Новости за 31.07.2019

Кыргызстан-АКШ өкмөттөр аралык кызматташтыгы боюнча жаңы келишимге байланышкан иштер ортолоп калды.

Бильярд боюнча дүйнөнүн үч жолку чемпиону Каныбек Сагынбаев аталган спорт түрүнөн 8-13-августта Ысык-Көлдө өтө турган дүйнө биринчилигине даярданып жатканын айтты.

Улуттук коопсуздук боюнча мамлекеттик комитет (УКМК) айлана-чөйрөнү коргоо жана токой чарба мамлекеттик агенттигинин директору Абдыкалык Рустамов менен анын жардамчысы кармалганын ырастады.

Германия АКШ сунуш кылган Ормуз кысыгын кайтарган миссияга кошулууга “анча дилгир эмес”, бирок Европа миссиясынын алкагында андай ишке катышышы мүмкүн. Мындай билдирүүнү 31-июлда канцлер Ангела Меркелдин кеңсеси жасады. Алдыңкы күнү Вашингтон Берлинге кайрылып, дүйнөнүн мунай ташыган эң ири жолунда коопсуздукту камсыздоого жана “Ирандын агрессиясына каршы” күрөшүүгө “жардам берүүнү” сунуш кылган. Немис өкмөтүнүн басма сөз катчысы Улрике Деммер Германия Иран менен АКШ ортосундагы чырды дипломатиялык... Читать дальше...

Кыргызстанда шайлоо жараяндарына байкоо жүргүзгөн ири коомдук уюмдун жетекчилик орду талашка түштү.

Мектептер жайкы эс алууга тарап, балдардын көбү эс алууда. Мүмкүнчүлүгү бар ата-энелер балдарын лагерге жиберип, эс алуусуна шарт түзүүгө аракет кылышат эмеспи. А бирок калктын эң аярлуу катмарындагы балдар эмне менен алек? Бишкек шаарынын так ортосунда турмуш шартка байланыштуу эрте эрезеге жеткен балдарды кепке тарттык.

АКШнын Ооганстан боюнча атайын чабарманы Залмай Халилзад бул кызматка дайындалгандан бери Кабулга эң жемиштүү сапар жасаганын билдирди. 68 жаштагы дипломат кошуна Пакистанга, андан ары Катарга жөнөп жатканын 31-июлда айтты. Катардын борбору Доха шаарында Ооганстанда 18 жылдан бери токтобой келаткан согушка чекит коюу максатында «Талибан» кыймылы менен сүйлөшүүлөрдүн 9-айлампасы өтмөкчү. Дохада "Талибандын" саясий кеңсеси жайгашкан. "Вашингтон менен Кабул жаңы кадамдарды макулдашты. Сүйлөшүүгө... Читать дальше...

“Атамбаевдин иши Кыргызстандын мыйзамдарынын алкагында чечилүүгө тийиш”, - деп белгиледи президент Сооронбай Жээнбеков бүгүн, 31-июлда, Чүй облусунун Панфилов районунун жашоочулары менен болгон жолугушууда элдин суроосуна жооп берип жатып. “Мыйзамдуу өлкөдө мыйзамдын алкагында гана иш-аракеттерди жүргүзүү керек. Кандай гана адам болбосун - мурдагы президентпи, чиновникпи, аскер кызматкериби, же катардагы кызматкерби — мыйзам баарына бирдей, ар бирибиз ага баш ийишибиз керек. Ошондо гана өлкө өнүгөт. Читать дальше...

Кыргызстандын премьер-министри Мухаммедкалый Абылгазиев “Centerra Gold Inc.” компаниясынын президенти Скотт Перри жана директорлор кеңешинин айрым мүчөлөрү менен жолугушту. Анда “Centerra Gold Inc.” компаниясынын ишмердүүлүгү, Кумтөр кенинин натыйжалуулугун жогорулатуу үчүн кызматташтыкты бекемдөө маселелери талкууланды. Өкмөттөн басма сөз кызматы билдиргендей, Скотт Перри 2019-жылдын алты айында Кумтөр 9,2 тонна алтын өндүргөнүн (2018-жылы ушул убакытта 5,7 тонна алтын өндүрүлгөн), тоо-кен чалгындоо программасына эки жылда 18 млн. Читать дальше...

Орусиянын Красноярск крайында, Иркутск облусунда жана Якутияда токой өрттөнүп жатат. Соңку маалыматтарга ылайык, өрттүн аянты 3 миллион гектардан ашты. Красноярск чөлкөмүндө 1 миллиондон ашуун гектар жердеги токой күйүп жатат. 24 саатта өрттөрдүн саны 99дан 90го чейин азайганы менен аянты кеңейди. Иркутскиде 31-июлда эртең менен 670 миң гектар токой өрттөнүп жатканы маалымдалган. Анын 600 миң гектарын өчүрбөө чечими кабыл алынган. Өрт Якутия менен Бурятиянын токойлорун да чалды.

