Новости за 03.10.2019

د افغانستان حکومت د طالبانو له پلاوی سره د پاکستان د بهرنیو چارو وزیر پر کتنې انتقاد وکړ او ویې ویل، دا ډول کتنې د افغانستان د سولې له پروسې سره مرسته نه شي کولی.

د پاکستان بشري حقونو خپلواک کمېشن د اکتوبر په دوهمه د بلوچستان په اړه په يو رپورټ کې ويلي چې په بلوچستان کې د امنيتي ادارو په لاس د خلکو غېبول بايد ودرېږي.

د ملا برادر په مشرۍ د طالبانو یو پلاوی له قطر نه پاکستان ته تللی؛ له بهرنیو چارو وزیر او د ای اس ای له رییس سره یې کتلي. سعودي وايي چې بېرته یې د تیلو تولید سم کړی دی. په هند کې هره ورځ لسګونه کسان د یوه طلايي بُت د نندارې لپاره ورځي. ازادي سټوډیو د شپې په ۸ بجو له پيشګام ټلویزیون وګورئ

د افغانستان حکومت د طالبانو له پلاوی سره د پاکستان د بهرنیو چارو وزیر پر کتنې انتقاد وکړ او ویې ویل، دا ډول کتنې د افغانستان د سولې له پروسې سره مرسته نه شي کولی. د ولسمشر غني ویندوی صدیق صدیقي نن پنجشنبه په یوه خبري غونډه کې وویل، د افغانستان حکومت لا هم طالبان د سولې پروسې ته ګواښ ګڼي. دی وایي: د سولې پروسه یوازې هغه وخت نتیجه لرلی شي چې مالکیت او مشري یې د افغانانو په لاس کې وي. له بده مرغه طالبان لا هم تشدد ته دوام ورکوي، په انتخاباتو کې یې پر بېلابېلو برخو حملې وکړې، زموږ انتخابات یې وګواښل او لا هم د تاوتریخوالي خبرې کوي. Читать дальше...

یو جګپوړی ایرانی چارواکی وايي، تهران د ډګر جنرال قاسم سلیماني د وژلو لپاره د اسرائیلي او عربي استخباراتي ادارو دسیسه ناکامه کړې ده. سلیماني د ایران د سپاه پاسداران د قدس ځواک قوماندان دی. د ایران دولتي رسنیو د سپاه پاسداران د امنیتي رئيس حسین طیب له قوله وویل، دسیسه کوونکو د سلیماني د پلار قبر ته نږدې ځمکه اخیستې وه او شااوخوا ۵ سوه کیلو چاودېدونکي مواد یې هلته ایښي وو چې قوماندان سلیماني پرې ووژني. طیب چې نن یې په یوه خبري غونډه کې څرګندونې کولې، وویل چې یو شمېر د دې دسیسې په تړاو تېره میاشت نیول شوي دي. Читать дальше...

د خیبر پښتونخوا په پلازمېنه پېښور کې د پولیسو له لوري پر ډاکټرانو د شوي تشدد خلاف په کوټه کې د زیارت/ پنجشنبه ځوان ډاکټرانو احتجاجي لاریون وکړ. دوی له حکومته په پېښه کې د ککړو پولیس والو پرضد د قانوني ګامونو پورته کولو غوښتنه کوله. له کوټې د مشال راډیو خبریال ایوب ترین ویډیو.

هدايت الله د پاکستان راډيو او ټېلېويژن ترڅنګ د پښتو فلمونو لپاره هم سندرې ويلې وې.

د افغانستان د څار ازاد بنسټ وايي، داسې اسناد یې ترلاسه کړي چې د هېواد په پنځو ولایتونو کې د بایومټریک لسګونه دستګاوې ورکې شوي دي.

له پېښور سره نږدې د شاه عالم کلي اوسیدونکی فرمان وايي، د سايکلونو د ځغل په نړیواله سیالیو کې برخه اخيستل يې ارمان دی. ۲۲ کلن فرمان د خپل کلي د سرک پر غاړه د لوهاري دوکان چلوي او په خپل خرڅ د سايکلو ځغل سیالیو کې برخه اخیستو سره خپل شوق پوره کوي. په دې اړه دا ويډيويي راپور کې وګوري.

