Новости за 29.07.2019

Баткендин Зардалы аймагында элдин өз күчү менен курган көпүрөсү. Токтогул районунун алыскы айылдарындагы оорукана тартыштыгы. Жайлоосу элди кызыктырган, бирок дааратканасы качырган туризм. Бир айылга кыргыз телеканалдарын көрсөткөн техник. Баасы көтөрүлбөй жаткан көлдүн өрүгү.

Орусиянын соттору 27-июлда Москвадагы каршылык акциясында кармалган демонстранттар менен саясатчыларга өкүм чыгара баштады. Дүйшөмбү күнү Москванын Щербинский райондук соту оппозиционер Илья Яшинге "коомдук иш-чараны уюштуруунун тартибин бузду" деген негизде 10 күндүк абак жазасын чектеди. Яшин Москва шаардык кеңешине шайлоого катышуу үчүн каттоодон өтө албай калган. Ушундай эле айып менен 8-сентябрда өтүүчү шайлоого талапкер боло албай калган дагы бир активист Константин Янкаускас жети күнгө камалды. Читать дальше...

Нарындын Кочкор районунда камактагы экс-премьер-министр Сапар Исаковдун тарапкерлери митинг өткөрүштү. Алар Сапар Исаковду саясий туткун деп, эркиндикке чыгарууну талап кылышты. Мурдагы президент Алмазбек Атамбаевди колдогон КСДПнын билдирүүсүндө кочкорлуктардын 70% ашууну 2017-жылдагы президенттик шайлоодо Жээнбеков – Исаков тандеми үчүн добуш беришкени белгиленген. Мындан сырткары Сапар Исаков баш болгон мурдагы чиновниктер бир жылдан ашуун убактан бери абакта мыйзамсыз отурганы айтылат. Митингдин соңунда бийликке... Читать дальше...

"Эже-сиңдилер" телеберүүсүндө бул жолу жумуш издеп жер которгон ички мигранттардын турмушун талдадык. Айрыкча Бишкектин тегерегиндеги жаңы конуштардагы үй-бүлөлөрдүн түйшүгүн өз мойнуна алган аялдардын жагдайы тууралуу ачык баарлаштык.

Түркмөнстанда өлкө президенти Гурбангулы Бердымухамедовдун "өлүмү" тууралуу маалымат тараткан адамдар кармала баштады. Бул тууралуу «Түркмөнстан хроникасы» (ТХ) басылмасы өз кабарчыларына жана булактарына таянып жазып чыкты. Маалыматка ылайык, 25-июлдан бери «Түркмөнтелеком» ишканасынын Лебап облусундагы бөлүмүнүн бир кызматкери, Суу чарба башкармалыгынын жана жергиликтүү Турак жай-коммуналдык чарбасынын бирден жумушчулары кармалган. Азырынча бул маалыматты башка көз карандысыз булактар ырасташа элек. Читать дальше...

Кыргызстан менен Тажикстандын президенттеринин эки баскычтан турган жолугушуусу 28-июлда аяктады.

Казакстандын Нур-Султан шаарында сот «Ата Журт ыктыярчылары» уюмунун лидери Серикжан Билаштын өтүнүчүн канааттандырды.

Орусиялык оппозициячыл саясатчы Алексей Навальный ооруканадан кайра абакка которулду. Бул тууралуу анын жеке дарыгери Анастасия Васильева бүгүн журналисттерге билдирди. Ал саясатчынын саламаттыгынын начарлашына эмне себеп болгону аныкталбастан түрмөгө которулганына каршылыгын билдирүүдө. Навальный №1 атайын кармоо жайында 30 күндүк административдик жаза мөөнөтүн өтөп жаткан. 28-июлда эртең менен бети шишип, териси кызарып чыккандыктан ооруканага жеткирилген. Москвадагы 64-оорукананын дарыгерлери саясатчы аллергия болгонун айтышкан. Читать дальше...

Тоң районунун Үч-Коргон жайлоосунда Салбуурун фестивалы өттү. Фестивалга чет элдик жана ички туристтер күбө болушту. Иш-чарага жалпысынан 300дөй адам катышып, бүркүт салуу, ителги салуу, жаа атуу өңдүү бир катар улуттук оюндар боюнча мелдештер өткөрүлдү. Салбуурун өнөрүн элге жайылтууга кошкон салымы үчүн айрым катышуучуларга ыраазычылык барактары тапшырылды. Иш-чара Тоң районунун мамлекеттик администрациясы, "Тескей жээк” этно маданий туризм дестинациясы, Салбуурун федерациясы менен биргеликте уюштурулган. Читать дальше...