Улуттук коопсуздук боюнча мамлекеттик комитет өкмөткө караштуу курчап турган чөйрөнү коргоо жана токой чарбасы мамлекеттик агенттигинин башчысы Абдыкалык Рустамов жана анын А.И. аттуу жардамчысы кармалганын ырастады. Мекеме тараткан маалыматка караганда, Рустамов жана анын жардамчысы ыкчам-тергөө иш-чараларынын жүрүшүндө 2 миң доллар алып жаткан учурда 30-июлда колго түшкөн. Алар чет элдик жарандан Ысык-Көл токой чарбасында Ананьево айылындагы жер фондунан 5 гектар жер участогун берүүдө оң чечим чыгарганы үчүн пара талап кылган. Читать дальше...

Жогорку Кеңештин төрагасы Дастан Жумабеков 30-31-июлда Ош облусунун Ноокат, Араван жана Алай райондорун кыдырып, жергиликтүү эл менен жолугушту. Бул тууралуу парламенттин басма сөз кызматы маалымдады. Спикер элдин, жергиликтүү бийликтин суроо-талаптарын, сунуштарын угуп, аймактардагы социалдык мекемелердин абалы менен таанышты. Дастан Жумабеков жолугушууда негизинен элди саясий стабилдүүлүктү сактоого чакырды. Ал айрым күчтөр абалды курчутууга аракет кылып жатканын белгилеп, элди андай чагымчылыкка алдырбоого үндөдү. Читать дальше...

Премьер-министр Мухаммедкалый Абылгазиев мугалимдердин айлык акысын жана пенсиянын өлчөмүн жогорулатуу механизмдерин талкуулоо боюнча кеңешме өткөрдү. Өкмөт башчынын айтымында, пенсия ушул күздө жогорулайт. Ал эми өкмөттүн алдында мугалимдердин айлыгын көтөрүү боюнча милдеттер турганын белгиледи. Бул үчүн механизмдерди иштеп чыгуу тапшырмасын берди. Буга чейин өкмөт башчы Мухаммедкалый Абылгазиев 1-сентябрдан тарта мугалимдердин айлыгы, ал эми 1-октябрдан тарта пенсия көтөрүлө турганын билдирген. Читать дальше...

Мурдагы вице-премьер-министр Дүйшөнбек Зилалиевдин иши боюнча соттук териштирүү 7-августка жылды. Ишти Бишкектин Биринчи май райондук соту бүгүн карап баштаган. Отурумду жылдырууга күбөлөрдүн толук келбей калганы себеп болду. Аталган соттон билдиришкендей, бүгүнкү териштирүүдө айыптоонун корутундусу окулду. Зилалиев күнөөнү мойнуна алган жок. Ошондой эле соттук отурумдун тартиби бекитилди. Дүйшөнбек Зилалиевге 2010-2017-жылдары мамлекеттик органдарда жетекчилик кызматты ээлеп турган учурда өзү... Читать дальше...

Апрель ыңкылабынан кийин бийликтен кулатылган мурдагы президент Курманбек Бакиев жөнүндө видеотасманын көрсөтүлүшү коомчулуктун сынына кабылды.

Орусиянын президенти Владимир Путинге каршы пикетке чыккан Нурлан Карымшаков менен анын жубайы Гүлзана Имаевага карата кылмыш иши кыскарды. Бул тууралуу “Азаттыкка” адвокат Замир Жоошев билдирди. Анын айтымында, тергөө үчүнчү экспертизанын жыйынтыгынан кийин “аты аталган жарандардын аракетинде кылмыштын курамы жок” деген негизде ишти 26-июлда кыскарткан. Орусиянын президенти Владимир Путин Кыргызстанга келерден бир күн мурун жарандык активист Нурлан Карымшаков аялы Гүлзана Имаева экөө Бишкектеги орус элчилигинин астына пикетке чыгышкан. Читать дальше...

Кытайлык жана америкалык расмий өкүлдөр 31-июлда Кытайдын Шанхай шаарында бир жылга созулган "соода согушун" токтотууга багытталган сүйлөшүүлөрүн кайра баштады.

