Новости за 19.05.2019

Президент Сооронбай Жээнбеков кыргызстандыктарды бүгүн белгиленип жаткан Энелер күнү менен куттуктады. Өз сөзүндө мамлекет башчысы бул майрам баарыбызга кымбат экенин айтып, дүйнөдө энеден өткөн ыйык түшүнүк жоктугун белгиледи. "Баладан урмат, элден сый, жашоодон жыргал көрүңүздөр" деди Сооронбай Жээнбеков. Энелер күнүн утурлай 18-майда президент «Эне даңкы» медалы менен 470 жана «Баатыр эне» ордени менен 1135 энени сыйлоо тууралуу жарлыкка кол койду. (RK)

Ысык-Көлдө быйыл жайкы мезгилде чет мамлекеттерден келген эс алуучулардын коопсуздугун камсыз кылууга туристтик милиция кызматкерлери тартылат. Бул тууралуу “Азаттык” радиосуна Ысык-Көл облустук ички иштер башкармалыгынын башчысы Улан Асанбаев билдирди. Анын айтымында, жалпысынан 900 кызматкер иштейт, алардын 22си туристтик милиция өкүлү болот: - Атайын тандоодон өткөндөр. Жогорку билимдүү, чет тилдерин билген кызматкерлер. Быйылкы туристтик мезгилге бардыгы даяр. 18-майда Чолпон-Ата шаарынын... Читать дальше...

Узаган апта ичинде Кыргызстанда болгон урунттуу окуяларга сереп.

Кыргызстандын беш облусунда бүгүн жергиликтүү кеңештерге шайлоо өтүп жатат.  Чүй, Нарын, Талас, Ош жана Баткен облустарындагы 13 айылдык кеңеште жалпысынан 45 шайлоо участогу ачылды. 233 орунга депутат шайланат. Борбордук шайлоо комиссиясы маалымдагандай, бардык участоктор зарыл жабдык, техника, маалыматтык материал менен жабдылган.  Тизмеге кирген шайлоочулардын саны 54 782 адам. (RK)

Нарында сууга түшүп кеткен наристени издеп жатышат. Өзгөчө кырдаалдар министрлигинин маалыматына караганда, окуя 18-майда Нарын районунун Миң-Булак айылында болгон. Он-Арча суусуна түшүп кеткен беш жашар кызды издөө иштерин улантуу максатында бүгүн саат 08:40та Нарын шаарынан 26 куткаруучу, Суучулдар кызматынан 4 суучул жана жергиликтүү тургундардан 20 адам тартылды.

Тель-Авивде өткөн эл аралык «Eurovision-2019» ыр таймашында Нидерланддардан катышкан Дункан Лоуренс жеңүүчү болду.

Сауд Арабиясынын падышасы Салман бен Абдел Азиз ал-Сауд Иран менен мамиле бузулуп жатканына байланыштуу араб союздаштарын чукул жыйынга чогулууга чакырды. 30-майга белгиленген саммитте кеме жүрө турган жана мунай казылуучу аймактарга жасалган соңку кол салуулар талкууланары айтылды. “Бириккен Араб Эмирликтеринин жээгиндеги төрт коммерциялык кемеге жана Эр-Рияддын жанындагы мунай казылуучу базаларга жасалган кол салуу талкууланат” деп билдирди Сауд Арабиясы. Иран бийлиги ал кол салууларга эч тиешеси жоктугун айтып келет. Читать дальше...

Түркия АКШнын кысымына карабастан Орусиядан S-400 коргонуу системаларын сатып алуу ниетинен кайтпайт жана келечекте Москва менен S-500 системаларын өндүрүүдө кызматташат.  Бул тууралуу түрк президенти Режеп Тайып Эрдоган 18-майда Стамбулда университеттин студенттери менен жолугушканда алардын суроолоруна жооп берип жатып билдирди. Быйыл апрель айында АКШ Түркияны F-35 согуш учактары үчүн жабдуу менен камсыз кылууну убактылуу токтоткон. Вашингтон Анкарадан орусиялык ракета системасын сатып алуу... Читать дальше...

Өзбекстандын Жогорку соту журналисттер Гайрат жана Шухрат Бабажановдордун үйүн мамлекетке чегерүү тууралуу чечимди жокко чыгарды. “Азаттык” радиосу менен кызматташкан эки журналист чет өлкөдө жашоого мажбур экенин айтышкан. 2018-жылы төмөнкү инстанциядагы сот алардын кыймылсыз мүлкүн ээси жок деп таап, райондук администрациянын карамагына өткөрүү чечимин чыгарган. Адвокаттын айтымында, Жогорку сот ал мүлктүн ээси Бабажановдор экенин тааныды. Мындай чечим райондук бийликтин каршылыгына карабастан кабыл алынды. Читать дальше...

Арменияда мурдагы президент Роберт Кочарян тергөө абагынан күрөөгө бошотулду. Аны Тоолуу-Карабактын азыркы жана мурдагы башчылары 2 миң доллар күрөө коюп, тилкат жазып чыгарып кетишти. Бөгөт чарасы каралып жаткан чакта соттун алдында Кочаряндын тарапкерлери да, каршылаштары да өз-өзүнчө акция өткөрүп турушту. Арменияны 1998-2008-жылдары башкарган 64 жаштагы Роберт Кочарян «полицияга 2008-жылкы президенттик шайлоодогу бурмалоо боюнча нааразылык билдирип чыккан адамдарга каршы күч колдонууга буйрук берди» деген негизде соттолуп жатат. Читать дальше...

Тел-Авивде өткөн эл аралык «Eurovision-2019» ыр таймашында Нидерланддардан катышкан Дункан Лоуренс жеңүүчү болду. Анын "Arcade" деген ыры сүйүү жана жоготуу жөнүндө. Букмекерлер Лоуренстин утушун алдын ала божомолдошкон эле. «Eurovision-2019» популярдуу шоусу Израилде 12-майда расмий башталып, 41 мамлекеттен ырчылар күч сынашты. 14-16-майда биринчи жана экинчи жарым финал, 18-майда финал болду. Баш байге - хрусталь микрофон үчүн 26 мамлекеттин ырчылары ат салышты.  Экинчи орунду Италия, үчүнчүнү Орусия алды. Читать дальше...