Новости за 09.01.2020

د افغانستان په ختیځ ولایت ننګرهار کې حکومتي چارواکو د تسلیم شویو داعش جنګیالیو لسګونه ښځې او ماشومان د پاکستان قبایلې مشرانو ته وسپارل.

د خوست تڼي ولسوالۍ درملکي کلي کې د نجونو ښوونځي لپاره وکيل شاه خان خپله د لکونو افغانيوو دوه جريبه ځمکه وړيا ورکړې ده. په دې ښوونځي کې به ۲۰۰۰ جينکۍ سبق وايي. هغه وايي غواړي د دې ښوونځي فارغانې ډاکټرانې شي چې خلک د پاکستان او نورو هېوادونو له احتياجه خلاص شي. وکيل شاه خان خپله په درې نيم زره افغانۍ مووټرواني کوي خو غریبۍ يې احساس نه دی وژلی. هغه پخپله د ښوونځي جوړولو لپاره د ورځې کار او د ساتنې لپاره يې د شپې پېره کوي. نور حال یې په دې ويډيو کې.... راپور او ايډيټ: بشير ګواښ

د افغانستان په ننګرهار ولايت کې په سلګونو تسليم شوو داعش وسله والو کې ځيني يې د قبايلي ضلعو دي. د ننګرهار چارواکو د پښتني دود ترمخه له خېبر پښتونخوا ورغلې قبايلي جرګې ته د دغو وسله والو ځينې مېرمنې او ماشومان نن وسپارل. حضرت عمر له دې ماشومانو يو دی. په دې ويډيو کې هغه خپله کيسه کوي. ويډيو: باز محمد عابد ايډيټ: بشير ګواښ

په کوټه کې له یخني سره سم د وچې مېوې په بیو کې هم زیاتوالی راغلی او زیاتره ښاریان د ګرانۍ له کبله د وچو مېوو د اخېستو سرټکوي. په دې اړه د ایوب ترین وېډیويي راپور وګورئ.

د استازو جرګې مشرې نینسي پلوسي ویلي د جنګي واک د کمولو پر پرېکړه لیک به نن رایې اچول کېږي.

که څه هم د افغانستان د کډوالو او بېرته راستنېدونکو چارو وزارت کورنیو بې ځایه شویو او بېرته راستانه شویو کډوالو ته د ځمکو د وېش خبره کوي، خو لا هم د کابل په بېلابېلو سیمو کې په خیمو کې اوسېدونکې کورنۍ د ژمي له یخې هوا او بې روزګارۍ کړیږي. لېمه هادي دغو کمپونو ته ورغلې او دا راپور يې پرې چمتو کړی دی.

په افغانستان کې یو شمېر پخواني طالب چارواکي د ایران او امریکا وروستي کړکیچ ته په اشارې سره وايي چې که دا شخړه اوږدیږي نو د افغانستان پر سولې به هم تاثیرات ولري.

په کوټه کې یوشمېر ډولچیان له ډېرو ستونزو سره مخامخ دي، دوی وايي، نن سبا یې روزګار په ټپه ولاړ دی او د دوو اورونو ډوډۍ موندلو ته کړېږي. د دوی یوشمېر یې خپل کورونه هم نه لري، په روان یخ موسم کې هم د زړو ټاټونو جوړ کړل سوو کوډیوو کې شپې سبا کوي. نور حال د صمد شبنم په وېډیویي رپورټ کې وګورئ.

د استرالیا صدراعظم سکاټ موریسن نن د استرالیا په پلازمېنه کانبرا کې وویل چې په دغه هېواد کې د اورلګېدو له کبله د وژل شویو شمېر ۲۷ کسانو ته رسېدلی دی. د هغه په خبره، اور څه باندي دوه زره کورونه هم سوځولي دي. د ۲۰۱۹ کال له سپتمبر راهیسې د اسټرالیا نیو ساوت ویلز ایالت موسمي اور سخت زیانمن کړی دی. د سیدني پوهنتون په دغه اور کې د مړو شویو کوچنیو او غټو ژویو، خزندو او مرغانو شمېر شااوخوا یو میلیارد ښودلی دی. د استرالیا پوځ له اوروژونکو ډلو سره یوځای کار پيل کړی چې زیانمنې شوې سیمې تصفیه کړي. ... Читать дальше...

په لاهور کې د پښتو فلمونو سټوډيو ودانۍ کنډوکپرې پرتې دي چې له کبله یې د پښتو فلمونو اداکاران، پروډیوسران او نور هنرمندان بې کاره شوي دي. هنرمندان وايي چې د فلم کتونکو د کمي له کبله څوک په فلم جوړولو کې سرمایه نه لګوي. په دې اړه عظمت علي شاه ویډیويي راپور وګورئ.

