Айрым маркумдардын жакындары соттолуучулар нанга ууланган деген расмий версияга ишенбейт.

Якутиялык бакшы Александр Габышев «Путинди бийликтен кетирүү үчүн» Москвага жөө-жалаңдап сапар тартты.

Кой-Таштагы №73809 аскердик бөлүктөгү мыйзамды жана тартипти бузууга байланыштуу камалган үч офицер түрмөдөн бошотулду. Мындай чечимди Чүй облустук соту чыгарганын мекеменин басма сөз кызматы «Азаттыкка» ырастады. Маалыматка караганда, сот бул ишти 4-июлда караган. Эки эпизод боюнча иш кыскарып, бирөөсү калган. Буга чейин Аламүдүн райондук соту Кой-Таштагы №73809 аскердик бөлүктөгү мыйзамды жана тартипти бузууга байланыштуу аскердик бөлүктүн командирин жана старшинаны 2,6 жылга, прапорщикти 3 жылга эркинен ажыраткан. Читать дальше...

Ирандын БУУдагы туруктуу өкүлү Мажид Тахт Раванчи АКШнын чалгындоо кызматы  эки жүздүүлөрдү (мунафыктарды) террордук топтордун тизмесинен чыгарып, алар менен тыгыз кызматташып, Иранда башаламандык жаратуу менен алек болуп жатканын билдирди.

Кыргызстандык балбан Нуржигит Кеңешбек уулу күрөш боюнча жаштар арасындагы Азия чемпионатында күмүш медаль тагынды. Мелдеш ушу тапта Тайланддын Чонбури шаарында өтүп жатат. «Биргелешкен күрөш дүйнөсү» уюмунун сайтындагы маалыматына ылайык, Нуржигит Кеңешбек уулу грек-рим күрөшүнөн 67 килограммга чейинки салмакта килемге чыкты. Алтын байге үчүн болгон беттеште Кеңешбек уулу ирандык Бахрам Тайяр Маруфхани Имчех менен күч сынашып, 6:0 эсебинде жеңилди. Жыйынтыгында ирандык балбан Бахрам Тайяр Маруфхани Имчех Азия чемпиону атыкса... Читать дальше...

Бишкектин Свердлов райондук соту Бишкек Жылуулук электр борборун (ЖЭБ) оңдоп-түзөө боюнча соттук териштирүүнү улантууда. 10-июлда күбөлөр суралып, Энергетика министрлигинин мурдагы статс-катчысы Батыркул Баетов сөз сүйлөдү. Ал айыпталуучулардын бири Айбек Калиевдин суроосуна жооп берип жатып, ЖЭБди модернизациялоо максатына жеткенин айтты. Калиев «ЖЭБди оңдоп-түзөө иштерин аткарган ТВЕА компаниясынын кызыкчылыгын көздөдүкпү, модернизация максатына жеттиби?» деп суроо салган. Баетов өз кезегинде... Читать дальше...

Бишкекте «Мигрант ишкер» долбоорунун алкагында өткөрүлгөн окутуу соңуна чыкты. Чет өлкөдө эмгек мигранты болуп жүрүп, кайра Кыргызстанга кайткан мекендештерди ишкердикке үйрөтүү максатын көздөгөн долбоор Германия өкмөтүнүн колдоосу менен жүзөгө ашты. Акысыз курска 40 адам катышты, көбү Орусиядан кайтып келгендер. Алар бизнести баштоо, Кыргызстандын шартына ыңгайлашуу багытында окуудан өтүштү. Окууга катышкандардын бири Алымбек Апызаков 13 жылдан кийин Орусиядан үй-бүлөсү менен Кыргызстанга кайтып келип, мында иш баштаган. Читать дальше...

Тажикстанда дайынсыз деп айтылып жаткан жаран аткезчилик боюнча кошуна өлкөдө укук коргоо кызматтарында кармалып турат. Өкмөттүн Баткен облусундагы ыйгарым укуктуу өкүлү Акрам Мадумаровдун «Азаттыкка» айтканы боюнча, тиешелүү кызматтар аркылуу кыргызстандык жарандын дайыны такталды. - Тажикстандын мыйзамдарына ылайык чек арадан мыйзамсыз жүк ташуу боюнча иш козголуптур, учурда кармалып турат, - деди ал.  Мадумаров бул окуяга байланыштуу укуктук жардам берүү, жакындары менен жолуктуруу боюнча... Читать дальше...

Жаза аткаруу мамлекеттик кызматы (ЖАМК) мурдагы башкы прокурор Аида Салянованын саламаттыгына байланыштуу билдирүү таратты. Мекеменин басма сөз кызматы Элеонора Сабатарованын маалыматына караганда, Салянова Бишкектеги №1 тергөө абагында керек болгон медициналык жардам алып, дарыланууда. Учурда анын абалы салыштырмалуу канааттандырарлык экени, дайыма медицина кызматкерлеринин көзөмөлүндө экени маалыматта белгиленген. Буга чейин Аида Салянованын абалы соңку эки күндө оорлоп кеткенин, «муну кыйноого... Читать дальше...

Казакстандын ар кайсы аймагынан келген ондогон адам «Нур-Отан» партиясынын лидери, мурдагы президент Нурсултан Назарбаевдин баш калаадагы кеңсесинин алдына чогулду. Өздөрүнө же жакындарына чыгарылган сот өкүмдөрүнө нааразы болгон 30дай адам судьялардын чечимдерин кайра карап чыгыш үчүн атайын комиссия түзүүнү талап кылышууда. Алар өз алдынча сот адилеттигине жетүү аракеттеринен майнап чыкпагандан кийин Назарбаевге кайрылып жатышканын айтып, Жогорку соттун төрагасы Жакып Асановдун кызматтан кетишин талап кылышты. Читать дальше...

Тажикстанда абактагы уулануу боюнча кылмыш иши козголуп, экспертиза жүргүзүлүп жатат.

Полиция Кызыл аянтта акция өткөргөн жети активистти кармады. Алар орус бийлиги терроризм менен күрөшүүнү шылтоо кылып Крым татарларынын куугунтуктап жатат деп эсептешет. Активисттердин колуна «Биздин балдар террорист эмес», «Крымдагы терроризм менен күрөш – бул башкача ойлонгондор менен күрөш» деген жазуулар болгон. «Дождь» телеканалынын жазганына караганда, Кызыл аянттагы акция Орусияда тыюу салынган «Хизб ут-Тахрир» уюмунун мүчөлөрү катары соттолгон Крым татарларынын иши Жогорку сотто карала баштаганына тушташ уюштурулган. Читать дальше...