یو شمېر معلول افغانان چې په دې وروستیو کلونو کې یې د جګړې له امله د بدن غړي له لاسه وکړي، د سولې غوښتونکي دي. فېروزې عزیزي په دې اړه راپور برابرکړی. اېډېټ: لېمه هادي

پاکستان او افغان طالبانو په يوه خوله د افغانستان سولې بهیر پر بيا پيلېدو ټينګار کړی دی. د ملا عبدالغني برادر په مشرۍ د طالبانو پلاوي نن په اسلام اباد کې د پاکستان د بهرنيو چارو وزير شاه محمود قرېشي او نورو لوړپوړيو چارواکو سره وليدل. احمد شاه اعظمي يې په اړه ويډيويي راپور لري.

د کابل د نابینایانو په مسلکي لېسه کې ۲۲۰ نابینایان چې ۸۰ یې نجونې دي، پر روزنې بوختې دي، خو دا لېسه لا هم له کمبودیو او ستونزو سره مخ ده. شفیع کریمي په دغه لېسه کې د نابینایانو د روزنې د څرنګوالي په اړه ویډیویي راپور برابر کړی.

د ملګرو ملتونو د بشري مرستو د همغږۍ دفتر یا اوچا تازه راپور ښيي چې د افغان امنیتي ځواکونو او دولت ضد وسله‌والو ترمنځ د نښتو له امله د افغانستان په شمال ختیځ بدخشان، تخار، کندز او بغلان ولایتونو کې ۱۴ زره کسان بې‌ځایه شوي دي. د دغه راپور له مخې، د دغو بې‌ځایه شویو ډېری شمېر د تخار ولایت دي او دوی ته د مرستندویو بنسټونو د مرستو بهیر روان دی. د تخار ولایت یو شمېر بې‌ځایه شوي چې د دغه ولایت له نا امنو سیمو د تالقانو ښار ته کډه شوي، ازادي راډيو ته وویل چې یو شمېر بې‌ځایه شویو ته مرستې رسېدلي، خو ځيني نور ترې بې‌برخې دي. Читать дальше...

د افغانستان د بدني روزنې ریاست په کابل کې د ساحلي والیبال د تمریناتي لوبو د پیل خبر ورکوي. د بدني روزنې ریاست د مطبوعاتو برخې مسؤل عارف پیمان د پنجشنبې په ورځ ازادي راډيو ته وویل، دغه سیالۍ تېره ورځ پیل شوې او تر درې ورځو پورې به دوام وکړي. د ښاغلي پیمان په خبره، د دې سیالیو په پایله کې د والیبال ساحلي ملي ټيم لپاره غوره لوبغاړي انتخابېږي. د بدني روزنې ویاند عارف پیمان وايي، روانې سیالۍ د ۱۶ ټیمونو ترمنځ دي چې دغه سیالۍ به تر راتلونکې یوې اوونۍ پورې دوام وکړي.

د بارسلونا د فوټبال کلب تېره شپه د اروپا د اتلولیو په لیګ کې لومړۍ بریا خپله کړه. بارسلونا د مسابقې په درېيمه دقیقه کې ګول وخوړ، خو وروسته لوییس سواریز سیالې لوبډلې انترمیلان ته دوه ګولونه ورکړل. د بارسلونا کپټان لیونیل میسي چې له خوږېدو وروسته تېره شپه د لوبې میدان ته راوتلی و، خبریالانو ته وویل چې لا هم احساس کوي چې د معمول په شان لوبېدلی نه‌شي. ده وویل: "خپله هڅه کوم، د روان فصل له پیله تر اوسه پورې دا لومړی ځل دی چې په یوه سیالۍ کې مې پوره ۹۰ دقیقې لوبه وکړه، خوښ یم چې لوبه په ښه نتیجه... Читать дальше...

سهار نېږدې اتنیمې بجې وې چې الوتکه د اوروزګان حدوداتو ته ورننوته، له هوا څخه د اروزګان دنګ غرونه، ځینې شاړې دښتې او ځېنو ځایونو کې لږې لږې زرغونې سیمې هم لیدل کېږي.

پاکستان ته د طالب پلاوي له سفر سره سم د دې هېواد د بهرنیو چارو وزارت وايي، دا سفر به د امریکا او طالبانو ترمنځ د خبرو د بیا پیلېدو په برخه کې مرسته وکړي.

د عدم تشدد نړیوالې ورځې په مناسبت د اکتوبر پر دوهمه په باچاخان مرکز پېښور کې ولمانځل شوه. په دې غونډه کې د ګډونوالو وینا وو چې د عدم تشدد د مفکورې مقصد د جبر، ظلم، نفرت او ناپوهۍ له منځه وړل دی. په دې اړه د غلام غوث ویډیويي رپورټ وګورئ.

