پوتین او نتانیاهو د منځني ختیځ د سولې د پلان په اړه خبرې کوي
نتانیاهو نن د جنورۍ په ۳۰مه له واشنګټنه مسکو ته ورسېد.
د جمهور رئیس ډونالد ټرمپ د منځني ختيځ د سولې پلان د اسرائيلو صدراعظم، بنیامین نتانیاهو ستایلی او هرکلی یې کړی دی، خو ملګرو ملتونو، اروپايي اتحادیې او یو شمېر نورو اړخونو یې په اړه سوړ غبرګون څرګند کړی دی، خو فلسطینیانو د دې پلان په اړه سخته غُصه څرګنده کړې ده.
نتانیاهو په کرملېن کې له پوتین سره په کتنه کې وویل چې دا سفر یې د دواړو هېوادونو ترمنځ په اړیکو کې د لا پياوړتیا نښه ده.