Новости за 05.02.2021

د فاریاب والي وايي چې په خواجه سبزپوش ولسوالۍ کې له دولتي ځواکونو سره  د طالبانو په نښته کې دواړو خواوو ته درنه مرګ ژوبله اوښتې. نقیب الله فایق نن جمعه (د سلواغې ۱۷مه) له رسنیو سره په خبرو کې په دې اړه جزئیات ورکړل: "طالبانو زموږ سرتېري غافل کړل. په نتیجه کې د شپږم کنډک د قوماندان په ګډون پنځه سرتېري شهیدان او یو شمېر نور اسیران شول. د طالبانو له خوا هم پنځلس وسله وال مړه او ټپیان شوي دي."  د فاریاب ولایت مطبوعاتي دفتر په یوه خبرپاڼه کې وايي، له دې جګړې وروسته ولسمشر اشرف غني له ښاغلي فایق سره... Читать дальше...

د کندهار ښار په عینو مېنه کې نن جمعه (د سلواغې ۱۷مه) دوه چاودنې وشوې چې په یوه کې دوه ملکي وګړي وژل شوي او درې نور ټپیان دي. د امنیه قوماندانۍ ویاند جمالناصر بارکزي د یوې چاودنې په اړه ازادي راډیو ته وویل: "د عینو مېنې په دشت سیمه کې د ملکي وګړو پر ټکسي موټر د ماین چاودنه شوې چې په نتیجه کې دوه تنه په شهادت رسېدلي او درې نور ټپیان دي."  ښاغلي بارکزي وویل، په لومړۍ چاودنه کې چاته زیان نه دی اوښتی. د غورک ولسوال جمعه خان ازادي راډیو ته وویل چې د دې برید هدف دی و.  د دې حملو مسوولیت تراوسه کومې ډلې نه دی منلی.

د ملي مصالحې عالي شورا پر طالبانو تور لګولی چې په بې دلیله او ناموجهو پلمو د سولې په خبرو کې د ځنډ باعث کېږي.  د جنوري په پنځمه د افغان دولت او طالبانو د مرکچي پلاوو ترمنځ د خبرو د دوهمې مرحلې له پیل راهیسې بین الافغاني مذاکرات په ټپه درېدلي دي.  د سولې د عالي شورا نن جمعه (د سلواغې ۱۷مه) په یوه خبرپاڼه کې د دې شورا د رئیس عبدالله عبدالله له قوله ویلي چې طالبان د جګړې د پای ته رسولو په اړه د اصلي خبرو پرځای په سفرونو او حاشیوي بحثونو بوخت دي، خو وسله وال یې په افغانستان کې د خلکو پرضد تشدد ته دوام ورکوي. Читать дальше...

خوستي سوداګر وايي، که دې ولایت کې پاکستان خپله کونسلګري پرانیزي، نو د خلکو د تګ راتګ لپاره د ویزو د اسانتیاوو په ګډون به په دواړو لورو کې سوداګري وده وکړي او نرخونه به ورسره ارزان شي. دوی وايي، په اوس وخت کې د خوستیو سوداګرو تشې لارې تورخم ته ځي او هلته پاکستان ته د تګ د یوې پېرې لپاره لږ تر لږه شل ورځې منتظر پاتې کېږي، ځکه د غلام خان په لاره افغاني بار وړونکي  موټر له صفري نقطې مخته نه پرېښودل کېږي. د جمعې په ورځ یادې څرګندونې خوستیو سوداګرو د غلام خان لارې د ستونزو په هوارولو کې د ولسي جرګې... Читать дальше...

د اروپايي ټولنې د بهرنۍ پالیسۍ مشر وايي، د روسیې د اپوزیسیون د بندیوان مشر الکسي ناوالنۍ توقیف او د هغه د پلویانو ځپلو له مسکو سره د اروپايي ټولنې اړیکې خورا زیات ساړه کړي دي.  جوزېپ بورېل دا څرګندونې نن  جمعه (د سلواغې ۱۷مه) د روسیې د بهرنیو چارو له وزیر سرګي لاوروف سره له کتنې وروسته وکړې. ښاغلي بورېل زیاته کړه: "ما ښاغلي لاوروف ته د خپلې ژورې اندېښنې پیغام ورساوه، د الکسي ناوالني د خوشې کېدو پر غوښتنه او په زهري موادو د هغه د مسمومېدو په اړه د بې پرې تحقیقاتو پر اړتیا مې ټینګار وکړ."  بورېل نن مسکو ته خپل پنځه ورځنی سفر پیل کړ. Читать дальше...

