افغان حکومت: طالبانو په تېره یوه اوونۍ ۴۲ ولسي وګړي وژلي
د افغانستان د ملي امنیت شورا چې د روژې میاشتې له پیله د طالبانو لهخوا د ملکي وګړو د وژنې په نوم اونیز راپورونه خپروي، نن یکشنبې په یوه بیان کې وايي، طالبانو په تېره یوه اوونۍ کې د هېواد په ۱۸ ولایتونو کې ۴۲ ولسي وګړي وژلي او له ۱۰۵ زیات نور یې ټپیان کړي دي.
په بیان کې راغلي چې ولسي وګړو ته ډېری دا مرګژوبله د سړک د غړې ماینونو په چاودنو، مخامخ جګړو او د طالبانو په هدفي حملو کې اوښتې ده.
طالبانو د افغانستان د ملي امنیت شورا د نننۍ ادعا په اړه څه نهدي ویلي خو مخکې یې دا ادعاوې رد کړې دي.