Кытай армиясы Пекин менен Вашингтондун ортосундагы тирешүүлөр курчуп турган маалда Тайван аралынын түндүк-чыгыш сууларында машыгуу баштады.

Чүй облусунун Сокулук райондук соту Жогорку Кеңештин депутаты Рыскелди Момбековго акчалай айып салды.

Маделин Ривз - Англиядагы Манчестер университетинин ага окутуучусу, социалдык антропология илимдеринин доктору, “Борбор Азияны изилдөө” журналынын редактору. Ривз чек ара, миграция маселелери боюнча адис. Ал кыргыз-тажик чегиндеги маселелер боюнча “Азаттыктын” суроолоруна кат жүзүндө жооп берди.

Жогорку Кеңештин төрагасы Дастанбек Жумабековдун Ноокенде эл менен жолугушуусуна айрым каалоочулар кире албай калганын айтып 29-июлда “Азаттыкка” Сакалды айылынын тургуну, “Алаш-Ата” лагеринин директору Акрам Сакиев кайрылды. Ал райондук администрациянын жыйындар залында өткөн жолугушууга Бүргөндү, Масы айылдарынан келген дагы 5-6 адам киргизилбегенин айтты. “Паспортубузду көрсөтсөк күзөтчүлөр тизмеде жок экенсиңер деп сыртка чыгарып салды. Мен Тоскол-Ата айылындагы жолдун акыбалы боюнча Жумабековго кайрылуу үчүн келдим. Читать дальше...

Бишкектин Свердлов райондук сотунда борбор калаанын Жылуулук электр борборун (ЖЭБ) оңдоп-түзөөгө байланыштуу соттук териштирүү уланып жатат. Бүгүн Мамлекеттик экотехинспекциянын өкүлдөрү Шараф Ачилдиев жана Таалайбек Ашырбаев күбө катары көрсөтмө беришти. Алар оңдоп-түзөө иштери аяктагандан кийин сөзсүз акт түзүлөрүн, ансыз объект эксплуатацияга кабыл алынбасын, бардык мыйзамдар сакталганын жана жогорку кызмат адамдарынан эч кандай басым болбогонун айтышты. Ошондой эле “Курулушта тийиштүү документтер... Читать дальше...

Улуу Британия Иран менен мунай танкерлерин алмашпай турганын билдирди. Өлкөнүн тышкы иштер министри Доминик Рааб "Иран Перс булуңунда кармалган британиялык кемени бошотсо, Британия да ирандык мунай ташыган кемени коё берет" деген ойлорду четке какты. Ал "BBC", "Sky News" телеканалдары менен маегинде Иранды эл аралык эрежелерди сактоого үндөдү. Эки жума мурда британ бийлиги Гибралтарда Сирияга мунай ташып баратат деген шек менен Ирандын бир танкерин кармаган болчу. Аны улай, 19-июлда Иран күчтөрү... Читать дальше...

Жекшемби күнү абакта жаткан жеринен ооруканага жеткирилген орусиялык оппозициячыл саясатчы Алексей Навальныйдын абалы "канааттандырарлык". Бул тууралуу Навальный жаткан Москвадагы 64-шаардык оорукананын өкүлдөрү билдиришти. Бейтапкананын дарыгери Элдар Казахмедов оппозиционер аллергия болгонун, бирок "ага эмне себеп болгонун так айтуу кыйын экенин" "Интерфакс" жаңылыктар агенттигине маалымдады. Навальныйдын жеке дарыгери Анастасия Васильева 43 жаштагы саясатчы белгисиз химиялык заттан ууланышы мүмкүн деген тынчсыздануусун айтты. Читать дальше...

Кыргызстан менен Тажикстандын чек арасындагы соңку жаңжалда ар кандай жараат менен ооруканага түшкөндөрдүн 16сы дарылануусун улантууда. Бул тууралуу "Азаттык" радиосуна 29-июлда өкмөттүн Баткен облусундагы ыйгарым укуктуу өкүлүнүн басма сөз кызматы кабарлады. Ооруканага баш-аягы 31 адам кайрылган болчу. Дарыланып жаткандардын абалы туруктуу жана дары-дармек жетиштүү экени айтылды. Өкмөттүн өкүлү жабыркагандардын ал-абалы менен таанышып, аларга материалдык жардам берди. 22-июлда кыргыз-тажик чек арасында чыр чыккан. Читать дальше...