د قزاقستان حکومت پر یو شمېر غیر حکومتي موسسو چې په دې هېواد کې د رسنیو، بشري حقونو او انتخاباتو پر چارو څار کوي لګېدلي تورونه لغو کړل.  حکومت دا اعلان وروسته له هغه وکړ چې د دې پرېکړې پر وړاندې په هېواد کې دننه او بهر اعتراضونه وشول.   د شپږو غیر حکومتي موسسو استازو پرون د فبروري په څلورمه وویل، پر دوی واړه لګېدلي تورونه بېرته اخېستل شوي او هغه پرېکړه چې باید فعالیت یې بند شي او حکومت ته جریمه ورکړي، لغو شوې ده.  په دې ټولنو کې د قزاقستان د بشري حقونو او د قانون د حاکمیت نړیواله بیورو هم شامله ده. Читать дальше...

د مصر حکومت د الجزیرې خبریال محمود حسین له بنده خوشې کړ. هغه څلور کاله له محاکمې پرته په بند کې تېر کړل. د مصر امنیتي چارواکو او یوې څارونکې ډلې نن جمعه (د سلواغې ۱۷مه) ازادي راډیو ته وویل چې حسین پرون ماښام له بنده خوشې شو.  د مصر د ژورنالېستانو یوې مدافع ډلې هم پر خپله فیسبوکپاڼه ویلي دي چې د الجزیرې دا خبريال د قاهرې د جنایي محکمې د حکم پر اساس خوشې شو.  خو د بشري حقونو لپاره د عربي شبکې په نوم ډلې ویلي چې د محکمې له حکم سره-سره محمود حسین تر اوسه هم خپل کور ته نه دی رسېدلی.  محمود حسین... Читать дальше...

د میدان وردک ولایت د بهسودو لومړۍ حصې ولسوالۍ کې د جمعې ورځې پېښې په تړاو سیمې ته لېږل شوي پلاوي خپل څېړنې بشپړې کړي دي. د میدان وردک والي عبدالرحمان طارق ازادي راډیو ته وویل، سیمه‌ییزه اداره د دې پلاوي د څېړنو د پایلو په اړه جزئیات نه لري او پلاوی به خپل ټول راپور د حکومت له رهبرۍ سره شریک کړي. ښاغلي طارق زیاته کړه: "موږ د کار په جریان کې نه وو. دا یو ځانګړی پلاوی و، څو له خلکو سره وګوري. یوازې دومره پوهېږم چې خلکو سره یې لیدلي او جزئیات یې د دولت له رهبرۍ سره شریک کړي دي."  له تېرې جمعې... Читать дальше...

په خوست کې د یوه خیریه بنسټ له لوري د تلاسیمیا د ناروغانو د درملنې بسترخونه چې په یوه مهال په کې ۱۸ او ۲۵ ترمنځ ماشومانو ته تصفیه شوې وینه لېږدول کېږي. دې ولایت کې د تلاسیمیا ناروغ لرونکي وایي، اوس مهال یې د یوه خیریه بنسټ په چوکاټ کې د ناروغانو درملنه کېږي او لا هم په دولتي کچه دوی ته اسانتیاوې نه دي برابرې شوي. د څلورو اولادونو پلارمحمد نبي وایي، درې ماشومان یې د تلاسیمیا په ناروغۍ اخته دي او په هر یوه یا دوو اوونیو کې یو ځل دغه مرکز ته د ماشومانو د درملنې په پار راځي. دی وایي، پخوا به... Читать дальше...

د درمل جوړولو امریکایۍ کمپنۍ جانسن اېنډ جانسن د حکومت له مسوولو چارواکو غوښتي چې په بېړنیو حالاتو کې د دې کمپنۍ له خوا د کرونا ویروس پر ضد د جوړ شوي واکسین تطبیق ته اجازه ورکړي.  که دا غوښتنه ومنل شي، نو دا به په امریکا کې به درېیم واکسین وي چې خلکو ته ورکول کېږي او په دې توګه به په دې هېواد کې د کرونا پرضد د واکسین کمپاین هم زور واخلي.  د جانسن اېنډ جانسن واکسین له لوژستیکي اړخه ځیني امتیازونه هم لري او هغه دا چې د فایزر او بیو این تیک د واکسینونو په څېر دوه ډوزه نه غواړي او دې ته هم اړتیا نه لري چې په کنګل وهلي حالت کې واستول شي. Читать дальше...

