Новости за 28.07.2019

Ооганстандын борбор шаары Кабулда президент Ашраф Ганинин өнөктөшү, мурдагы ички иштер министри Амрулла Салех жетектеген "Жашылдар багыты" кыймылынын имаратына чабуул жасалды. Окуяга күбө болгондордун маалымдашынча, алгач имаратта бомба жарылган, андан кийин куралчан адамдар кирип барып, атышуу башталган. Күбөлөрдүн айтымында, Амрулла Салехти ал жерден аман-эсен алып чыгып кетишти. Айрым маалыматтарга караганда, чабуулда бир адам ажал тапты, ондон ашык киши жаракат алды.  "Жашылдар багыты"... Читать дальше...

Президент Сооронбай Жээнбеков бүгүн, 28-июлда Чолпон-Ата шаарында "Кыргызстан жана Орусиянын жаш лидерлери" форумунун катышуучулары менен жолугушту. Мамлекет башчы эки өлкөнүн жаштарынын мындан аркы кызматташтыгы үчүн жаш лидерлердин форуму мыкты шарт түзөөрүнө үмүт артты. “Бизди Орусия менен тарыхый достуктун, союздаштыктын жана өз ара урматтоонун бекем салттарына негизденген ишеничтүү мамилелер байланыштырып турат. Орусия биз үчүн жакын, ишенимдүү жана стратегиялык өнөктөш. Биз Орусия менен бирге алга жылгыбыз келет... Читать дальше...

Бул селкилер сууда сүзүү менен машыгып, алды олимпиадалык оюндарда алтын уткан.

Түркмөнстанда айрым эстрада ырчылары, блогерлер социалдык тармактардагы баракчалары аркылуу мекендештерин президент Гурбангулы Бердымухамедовдун өлүмү тууралуу кабарга ишенбөөгө чакыра баштады. Анда #duryalan ("токто, жалган") деген хештэг менен жазылган билдирүүлөрдө негизинен президентке өмүр тилеп, жалган маалымат тараткандарга каргыш айтылды. Өз өмүрүн өлкө башчысы үчүн садага чабууга даяр экенин айткандар да болду. Ушул жуманын башында Гурбангулы Бердымухамедов мезгилсиз ажал тапканы тууралуу кабар тараган. Читать дальше...

Гонконгдо 27-июлда он миңдеген адамдар кайрадан көчөгө чыкты. Нааразылык акциялары шаардын Юньлон районунда өттү. Бул райондо бир апта мурун өкмөткө каршы митингге чыккандар тарап баратканда темир, жыгач союлдар менен куралданган, жүздөй адамдан турган топ кол салган. Анда ондогон адам жаракат алган. Ишемби күнкү нааразылык акциясынын катышуучулары буга байланыштуу полициянын аракетин айыпташты жана экстрадиция тууралуу талаштуу мыйзам долбоорго каршылык билдиришти. Гонконг бийлиги бул жолу митинг өткөрүүгө уруксат берген эмес. Читать дальше...

"Талибандын" өкүлү Сухаил Шахин аталган топ тынчтык сүйлөшүүлөрүнө ооган өкмөтү менен АКШ чет өлкөлүк аскерлерди чыгаруу тууралуу макулдашкандан кийин гана барарын айтты. Кыймылдын басма сөз өкүлү Забихулла Мужахид болсо Кабул менен жолугушуу тууралуу макулдашылбаганын билдирди. Мунун алдында ооган бийлигинин тынчтык сүйлөшүүлөр боюнча өкүлү Абдул Салам Рахими 15 адамдан турган атайын топ талибдер менен түз, тынчтык сүйлөшүүгө даярданып жатканын кабарлаган. Ал бул тууралуу АКШнын Ооганстандагы... Читать дальше...

Орусияда оппозициячыл саясатчы, Коррупцияга каршы күрөшүү фондунун башчысы, №1 атайын кармоо жайында административдик жаза мөөнөтүн өтөп жаткан Алексей Навальный 28-июлда эртең менен клиникалык ооруканага жаткырылды. Учурда ал терапия бөлүмүндө дарыланууда. Фонддун басма сөз катчысы Кира Ярмыш дарыгерлер Навальныйга “курч аллергиялык реакция” деген аныктама бергенин билдирди. Маалыматка караганда, саясатчынын бети шишип, териси кызарып кеткен. Ал эмнеден аллергия болгону аныктала элек. Ярмыш буга... Читать дальше...

Жогорку Кеңештин депутаты, КСДП фракциясынын мүчөсү Ирина Карамушкина мурдагы президент Алмазбек Атамбаев мамлекет башчысы Сооронбай Жээнбеков менен элдешпей турганын “Фейсбуктагы” баракчасына жазды. Эл өкүлү Атамбаевдин Москва сапарынан кийин “Атамбаев менен Жээнбеков элдешеби?” деп сурап кайрылгандар көбөйгөнүн жазды. Кармушкина Атамбаев кандай шартта Жээнбеков менен элдеше турганын санап берди. “Президент Матраимовдор чыгарып кетти деген каражаттар боюнча тергөө баштоону, Жээнбеков, Матраимовдордун... Читать дальше...

