Новости за 08.07.2019

Тажикстанда абактагы 14 киши каза болду. Бийлик жаза өтөөчүлөр нан жеп, ууланган деп алгачкы тыянагын чыгарды. Гонконгдо он миңдеген адам, өзгөчө жаштардын жүрүшү 7-июлдун кечинде да уланды. Грециядагы парламенттик шайлоодо оппозициялык “Жаңы демократия” партиясы жеңди. «84 жаш – болгону сандар гана» деп, польшалык Хелена Норович төрт жылдан бери моделдик ишмердигин улантууда.

2018-жылы Кыргызстанда үй-бүлөдөгү зордук-зомбулуктан 62 аял каза болуп, 288и жараат алган. "Эже-сиңдилер" берүүсүнүн бул жолку чыгарылышы үй-бүлөдөгү зомбулук темасына арналды.

Германия кургакта согушкан аскерлерин Сирияга жөнөтүү тууралуу АКШнын сунушун аткарбайт. Бул тууралуу немис өкмөтүнүн өкүлү Штеффан Зайбер 8-июлда маалымдады. Ал «расмий Берлин буга чейинки милдеттенмелерин аткарып, Иорданиянын аймагындагы абадан чалгындоо иштерин уланта берет», деп билдирди. Зайбер «Ислам мамлекети» террорчул уюмуна каршы бириккен коалициянын өкүлдөрү жакынкы күндөрү жолугуп, андан аркы аскердик жана башка иштерди талкуулап алышы керек экенин кошумчалады.  Немис парламентинде... Читать дальше...

Грузияда оппозициялык «Рустави-2» телеканалынын алып баруучусу Георгий Габуния Орусия президентин оозго алгыс, ыплас сөздөр менен сөккөндөн кийин канал бир нече саатка берүүлөрүн токтотуп койду.

Мурдагы президент Алмазбек Атамбаев бүгүн, 8-июлда Ички иштер министрлигинин Тергөө кызматына суракка чакырылды. Ал күбө катары чакырылганын ИИМдин басма сөз кызматынын өкүлү Карима Аманкулова «Азаттыкка» билдирди.  Чакырууну милиция кызматкерлери Атамбаевдин Бишкектин четиндеги Кой-Таш айылындагы үйүнө жеткирип беришти. Анда мурдагы президент 9-июлда эртең менен Тергөө кызматына барышы керек экени жазылган.   Бирок Атамбаев суракка барбай турганын журналисттерге айтып, буга азыркы бийликке ишенбестигин... Читать дальше...

Нарын облусундагы чеги так белгиленбеген жайыттар райондор арасында талаш жаратты. Суусамыр жайлоосундагы акты сатып акча тапкандар. Табият койнунда эс алгандарды таштанды тердирткен баткендик жаштар. Эски чайхананы бала бакчага айланткан өзгөндүктөр. Азыркы интеллигенциянын жагдайын эски драмага салган Байжиевдин музыкалык спектакли.

Кримтөбөл Азиз Батукаевди мөөнөтүнөн мурда абактан бошотулушуна байланыштуу иште аты аталган Коргоо кеңешинин мурдагы катчысы Бусурманкул Табалдиевдин кайда экени белгисиз. Ишти тергеп-иликтеп жаткан Ички иштер министрлиги анын  дайын-дареги тууралуу маалымат бере элек. Ошондой эле мекеме Табалдиевдин өлкөдөн чыгып кеткени тууралуу кабарды ырастай элек. Мамлекеттик чек ара кызматы да кайсы бир жарандын өлкөдөн чыгып кеткени боюнча маалымат берилбей турганын билдирди. «Азаттыктын» Бусурманкул... Читать дальше...

Кыргыз маданиятына эмгек сиңирген ишмер, мурдагы маданият министри Марклен Баялинов акыркы сапарга узады. Маркум менен коштошуу зыйнаты Абдылас Малдыбаев атындагы опера жана балет театрында өттү.