30-июлда түнкүсүн Ысык-Көл, Нарын облустарынын кээ бир райондорунда өткүн өтүп, күн күркүрөйт, калган аймактарда жаан-чачын болбойт. Күндүз Ысык-Көл, Нарын облустарынын көпчүлүк аймактарында, Чүй, Талас, Ош, Жалал-Абад, Баткен облустарынын тоолуу райондорунда жана тоо этектеринде өткүн өтүп, күн күркүрөйт. Чүй, Талас, Ош, Жалал-Абад, Баткен облустарынын өрөөндөрүндө жаан-чачын болбойт. Батыш тараптан келген шамалдын ылдамдыгы секундасына 4-9 метрден, кээ бир райондордо 15-20 метрге жетет. Абанын температурасы... Читать дальше...

Эсеп палатасынын инспектору Айлана-чөйрөнү коргоо жана токой чарба агенттигиндеги финансылык тартип бузууларды жашырган деп шектелүүдө. Бул тууралуу 29-июлда Улуттук коопсуздук боюнча мамлекеттик комитет (УКМК) кабарлады. Мекеменин басма сөз кызматынын өкүлү Асель Адылбек кызы "Азаттык" радиосуна билдиргенине караганда: - Эсеп палатасынын башкы инспектору А.Н. кызмат абалынан кыянаттык менен пайдаланып, агенттиктеги кызматкерлердин каржылык укук бузууларын жаап жашырган. Кылмышка шектүү кызматкер... Читать дальше...

Казакстанда кытайлык казактардын маселесин көтөрүп келген «Ата Журт ыктыярчылары» уюмунун лидери Серикжан Билаштын соту башталды. Ага "улут аралык кастыкты козуткан" деген айып тагылууда. Алгачкы соттук жараян 29-июлда Нур-Султан шаарында өттү. Бирок анда судья активист "экстремисттик билдирүүлөрүн" Алматы шаарында айтканын белгилеп, иш бул шаарда каралышы керек деген чечим чыгарды. Билаш үй-бүлөсү менен кошо Алматыдагы батиринде үй камагында кармала турган болду. Кытайдан көчүп келип, Казакстанда... Читать дальше...

Көк-Жаңгак шаарында көчкү түшүү коркунучу бар аймакта чөбөрөсү менен жашаган 70 жаштагы байбиче коопсуз жайга көчүүнүн аргасын таппай жатат. Төрт баласынан айрылган Шарапат Шамшидинова карыганда жаңы турак жай салууга чамасы келбей турат. Өзгөчө кырдаалдар министрлиги жыл сайын байбичеге көчүү тууралуу эскертүү бергени менен жергиликтүү бийлик алгылыктуу жардам көрсөтө албай жатат.

Ооганстандын президенти Ашраф Ганинин өнөктөшү Амрулла Салихтин кеңсесинде бомба жарылып, анын артынан болгон атышууда кеминде 20 киши мүрт кетти.

Орусиянын борбору Москвада ишемби күнкү нааразылык акциясында кармалгандардын соту өтүп жатат. Оппозиционер Илья Яшинди Щербинский райондук сотуна алып келишти. "Навальный-LIVE" студиясынын алып баруучусу Владимир Миловдун иши Симоновский райондук сотунда каралганы жатат. "ОВД-Инфо" укук коргоо порталы соттук жараяндар Москванын баш-аягы 22 сотунда өтөөрүн маалымдады. Сотко орус баш калаасындагы 70ке чукул полиция бөлүмүндө кармалып турган адамдар алып келинет. 27-июлда шаардык думага катталбай... Читать дальше...

Чүйдүн Чым-Коргон айылындагы республикалык психиатриялык ооруканадан качкан адам изделүүдө. Бул тууралуу облустук милиция кабарлады. Мекеменин маалыматына караганда, 20 жаштагы Азамат Токушев 27-июлга караган түнү качып кеткен. Сокулук райондук соту аны бул ооруканада күчтөп дарылоого 2018-жылы жөнөткөн. Милиция эгер ал тууралуу маалымат болсо 0 (312) 60-75-67, 0 (702) 54-32-27 , 0 (500) 05-88-06 же 102 номурларына телефон чалып кабарлоону өтүндү.

Атканда тоодон кашка таң, Артыкча сонун байкасаң. Көл болбой эгер кыз болсоң, Көз тиймек экен капкачан. Атактуу акыр Байдылда Сарногоевдин бул ыр саптары айтылуу Сары-Челек көлүнө арналган.