د ننګرهار ولایت چارواکي په شېرزاد ولسوالۍ کې د هوايي ځواک په برید کې د ۱۸ طالبانو د وژل کېدو خبر ورکوي.  د ننګرهار ولایت مطبوعاتي دفتر په یوه بیان کې چې نن جمعه (د سلواغې ۱۷مه) سهار خپور شو ویلي چې په وژل شوېو کې طالبانو د سرې قطعې ۱۴ وسله وال او همدا راز د خالد په نوم یو سرګروپ له خپلو درېیو ملګرو سره شامل دي.  بیان زیاتوي چې په دې بمبارۍ کې د طالبانو د سرې قطعې لس تنه وسله وال هم سخت ټپیان شوي دي.  طالبانو د دولتي چارواکو د دې ادعا په اړه تراوسه څه نه دي ویلي.

د افغانستان حکومت یو ځل بیا جګړې ته له بنده د خوشې شوېو طالب بندیانو د تلو خبره کړې، خو دا ځل یې شمېر د بل هر وخت پرتله زیات یاد کړی دی. د بهرنیو چارو وزیر محمد حنیف اتمر وایي، ۹۰ سلنه هغه طالب بندیان چې د افغانستان حکومت له بنده خوشې کړل، بېرته د جګړې ډګر ته ستانه شوي دي. ښاغلي اتمر د افغانستان لپاره د ایران له ځانګړي استازي محمد ابراهیم طاهریان سره ليدنه کې طالبان تورن کړي چې د سولې اړوند یې په درې برخو کې خپلې ژمنې نه دي عملي کړي. د جګړې ډګر ته د ۹۰ سلنه خوشې شوېو بندیانو ستنول. د تاوتریخوالي زیاتول. Читать дальше...

د امريکا متحده ايالاتونو د ملګرو ملتونو له نشه يي موادو سره د مبارزې ادارې سره له درې میليونو ډالرو ډېره مرسته وکړه.  په کابل کې د امريکا سفارت په اعلاميه کې راغلي چې د امریکا متحده ايالاتونو د ملګرو ملتونو له نشه يي موادو سره د مبارزې ادارې يا 'UNODC'سره ۳ اعشاریه څلور میليونه ډالره مرسته وکړه، د دې مرستو هدف دا دی چې له افغان دولت سره په همکارۍ له نشه يي موادو سره مبارزې په برخه کې ولګول شي. دا پيسې به د هرات په هوايي ډګر، حيراتان، تورخم، شيرخان، اسلام کلا، اقينه او زرنج پولو باندې ولګول شي،... Читать дальше...

دوه تنه هند ته د هيروئینو د قاچاق پر مهال ونيول شول. له نشه يي موادو سره د مبارزې معينیت د رسنيو دفتر ازادي راډيو ته وويل، دوه قاچاق کوونکي چې تر يو نیم کيلوګرام ډېر هيروئين يې د کېپسولونو په بڼه په خپلو خېټو کې پټ کړي وو او غوښتل يې چې په کابل کې د حامد کرزي نړيوال هوايي ډګر څخه يې هند ته قاچاق کړي، په هوايي ډګر کې د تلاشۍ پر مهال ونيول شول.

په ننګرهار او پنجشير ولايتونو کې پولیسو تر سلو کيلوګرامو ډېر چرس او تاریاک ونيول. د کورنيو چارو وزارت د رسنيو دفتر وايي، لومړي عملیات چې د سلواغې د میاشتې په ۱۳مه نېټه له نشه يي موادو سره د مبارزې ځانګړو پولیسو په ننګرهار ولايت کې وکړل، په نتيجه کې يې ۶۰ کيلوګرامه چرس ونيول شول. په دوهم اقدام کې د پنجشېر ولایت له نشه يي موادو سره د مبارزې ځانګړو پوليسو د موټرو د تلاشۍ پر مهال په يوه موټر کې ۴۹ کيلوګرامه چرس او ۹ کيلوګرامه تارياک ونيول.   د دې دوو پېښو په تړاو درې تنه نيول شوي هم دي.