په اسلام اباد کې خبریالانو د جنورۍ پر اتمه د مظاهرې پر وخت د رسنیو له مالکانو غوښتي چې خپلو کارکونکو ته دې پر وخت تنخواګانې ورکړي. د خبريالانو په وينا د زياتره ټي وي چېنلونو او اخبارمالکانو د خپلو کارکونکيو تنخاګانې کمې کړې دي خو بیا یې هم پر وخت نه ورکوي. راپور: احمد الله ویډیو: عمران یونس

د هغې اوکراینۍ الوتکې د قربانیانو په درناوي نن په دغه هېواد کې د ملي ماتم ورځ ولمانځل شوه چې تېره ورځ د ایران په پلازمېنه تهران کې راولوېده او ټولې ۱۷۶ سپرلۍ یې ووژل شوې. د اوکراین هوايي شرکت ۷۳۷ ډوله بوینګ الوتکه کې د ۱۱ اوکراینیانو ترڅنګ د ایران، افغانستان، کاناډا، بریتانیا، سوېډن او جرمني اتباع سپاره وو. الوتکه د تهران د امام خمیني له هوايي ډګر څخه اوکراین ته روانه وه چې له پورته کېدو لږ وروسته نسکوره شوه. د اوکراین ولسمشر ولادیمیر زېلینسکي خپل ملت ته په وینا کې وویل چې دولت يې د هغو کسانو... Читать дальше...

د افغانستان دفاع وزارت وايي، د هرات په شینډنډ ولسوالۍ کې د ملکي تلفاتو راپورونه ارزوي. د دې وزارت په خپره شوې خبرپاڼه کې راغلي، دولتي ځواکونو هغه هدف تر لاسه کړی چې له دغو ځانګړو عملیاتو څخه یې درلود. د هرات ځايي چارواکي مني چې له طالبانو د یوې جلا شوې ډلې مشر وژل شوی او مړی یې هرات ته وړل شوی دی. بله خوا د هرات د حوزوي روغتون یوه ډاکټر محمد نواب هاشمي پرون ازادي راډيو ته وویل چې د شینډنډ په پېښه کې ټپي شوي لس کسان دې روغتون ته انتقال شوي چې د ځینو روغتیايي وضعیت ښه نه دی. "د شینډنډ له پېښې لس کسان د هرات حوزوي روغتون ته انتقال شوي دي. Читать дальше...

د ننګرهار چارواکي وايي کوم ماشومان چې دوی ساتي، وارثینو ته يې په کار ده چې راشي، ولایت ته درخواست وکړي، ریاست ترې يو ځايي ضمانت اخلي، او بیا يې ورته سپاري.

د افغانستان حکومت د هغو پاکستاني داعش جنګیالیو مېرمنې او اولادونه د خیبرپښتونخوا ایالت قومي ته سپاري چې په ننګرهار کې دولتي ځواکونو ته تسلیم شوي دي. څو میاشتې وړاندې ولسمشر محمد اشرف غني ننګرهار ته په سفر کې په دغه ولایت کې د داعش ډلې د ماتې اعلانولو پرمهال ژمنه کړې وه چې د داعش د پاکستاني اورپکو کورنۍ به د پاکستان حکومت ته نه بلکې قومي مشرانو ته وسپارل شي. پرون د خیبرپښتونخوا او ننګرهار قومي مشران په ننګرهار کې راټول شول چې پر همدې مسالې خبرې وکړي او ورسره نن ددغو ښځو او ماشومانو د سپارلو بهیر پيل شو. Читать дальше...

د اوکرایني هوايي شرکت بویېنګ ۷۳۷-۸۰۰ الوتکه چې کییف ته تلله، د تهران له امام خمیني هوايي ډګره تر الوت لږ ساعت وروسته پرېوته چې پکې سپاره ټول ۱۷۶ کسان ووژل شول.

په کابل کې د جنايي جرمونو زیاتېدو په اړه په ټولنیزو رسنیو کې د خلکو له شکایتونو او اعتراضونو وروسته، د افغانستان د کورنیو چارو وزارت د غلو، قاتلینو او جنايي مجرمینو پرضد کمپاین پیل کړی او تر دې دمه یې ۱۸ مشکوک کسان نیولي.

د افغانستان د انتخاباتي شکایتونو خپلواک کمېسیون وايي، له ۲۰ څخه زیاتو ولایتونو کې د شااوخوا ۱۶۵۰ محلونو رأیې بیا شمېرل کیږي.

په افغانستان کې د فرانسې د لرغون پېژندونکو د ټیم مشر فیلیپ مارکوس فرانسپرس خبري آژانس ته ویلی، د بامیان لرغوني اثار د اقلیم د بدلون له ګواښ سره مخامخ دي د ښاغلي مارکوس په مشرۍ ټیم چې له څو لسیزو راهیسې یې په سیمه کې څیړنې او کار کړی ویلي چې په بامیانو کې د څو کلونو پرلپسې وچکالۍ، سختو بارانونو او په پسرلي کې د زښتو زیاتو واورو د ویلې کېدو وروسته د اقلیم بدلون، د بامیانو لرغوني اثارله ګواښ سره مخامخ کړي دي. نوموړي زیاته کړې چې لرغوني اثار د بارانونو او بادونو له امله په چټکۍ سولیږي او د ویجاړېدو خطر یې ډېر دی. Читать дальше...