Европа Биримдиги Орусиянын Москва шаарында нааразылык акциясына чыккандардын кармалышы тууралуу билдирүү таратты. Анда бул окуялар "сөз эркиндигине, жарандардын тынч чогулуу укугуна шек келтирет" деп айтылат. "Бул - Орусиянын Конституциясында бекитилген жарандардын негизги укуктары. Биз бул укуктар корголот деп ишенебиз", - деди Евробиримдиктин тышкы саясат жана коопсуздук боюнча комиссарынын басма сөз катчысы Майя Косьянчич. Уюм жергиликтүү кеңештерге шайлоонун жүрүшүндө орус бийлиги ЕККУнун... Читать дальше...

Тажикстан бийлиги абакта жаза мөөнөтүн өтөп жаткан Ооганстандын 80 жаранын Кабулга өткөрүп берди. Эми алар калган мөөнөтүн өз өлкөлөрүндөгү абактарда өтөйт. Ооганстандын Душанбедеги элчилигинин басма сөз катчысы Фахим Кухдоманинин 28-июлда “Эркин/Европа Азаттык” радиосунун тажик кызматына айтканына караганда, бул адамдар ооган-тажик чек арасындагы “Төмөнкү Панжи” көзөмөл-өткөрмө пункту аркылуу таңкы саат төрттө өткөрүлүп бере баштады. Ооган дипломаттарынын маалыматына караганда, Тажикстандын түрмөлөрүндө... Читать дальше...

Дүйнөлүк басма сөзгө баяндама (22-29-июль).

Тележурналист жана тарыхчы Владимир Кара-Мурза 28-июлда 59 жаш курагында дүйнө салды. Бул тууралуу маркумдун уулу, кенже Владимир Кара-Мурза “Твиттердеги” баракчасына жазды. 1990-жылдары Кара-Мурза “Останкинодо” иштечү. 1993-жылы Орусиядагы алгачкы менчик НТВ телекомпаниясына өтүп, "Сегодня в полночь" деген автордук берүүсүн алып барган. Телеканал “Газпромдун” карамагына өткөндөн кийин журналист ал жактан кетип, ТНТ, ТВ-6 жана RTVi каналдарында эмгектенген. Көп жыл “Эркин/Европа Азаттык” радиосунун... Читать дальше...

Кыргыз-тажик чек арасында ок жаңылып, таш тийип ооруканада жаткандардын абалы туруктуу. Бул тууралуу “Азаттыкка” Саламаттык сактоо министрлигинин Баткен облусу боюнча координатору Арзыбек Бөрүбеков кабарлады. Анын айтымында, учурда 16 киши ооруканада жатат. Алардын арасында чек ара, милиция кызматкерлери жана жергиликтүү тургундар бар. 27-июлда өкмөттүн облустагы ыйгарым укуктуу өкүлү Акрам Мадумаров жана райондун акими жабыркагандардан кабар алды. "Дары-дармек жетиштүү. Жабыркагандардын абалы туруктуу, кооптонууга негиз жок". Читать дальше...

Германиянын борбору Берлинде кумсалардын 41-маршына жарым миллион киши катышты. Марш шаардын батыш бөлүгүндөгү Курфюрстендамм көчөсүндө башталып, Бранденбург дарбазасына чейин болду. "Google" жүрүштүн картасын асан-үсөн түстө көрсөтүп турду. Ага Орусия, Грузия, Беларус жана постсоветтик өлкөлөрдөн жүздөгөн орус тилдүү активисттер катышты. Жүрүштүн катышуучулары түстүү желекке Орусиянын президенти менен Чеченстандын лидеринин сүрөтүн илип, “Бизди кууп жетпейсиң!” деп орус жана немис тилдеринде жазып көтөрүп чыгышты. Читать дальше...

29-июлда түнкүсүн жаан жаабайт, күндүз Ысык-Көл, Нарын облустарынын кээ бир райондорунда өткүн өтүп, күн күркүрөшү мүмкүн. Калган аймактарда жаан-чачын болбойт. Абанын температурасы: Чүйдө түнкүсүн 17…22, күндүз 34…39; Таласта түнкүсүн 12…17, күндүз 32…37; Баткен, Ош, Жалал-Абадда түнкүсүн 18…23, күндүз 35…40; Ысык-Көлдө түнкүсүн 13…18, күндүз 27…32; Нарында түнкүсүн 11…16, күндүз 27…32 градус болот. Бишкек шаарында жаан жаабайт. Абанын температурасы түнкүсүн 19…21°, күндүз 37…39 градус ысык болот.

Жылуу ванна же душ жакшы уйкуга көмөкчү. Жошуа дарагы 50 жылда бештен бирге азаят. Жасалма эт келечекте табигый этке атаандаш болот. Териден 1000 эсе сезимтал жасалма тери.