په عراق کې نن پنجشنبه د فساد او بې روزګارۍ پر ضد په لویو اعتراضونو کې د وژل شویو کسانو شمېر ۱۸ تنو ته ورسېد. عراقیان نن د درېيمې ورځې په مخه له دې سره سره کوڅو او واټونو ته په اعتراض راوځي چې پر ګرځېدو بندیز دی، پولیسو پر اعتراض کوونکو اوښکې بهوونکی ګاز شیندي او حتی ډزې کوي. ناکراري د عراق جنوب ته خپره شوې او دا د عراق د صدراعظم عادل عبدالمهدي حکومت ته تر دې دمه تر ټولو لوی سرخوږی دی. حکومت د نن سهار له ۵ بجو څخه په پلازمېنه بغداد کې پر هر راز خوځښت بندیز اعلان کړی و، خو له دې سره سره اعتراض کوونکي راووتل. Читать дальше...

د کشمير پر سر د پاکستان او هند حالات تر دې حده تريننګلي دي چې څيړونکي وايي يوې داسې جګړې ته لار برابروي چې په ميليونونو خلکو ژوند ته خطر پېښولی شي. هند د اګست په پنځمه تر خپلې ادارې لاندې کشميره خودمختاره حيثیت واخيست او په بشپړه توګه یې د هېواد سره ورګډ کړ.

د بلوچستان په کوټه کې په نشو روږدو کسانو درملنې مرکز تر دا مهاله لږ تر لږ ۷۰۰۰ کسان رغولې دي. دې مرکز ته د بلوچستان ترڅنګ د پاکستان له نورو صوبو او افغانستانه هم روږدي کسان وروړل کېږي. په دې اړه صمد شبنم ویډیويي رپورټ وګورئ.

ویل کېږي اوکراین ته د امريکا پخوانی استازی کورت وولکر به د بهرنيو چارو وزارت لومړی کارکوونکی وي چې د امریکا د کانګرس مخې ته به شاهدي ورکړي. د امریکا د کانګرس درې کمېټې د دې هېواد د ولسمشر د احضارولو لپاره تحقیقات کوي. وولکر به نن په رضاکاره توګه د بندو دروازو تر شا پر دې موضوع رڼا واچوي چې ایا د امريکا ولسمشر ډونالد ټرمپ له خپل قدرته ناوړه ګټه پورته کړې ده که نه. ټرمپ د اوکراین له ولسمشر څخه په یوه ټيلیفوني وینا کې غوښتي وو چې د پخواني مرستيال ولسمشر جوبایډن او د هغه د زوی هنټر په اړه دې تحقیقات وکړي چې په اوکراین کې تجارت لري. Читать дальше...

د ملګرو ملتونو امنیت شورا د افغانستان د ولسمشریزو انتخاباتو د شفافیت د تأمین غوښتنه کړې ده. دغې شورا د افغانستان له انتخاباتي کمېسیونونو څخه غوښتي چې د افغانانو د رأیو د کره شمېرنې او له دې چې د دغو انتخاباتو پایلې به په منصفانه، شفافه او ټوله‌ییزه توګه مشخصې کړي، ډاډ ورکړي. دغې شورا دغه‌ شان له ټولو ښکېلو لوریو غوښتي چې له وخت مخکې پایلې اعلان نه‌کړي او نوماندان دې دغه بهیر او هغو اصولو ته چې دوی پرې لاسلیک کړی، درناوی وکړي. د ملګرو ملتونو امنیت شورا د رأی ورکوونکو، د انتخاباتو کمېسیون کارکوونکو،... Читать дальше...

۲۰۹ شاهین قول اردو وايي، په بلخ ولایت کې په هدفي هوايي حملو کې اته طالبان وژل شوي او پنځه نور ټپيان شوي دي. د دغې قول اردو په یوه اعلامیه کې راغلي چې نن شااوخوا نهه نیمې بجې په اسیاب شراف کلي او د چمتال ولسوالۍ په اړوندو سیمو کې هوايي حمله وشوه. د اعلاميې له مخې، دا لومړني معلومات دي او په دې اړه به نور جزئيات وروسته له رسنیو سره شریک شي.

پاکستاني چارواکو له افغان طالبانو سره په لیدنه کې د افغانستان سوله د پاکستان لپاره مهمه بللې او پاکستان او طالبانو دواړو د سولې د بهیر پر بیا پیلېدو ټینګار کړی دی.