ایرانۍ محکمې یوه ایرانۍ الاصله فرانسوۍ په ۸ کاله بند محکوم کړه
یوې ایرانۍ محکمې یوه ایراني الاصله فرانسوۍ د ملي امنیت قضیو په تړاو په شپږ کاله بند محکوم کړه.
د فریبا عادلخوا مدافع وکیل نن د رویترز خبري آژانس ته وویل د دې حکم په اړه به داستېناف غوښتنه وکړي او زیاتوي که ومنل شو نو د حبس حکم به پنځو کلونو ته راکم شي.
دغه مدافع وکیل زیاتوي، ایران په جنورۍ میاشت کې پر عادلخواه د جاسوسۍ تورونه لیرې کړل خو وایې موکله یې د نورو امنیتي قضیو په تړاو په زندان کې ده.
فریبا عادلخواه د پاریس په یوه پوهنتون کې د علمي تحقیقاتو مسئوله ده او د ایران او شیعه مذهب په برخه کې تخصص لري.
نوموړې د ۲۰۱۹ په جنورۍ کې په ایران کې د رژیم پر ضد او د دې هېواد د ملي امنیت پر وړاندې د پټو فعالیتونو په تور له یوه همکار رولند مارشال سره یو ځای ونیول شوه.