Орусиянын президенти Владимир Путин Ингушетиянын мурдагы башчысы Юнус-Бек Евкуровду коргоо министринин орун басары кылып дайындады. Бул тууралуу Кремлдин расмий сайтында жарыяланды. Ага ылайык, Евкуров генерал-лейтенант наамындагы кызматка барды.  Юнус-Бек Евкуров өз эрки менен кызматтан баш тартарын 25-июнда күтүүсүз жарыялаган.  Путин 26-июнда Евкуровдун кызматтан кетүү жөнүндө арызын канааттандырган. Анын ордуна Ингушетиянын башчысынын милдетин аткаруучу кылып Махмуд-Али Калиматовду дайындаган. Читать дальше...

Кримтөбөл Азиз Батукаевди мөөнөтүнөн мурда түрмөдөн чыгаруу ишинде аты аталып келаткан Коргоо кеңешинин мурдагы катчысы Бусурманкул Табалдиевдин өлкөдөн чыгып кеткени айтыла баштады.

Өткөн жылы октябрь айында Орусиянын Ленинград облусундагы Гатчина аймагында пиротехника чыгаруучу заводдо жарылуу болуп, беш кишинин өмүрү кыйылган. Азыр заводдун айланасында турган элдин жашоосу дагы эле күтүү абалында. Ошол жарылуудан кийин Гатчинадагы абал кандай болду экен?

Кыргызстандык мушкер Валентина Шевченко дал ушундай ыкма менен Жессика Айды ай-буйга келтирбей сулаткан.

Биринчи май райондук сотунун мурдагы ички иштер министри Молдомуса Конгантиевди актаган чечимин коомчулуктун кайсы бир бөлүгү кескин сындап жатат.

Украинада Башкы прокуратура Орусия менен телекөпүрө форматында берүү уюштурганы жаткан «News One» телеканалына «мамлекетке чыккынчылык кылган» деген айып менен кылмыш ишин козгоду. Башкы прокурор Юрий Луценко алып баруучулардан тартып телеканалдын кожоюндарына чейин суракка чакырылганын билдирди. Андан сырткары каналдын активдерин камакка алыш үчүн сотко доо арыз даярдалып жатканы маалым болду. Мунун алдында «News One» телеканалынын 12-июлга белгиленген Орусия менен телекөпүрөсү болбой калган.... Читать дальше...

Миңдеген сириялык качкындар 7 жылдан соң, Хомс провинциясындагы “аль-Кейсар” шаарына кайтып келишти.

Мамлекет башчысы Сооронбай Жээнбеков бүгүн 8-июлда президенттик аппараттын, Коопсуздук кеңешинин, күч органдарынын жана Баткен облусунун жетекчилигин чогултуп, чек ара коопсуздугун камсыз кылуу маселесин талкуулады. Президенттин басма сөз кызматы кабарлагандай, жыйында Баткендеги көйгөйлөр тууралуу сөз болду. Жээнбеков аларды чечүү багытында ырааттуу иш жүргүзүлө тургандыгын баса белгиледи. «Коңшуларыбыз менен достук мамилени сактоо жана өнүктүрүү Кыргызстан үчүн маанилүү. Муну менен бирге... Читать дальше...

Маалыматтык технологиялар жана байланыш комитетинин алдында «Укук» жана «Соцсервис» мамлекеттик ишканалары түзүлдү. Бул тууралуу чечимге премьер-министр Мухаммедкалый Абылгазиев кол койгонун 8-июлда өкмөттүн басма сөз кызматы кабарлады. «Укук» ишканасы сот, прокуратура, укук коргоо органдары, Жогорку Кеңеш, жергиликтүү кеңеш, миграция, коргонуу, өзгөчө кырдаалдар, жаза аткаруу, чек ара, радиациялык жана өрт коопсуздугу тармагында иштеген мекемелер үчүн маалымат системаларын иштеп чыгып, алардын... Читать дальше...

АКШ Иранга уран байытууну 2015-жылкы өзөктүк келишимде белгиленген чектен ашырганына байланыштуу кошумча санкцияларды киргизет.