د افغانستان د انتخاباتي شکایتونو کمیسیون منشي او ویاند قاسم الیاسي وایي چې له شلو ډېرو ولایتونو کې د څه باندې ۱۶۵۰ محلونو رأیې له سره شمېرل کیږي او ښایي د محلونو شمېر له دې هم زیات شي. وړاندې ددغه کمېسیون یوه ویاند محمد رضا فیاض نن ازادي راډیو ته وویل چې دا هغه محلونه دي چې پکې بیومټریک دستګاوې ورکې شوي، یا ډېر شکایتونه شوي او یا هم په شمېرل شویو رأیو کې توپیر ډېر دی. د ښاغلي فیاض په وینا تر راتلونکې دوشنبې پورې به چې د شکایتونو د څیړنې پروسه په سلو کې نژدې ۹۵ بشپړیږي، نورمحلونه هم ښایي د بیا شمېرلو لپاره په نښه شي. Читать дальше...

راشد خان د استرالیا په بیګ باش ټورنمنت کې د پرله پسې پنځم ځل لپاره هیټ ټریک وکړ. راشد خان داځل چې په سټرایکرزټیم کې لوبیږي، نه یوازې په بالینګ کې بلکه په بیټنګ کې هم ډېر ښه ځلیدلی او توجه یې ځان ته اړولې ده. نوموړي تېره شپه د سیډني سیکسرز په وړاندې مسابقه کې د دې ټیم تکړه لوبغاړي جک اډوارډز، جیمز وینس او بل جک اډوارډز وسوځول. په تېرو وختونو کې به دی په بالینګ کې د نړۍ ښه لوبغاړی ګڼل کېده، خو داځل یې په بیټنګ کې هم د نړۍ پام ځانته اړولی دی.

ورځپاڼې لیکلي، افغانستان د دې کړکېچ پر مهال اندېښمن شوی، ځکه د امریکا او ایران ترمنځ د وضعیت ترینګلتیا ښايي د افغانستان د سولې پروسه زیانمنه کړي چې اوس‌مهال ډېر مهم پړاو ته رسېدلې ده.

کاناډا وایي، نیت لري چې د اوکراین د هوایي شرکت د الوتکې د راغورځېدو د پېښې په څېړلو کې اساسي رول ولوبوي. د اوکراین د هوایي شرکت ۷۳۷ بوینګ الوتکه پرون په تهران کې د امام خمیني له هوایي ډګره اوکراین ته په لاره وه چې له الوتو لږ وروسته په تهران کې راوغورځېده او ټولې ۱۷۶ سپرلۍ یې ووژل شوې. په وژل شویو کې ۶۳ یې د کاناډا اتباع دي. تراوسه د دغې الوتکې د راغورځیدو علت نه دې څرګند. په تهران کې د اوکراین سفارت لومړی ویلي چې د الوتکې ماشین کار پریښی و خو دغه بیان یې له خپلې ویب پاڼې بېرته لیرې کړی دی. Читать дальше...

نړیوال بانک تېرکال د متحده ایالتونو او چین ترمنځ سوداګریزې جګړې ته په پام چې د نړۍ پراقتصادي ودې یې اغیزکړی، سږ۲۰۲۰ کال د ورو اقتصادي ودې وړاندوینه کوي. د نړۍ د اقتصادي لرلید په رپوټ کې چې د نړۍ ۱۸۹ پوروړونکو هېوادونو ته دې نړیوالې مالي موسسې پرون خپورکړی ویل شوي چې سږکال به د نړۍ اقتصادي وده ۲،۵ وي چې هغه یوڅه د تېرکال په نسبت چې په سلو کې ۲،۴ وه، ښه والی ښیي. د تېرکال په جون کې د ۲۰۱۹ کال اقتصادي وده، په سلو کې ۲،۶ او د ۲۰۲۰ کال هم ۲،۷ سلنه اټکل شوې وه. په واشنګټن کې میشت نړیوال بانک ویلي... Читать дальше...

د امریکا د کانګرس استازیو جرګه به نن (جنورۍ ۹مه) پرهغه پرېکړه لیک رأی واخلي چې د ایران پرضد د پوځي اقدام په اړه د ولسمشر ډونالد ټرمپ واک محدودوي. دا جرګه چې ډیموکراتان پکې اکثریت دي، دغه اقدام وروسته له هغې کوي چې ډېرو غړو یې ویلي، د سپینې ماڼۍ وضاحت چې ولې یې ایرانی جګپوړی جنرال قاسم سلیماني وواژه، نه دي قانع کړي. د استازیو جرګې رئیسې نانسي پلوسي وویل، د جګړې د واک په اړه پردغه پرېکړه لیک به نن رأیې واخیستل شي. هغې وویل چې د کانګرس غړي له ایران سره په دښمنۍ کې د ښکېلتیا په اړه د ټرمپ د ادارې... Читать дальше...