په نيمروز ولايت کې تر دوه سوه کیلوګرامو ډېرو نشه يي موادو د قاچاقو مخه ونيول شوه. د نيمروز ولایت له نشه يي موادو سره د مبارزې ځانګړو پولیسو مدير پروېز سيستاني ازادي راډيو ته وويل، د دوی پولیسو ۸۳ کيلوګرامه ښیښه، ۱۱۰ کيلوګرامه تاریاک، ۲۱ کیلوګرامه کرسټال، ۱۳ کیلوګرامه هيروئين، ۲۵ کيلوګرامه کېمياوي مواد او ۱۹ کیلوګرامه چرس ونيول. دا مواد له کنګ ولسوالۍ څخه په يوه موټر کې بار شوي وو او په پام کې وه چې د نیمروز ولایت مرکز زرنج ته قاچاق کړل شي. د دې نشه يي موادو د قاچاقو په تور موټر چلوونکی هم نيول شوی دی.

د افغانستان دولت تر دوه کلن ځنډ وروسته افغانستان کې د کوکنارو د کښت په اړه د سروې راپور خپور کړ، خو دا سروې نه يوازې دا چې يوازې کوکنارو ته ځانګړې شوې او نورو نشه يي بوټو ته پام نه دی شوی، بلکې په ۱۳۹۹ لمریز کال کې د تولید شوېو تارياکو اندازه هم نه ده په کې روښانه شوې. په دې راپور کې راغلي چې په روان لمریز کال کې د افغانستان په ۲۲ ولايتونو کې کوکنار کرل شوي او په ۱۲ ولايتونو کې هېڅ کوکنار نه دي کرل شوي، حال دا چې له دې ۱۲ولايتونو څخه په ډېری ولايتونو کې بنګ کرل شوي، خو په دې راپور کې اشاره نه ده ورته شوې. Читать дальше...

د فراه ولایت اوسېدونکي په دې ولايت کې د نشه يي موادو د ازاد پېر او پلور له امله سرټکوي. د فراه ولايت ځيني اوسېدونکي او روږدي وايي د پرچون په بڼه د نشه يي موادو خرڅول او نشه يي موادو اسانه پيدا کېدل د دې لامل شوي چې د روغو ځوانانو تر څنګ هغه ځوانان هم بېرته معتاد شي چې يو ځل يې درملنه شوې ده. د فراه ولایت د بالابلوک ولسوالۍ اوسېدونکی ۲۸ کلن عزيز احمد له درېيو کالو راهيسې نشه کوي. دی وايي، څو ځله يې نيت کړی چې نشه پرېږدي، خو دا چې په فراه ولایت کې نشه يي توکي اسانه پيدا کېږي، نو له دې هوډه بېرته پر شا شوی دی. Читать дальше...

د افغانستان په پلازمېنه کابل کې تر درې زره لېټره ډېر شراب ونيول شول. له نشه يي موادو سره د مبارزې ځانګړو پولیسو د سلواغې د مياشتې په ۱۴مه نېټه د کابل ښار په څلورمه ناحيه کې عملیات وکړل چې په نتيجه کې يې ۳۸۰۰ لېټره (بير) نومې شراب ونيول شول. په پام کې وه چې دا شراب پر دوکاندارانو وپلورل شي. د کابل امنیه قوماندانۍ وياند فردوس فرامرز وايي چې د دې قضيې په په تړاو يو تن هم نيول شوی دی.

د امریکا د متحد ایالاتونو د بهرنیو چارو وزیر انتوني بلېنکن په افغانستان کې، د ده په وینا یوه سیاسي جوړجاړي او دایمي اوربند ته د رسېدو لپاره له زلمي خلیلزاد سره خبرې وکړې. ښاغلي بلېنکن پر خپل ټویټر د دې لیدنې کتنې په اړه چې پرون پنجشنبه (د سلواغې ۱۶مه) په واشنګټن کې وشوه، لیکلي دي چې د ترهګرو له بریدونو د متحد ایالاتونو د خوندیتوب، په افغانستان کې یو عادلانه، دوامداره سیاسي جوړجاړي ته د رسېدو او هلته د دایمي او پراخ اوربند په اړه له خلیلزاد سره وغږېده. انتوني بلېنکن تېره اوونۍ په رسمي ډول د... Читать дальше...