Кинорежиссер Болот Шамшиевдин машинесин уурдоого шектүү катары соттолуп жаткан Юрий Ликов Бишкектеги №1 тергөө абагынан быйыл май айында чыккан. Бул тууралуу бүгүн «Азаттык» радиосуна Жаза аткаруу мамлектетик кызматынын басма сөз өкүлү Элеонора Сабатарова билдирди: - Ал бизде тергөө абагында бир аз кармалган. Быйыл 2-майда №47 абакка которулган. Ал жерден дарыгерлердин текшерүүсүнөн өткөндөн кийин оорусуна байланыштуу Кардиология жана терапия борборуна дарылануу үчүн которулган экен. Ал жактан соттун чечими менен үй камагына чыгарылган. Читать дальше...

8-июлда Бишкектеги мамлекеттик резиденцияда президент Сооронбай Жээнбеков жалпы республикалык тестирлөөдөн жогорку упай алган 52 улан-кызга «Алтын сертификат» тапшырды.

Башкы прокуратура Молдомуса Конгантиевге карата чыккан чечимге байланыштуу шаардык сотко кайрыла элек. Бул тууралуу бүгүн 8-июлда «Азаттыкка» мекеменин басма сөз кызматынын өкүлү Жаркынай Азиева билдирди. Анын айтымында, апелляциялык арыз берилеби же жокпу, соттун чечими колго тийгенден кийин белгилүү болот.  - Мыйзамда көрсөтүлгөн мөөнөттө чечим бизге берилгенден кийин ал маселе каралат. Азыркы учурда чечим келип түшө элек, - деди ал.  5-июлда Бишкектин Биринчи май райондук соту мурдагы ички иштер министри Молдомуса Конгантиевди актаган.

Бириккен Улуттар Уюмунун (БУУ) Баңгизаттар жана кылмыштуулук боюнча башкармалыгынын жаңы баяндамасына ылайык, 2017-жылы дүйнөдө 87 миңдей кыз-келин киши колдуу болгон, аялдардын 50 миңге чукулун өнөктөшү, жакын туугандары өлтүрүп койгон.  Мындай мыккаачылыктын көбү (20 миңге чукул) Азия чөлкөмүндө катталган. Африкада 19 миңдей, Америка континентинде 8 миң, ал эми Европада 3 миң аял өнөктөшүнүн жана туугандарынын колунан ажал тапкан.  Уюмдун баяндамасында жазылгандай, 2012-жылдагы көрсөткүчтөргө... Читать дальше...

7-июлда Түркиянын жергиликтүү басылмаларында Алания шаарында 23 жаштагы кыргызстандык өлтүрүлгөнү тууралуу кабар тарады. Окуя боюнча Аланиянын прокуратурасы кылмыш ишин козгоп, көп узабай полиция кылмышка шектүү адамды жашынып жүргөн жеринен кармаган.

Кыргызстанда быйыл мектеп бүтүрүүчүлөрүнүн 38 пайызы жогорку окуу жайына өтүүгө зарыл босогодон өтпөй калышты. Бул тууралуу мамлекет башчысы Сооронбай Жээнбеков бүгүн мыкты бүтүрүүчүлөргө «Алтын сертификат» тапшыруу аземинде билдирди. Бирок президент быйылкы жалпы республикалык тестирлөөдө «Алтын сертификат» жана эң жогорку балл алгандардын 57 пайызы аймактарда окуган улан-кыздар экенин «канааттануу менен белгилей турганын» айтты: - Ошол эле учурда өлкөбүздүн билим берүү системасын каржылоо деңгээли ички дүң өнүмдүн 6 пайызын түздү. Читать дальше...

Орусиянын Иркутск облусунда чукул кырдаалдар боюнча кызматтар дагы сегиз адам изделип жатканын кабарлашты. 8-июлда эки адам аман-эсен табылганы белгилүү болду.  Иркутскиде 25-июнда башталган нөшөрдөн улам беш чоң дарыядан суу ташкындаган. Суу жүзгө жакын калктуу конушту каптап, 3,5 миң турак жай жараксыз болуп калды. Табыгый кырсыктын айынан 33 миң адам үйүнөн ажырады. Жүздөгөн адамдар ооруканага түштү. Баштапкы маалыматтарга караганда, зыяндын көлөмү 29 миллиард рублга бааланып жатат.