«Бир ууч топтун жеке кызыкчылыгына каршы чыгышым мүмкүн, бирок элимдин кызыкчылыгына каршы чыкпайм!», - деп билдирди бүгүн президент Сооронбай Жээнбеков Чүй облусунун Панфилов районунда эл менен жолугушууда. Жээнбеков «бир ууч топко кызмат кылам, алардын кызыкчылыгын коргойм, уурулугун жашырам» деп убада бербегенин билдирди. Жээнбеков бийликке 2017-жылы келген. Көп өтпөй ага чейинки президент Алмазбек Атамбаев менен мамилеси бузулуп, бири-бирин айыптаган билдирүүлөрдү жасап келе жатышат. Атамбаев... Читать дальше...

Кытайлык жана америкалык расмий өкүлдөр 31-июлда Кытайдын Шанхай шаарында бир жылга созулган соода согушун токтотууга багытталган сүйлөшүүнү жандантты .Буга чейинки ондон ашык ушундай эле жыйындарда эки тарап орток пикир таба алган эмес жана май айында сүйлөшүү белгисиз мөөнөткө токтоп калган.  АКШнын соода өкүлү Роберт Лайтхайзер жана Финансы министри Стивен Мнучин Шанхайга келип, Кытайдын вице-премьери Лю Хэ менен жолугушту. Вашингтон менен Бээжин бири-биринин жалпы баасы 360 миллиард доллардык товарына бажы тарифин көтөрүшкөн. Читать дальше...

Казакстанда үчүнчү ири шаардын - Чымкенттин жаңы мэри болуп Ерлан Айтаханов дайындалды. Президенттин тиешелүү буйругу 30-июлда кечинде расмий сайтка жарыяланды. Айтаханов буга чейин Түркстан облусунун Отырар районунун акими болчу. Чымкенттин мурдагы шаар башчысы Габидулла Абдрахимов Лондондогу кымбат «Ритц» мейманканасынын жанында тартылган видео чыккандан  көп өтпөй кызматтан алынган. Инстаграммадагы баракчасына жарыялаган видеодо 44 жаштагы аким өзүн «мекенчил» деп атаган жаштар «Казакстанда ийгиликтүү иштеп... Читать дальше...

Түндүк Корея соңку бир жума ичинде экинчи жолу кыска аралыктагы ракетасын учурду. Коңшусу Түштүк Корея Пхеньянды мындай кадамдарын токтотууга чакырды. Расмий Токио Түндүк Кореянын ракета сыноосу Жапониянын коопсуздугуна коркунуч жаратпаганын билдирди.

Ирандын өкмөтү улуттук валютадан эки нөлдү алып салуу планын жактырды. Бул тууралуу 31-июлда кабинеттин жыйынынан кийин өкмөттүн басма сөз катчысы Али Рабиеи билдирди. Эми долбоор парламенттен жана Революция сакчыларынын кеңешинен өтүүгө тийиш. Ислам жумуриятында бир нече жылдан бери инфляция жогору болуп, улуттук акча – риалдын куну качууда. Реалдын деноминациясы көптөн бери талкууланып келет. Апрелде Эл аралык Валюта фонду быйыл Ирандын экономикасы 6 процентке төмөндөйт,  инфляция 40 процентке жетиши ыктымал деген прогнозун чыгарган. Читать дальше...

1-августта түнкүсүн Ысык-Көл, Нарын облустарынын кээ бир райондорунда өткүн өтүп, күн күркүрөйт, калган аймактарда жаан жаабайт, күндүз жаан-чачын болбойт. Батыш тараптан келген шамалдын ылдамдыгы секундасына 4-9 метрден, күндүз Ысык-Көл, Нарын облустарынын кээ бир райондорунда 15-20 метрге жетет. Абанын температурасы: Чүйдө түнкүсүн 18…23, күндүз 34…39; Таласта түнкүсүн 15…20, күндүз 32…37; Баткенде, Ошто, Жалал-Абадда түнкүсүн 19…24, күндүз 35…40; Ысык-Көлдө түнкүсүн 14…19, күндүз 24…29; Нарында түнкүсүн 10…15... Читать дальше...

Түрмөнүкүнөн башка доктурлар Азимжан Аскаровдун ден соолугун текшерип берүүдөн баш тартып жатышат. Бул тууралуу бүгүн 31-июлда “Азаттык” радиосуна Аскаровдун коомдук жактоочуcу Төлөкан Исмаилова билдирди: - Жеке да, мамлекеттик да ооруканадагылар коркуп, баш тартууда. Айрыкча Батукаевге байланыштуу доктурлар камалгандан кийин аябай коркуп жатышат. Экинчиден, бири жердеш болуп чыгууда, бири жумуштан алып коет деп коркууда. Бул да саясат. Анткени Аскаровдун иши өзү саясат. Исмаилованын айткандары... Читать дальше...

Амано Нетаньяхунун финансылык сунуштарын четке каккан соң, Торгозабад долбоору анын акыркы сыноосу болду.