Мурдагы президент Алмазбек Атамбаевдин уулу Сейтек Атамбаев атасынын айланасында болуп жаткан окуялар боюнча “Фейсбуктагы” баракчасына пикирин жазды. Ал убагында үй-бүлөсү, жакындары айта албаган чындыкты атасына айтып келгенин жазган. "Соңку учурда "атаңа бийликте турганда айтпайт белең" - деген суроолор көп берилип жатат. Мен бир чындыкты айткым келет. Үй-бүлөмдүн, жакындардын духу жетпей турганда, мен атама "сиздин шопуруңуз, жансакчыңыз, балашкаларыңыз, сиз мамлекетибизге жасаган жакшы иштерге... Читать дальше...

Акыйкатчы институту аталыкты мыйзамдык негизде таанууга жардам берүүнү сурап кайрылган энелер көбөйүп жатканын билдирди.

Ысык-Көлдүн Чолпон-Ата шаарында 2014-жылы куралдуу кылмышкерлерди колго түшүрүү учурунда октон каза тапкан Бакытбек Абдраевдин элесине арналган спорттук иш-чара өттү. Чемпионат таяк тартыш, аркан тартыш жана гиря көтөрүү боюнча өтүп, ага өлкөнүн укук коргоо бөлүмдөрүнөн 200гө жакын кызматкер катышты. Биринчи орунду Ички иштер министрлигинин атайын багыттагы полку, экинчи орунду атайын адистештирилген күзөт кызматы жана үчүнчү орунду Бишкек шаардык Ички иштер башкы башкармалыгы ээледи. Жеңүүчүлөргө акчалай сыйлык жана атайын кубок тапшырылды. Читать дальше...

Ишембиде Иран менен Омандын тышкы иштер министрлери Мохаммад Жавад Зариф жана Юсеф бен Алави Тегеранда жолугушту. Ирандын Тышкы иштер министрлигинин "Телеграм-каналындагы" маалыматта “эки тараптуу кызматташтык, эки өлкө ортосундагы мамиле жана аймактагы, дүйнөдөгү соңку кырдаал талкууланганы” айтылат. Министрлер Тегеран менен Маскаттын ортосундагы консультацияны улантуунун маанилүүлүгүн белгилешти. Буга чейин Омандын Консультативдик кеңешинин вице-спикери (Межлис аш-Шура) Мухаммед Абу Бакр Салем... Читать дальше...

Узаган аптанын урунттуу окуяларына сереп.

Борбордук шайлоо комиссиясы (БШК) аймактык шайлоо комиссияларынын кеңешин түздү. Бул тууралуу “Азаттыкка” БШКнын мүчөсү Назарали Арипов кабарлады. Анын айтымында, жаңы түзүлгөн кеңеш талкууга, ар кайсы комиссиялардын пикир алмашуусуна аянтча болуп берет. Анын курамына ар бир аймактык комиссиядан экиден, Ош, Бишкекти кошуп 12-14 киши кирет. Аны БШКнын төрайымы Нуржан Шайлдабекова жетектейт. Кеңештин чечимдери сунуш иретинде берилип, юридикалык күчкө ээ болбойт. Аймактык шайлоо комиссияларынын... Читать дальше...

Түндүк Вазиристан жана Белужистанда согушкерлердин кол салуусунан кеминде 10 жоокер өлгөнүн Пакистандын армия жетекчилиги билдирди. Маалыматка караганда, 27-июлда ооган чек арасы тараптан ок чыгарган алгачкы кол салууда алты аскер мерт болгон, андан соң атышууда дагы төрт жоокер жан берди. Бул кол салуу үчүн жоопкерчиликти “Техрик-е Пакистан талибан” деп аталган уюм алган. Премьер-министр Имран Хан 27-июлдагы кол салууда каза болгондордун үй-бүлөсүнө көңүл айтты. “Мен улуттук коопсуздукту сактоо... Читать дальше...

Жумагүл Барктабасова кийинки муун кара сөзчүлөрдүн өкүлү. Эгемен өлкөнүн энчисине тийген кыйынчылыктар менен карама-каршылыктар мына ушул муундун чыгармаларында кандай чагылдырылууда?

27-июлда Москвада шаардык кеңешке талапкер болгон оппозиционерлерди колдогон акция өттү. Ички иштер министрлигинин маалыматына караганда, ага 3,5 миңдей киши катышты. “ОВД-Инфо” укук коргоо порталынын болжолунда катышуучулардын саны мындан кыйла көп болгон. Нааразылык акциясына чыккандар мэриянын алдына чогулууну пландаган. Бирок полиция, ОМОН жана Росгвардия ал жакка барчу жолдун баарын тосуп, чогулгандарды сүрүп чыгарууга аракет кыла баштаган. “ОВД-Инфо” түнкү саат 23:30га карата миңден ашуун киши кармалганын жазды. Читать дальше...