په غور کې د کووېد- ۱۹ د ناروغانو په روغتون کې اور لګېدلی دی.  د دې روغتون رئیس غلام نبي یګانه وايي چې دا اور د ګاز د یوه بالون د چاودنې له کبله لګېدلی دی. ښاغلی یګانه وايي چې روغتون لا هم د سوځېدو په حال کې دی، خو د نوموړي په وینا پېښه که څه هم انساني تلفات نه لري، مګر خورا زیات مالي زیان یې اړولی دی.  د غور چارواکو ویلي چې اطفاییه سیمې ته رسېدلې او د اور د کابو کولو لپاره هڅې روانې دي.

د امریکا د متحدو ایالتونو ولسمشر جو بایډن د خپلې بهرنۍ پالیسۍ لیدلوری مشخص کړ.  ښاغلي بایډن پرون پنجشنبه(د سلواغې ۱۶مه) په بهرنیو چارو وزارت کې د وینا پر مهال په چین، روسیه او نورو ځایونو کې د استبداد پر وړاندې د مبارزې ژمنه وکړه.   جوبایډن د بهرنۍ پالیسۍ بېرته اعادې اعلان وکړ او دا یې هم واضحه کړه چې د پخواني ولسمشر ډونالډ ټرمپ تر څلور کلنې واکمنۍ وروسته به د ده اداره په نړۍ کې د رهبرۍ په تړاو کوم اقدامات وکړي.   ښاغلي بایډن وویل چې امریکا به په جرمني کې بېرته خپل ځواکونه ځای پر ځاي کړی، په... Читать дальше...

د قرغزستان پخوانی صدراعظم کوبانیچبېګ جمالییف چې له ۲۰۱۵میلادي کال راهیسې د پارلمان غړی دی، د اداري فساد په شک ونیول شو.   د ملي امنیت لپاره دولتي کمېسیون پرون پنجشنبه(د سلواغې ۱۶مه) وویل چې جمالییف به د څېړنو د دوام پر مهال د دوو میاشتو لپاره تر محاکمې مخکې په توقیف کې وي.  د دغو څېړنو څرنګوالی معلوم نه دی، خو ویل شوي چې په درغلۍ، له قدرته په ناوړه استفاده او د جایدادونو په قوالو کې د ده د رول په اړه دي.  جمالییف په قرغزستان کې پر ګڼو دولتي څوکیو کار کړی چې د ټرانسپورټ او ارتباطاتو وزارت او په ۱۹۹۸میلادي کال کې د صدارت څوکۍ هم په کې راځي.

د افغانستان د کورنیو چارو وزارت ژمنه وکړه چې په زندانونو کې به له بندیانو سره د شکنجې د پېښو د مخنیوي لپاره هڅې زیاتې کړي. د کورنیو چارو وزارت دا خبره په یوه اعلامیه کې وکړه چې پرون پنجشنبه (د سلواغې ۱۶مه) یې وروسته تر دې خپره کړه چې  افغانستان کې د ملګرو ملتونو سیاسي دفتر 'یوناما' د حکومت زندانونو او توقیف ځایونو کې له بندیانو سره د نا,ړه چلند خبر ورکړ. د کورنیو چارو وزارت وایي، له نژدې یو کال راهیسې د زندانونو او توقیف ځایونو اداره خپلواکه شوې ده، خو دغه وزارت به بیا هم دا موضوع تعقیب کړي.... Читать дальше...

نیویارک ټایمز نیویارک ټایمز ورځپاڼې په خپله نوې ګڼه کې له افغانستانه د پوځي ځواکونو د اېستلو په اړه د افغانستان د څېړنې د ګروپ په نوم د کانګرس له خوا د مؤظفې ډلې د راپور سپارښتنو ته کتنه کړې.  د دواړو ګوندونو د استازو په ګډون د کانګرس له خوا دې مؤظفې شوې ډلې د ولسمشر جوبایډن ادارې ته سپارښتنه کړې چې له افغانستانه د وتلو بهیر پڅ کړي، د سرتېرو د اېستلو په مسئله کې له طالبانو سره د سولې د موافقې پر اساس د مې د لومړۍ نېټې له مهلت څخه په شا شي او د دې پرځای د امنیت د ښه کېدو تر وخته د امریکايي پوځیانو شمېر نور هم را کم کړي. Читать дальше...