کرملين: د شمالي کوريا رهبر کېم جونګ اون روسيې ته سفر لري
کرملين په هغه لنډکۍ اعلاميه کې چې نن يې په خپل وېبسايټ کې خپره کړې ويلي، کېم ته د ولسمشر ولادیمير پوتين لهخوا بلنه ورکړل شوه او دى به په را روانو ١٢ ورځو کې روسيې ته لاړ شي.
په عين حال کې د روسيې ولسمشر ولادیمير پوتين په پام کې لري چې را روانه اوونۍ چين ته سفر وکړي.
دى به روانه جمعه او شنبه د «يوه کمربند او يوې لارې» په نوم غونډه کې برخه واخلي.
پهدغه غونډه کې د لسګونو هېوادونو حکومتي مشران برخه اخلي چې په نړۍ کې د سړکونو او تجارتي لارو د جوړولو پر لارو چارو بحث وکړي.
ځينو رسنيو داسې ګنګوسي خپاره کړي چې پوتين ښايي له کېم سره په ولادي وستوک کې چې د شمالي کوريا سرحد ته څېرمه پروت بندري ښار دى، وګوري.
کرملين دغه اعلان پهداسې حال کې کوي چې د امريکا د ولسمشر ډونالډ ټرمپ اداره پر يوه موافقه د سلا کېدو هڅه کوي چې په مرسته يې په کوريا ټاپو وزمه کې د اټمي وسلو پر سر ولاړ شوى کړکېچ ختم شي.