Новости за 27.09.2021

Улуттук коопсуздук кызматы өлкөдө фармацевтикалык мафия аныкталганын билдирди. Казакстандын Ооганстандагы элчиси “Талибан” өкмөтүнүн өкүлү менен жолукту. Жогорку Кеңештин бюджет жана каржы комитети ЕАЭБдин премьер-министрлеринин Чолпон-Атадагы жыйынына коротулду делген 18,8 миллион сомду бекитип берүүдөн баш тартты.

Кыргызстандан эки спортчу — Гүлшаной Сатарова жана Илья Тяпкин барган. Алар алтын жана коло медаль менен кайтышты.

Беларус абагында жаткан оппозициячыл активист Мария Колесникова Европа кеңешинин парламенттик ассамблеясынын (PACE) Вацлав Гавел атындагы сыйлыгынын лауреаты болду. Бул сыйлык Колесникованын бир тууганы Татьяна Хомичке ассамблеянын 27-сентябрдагы күзгү сессиясынын ачылышында тапшырылды. "Колесникова тынч жана мыйзамдуу митингдерге каршы зомбулукту жана ырайымсыздыкты тандаган режимге каршылык көрсөтүү менен өзүнөн да чоң максат үчүн коопсуздугун тобокелчиликке салууга даяр экенин көрсөттү. Ал чыныгы кайратмандыкты көрсөттү"... Читать дальше...

Орусияда мигранттардын укугун коргогон Валентина Чупик 25-сентбярда Москванын Шереметьево аэропортунан кармалды. Өзбекстандын жараны Чупик Армениядан учуп келгенден кийин ага чек арадан кирүүгө 2051-жылга чейин тыюу салынганын айтышкан. Москвадагы укук коргоочу Валентина Чупик Өзбекстандын жараны. Ал 1990-жылдары Орусияга барып, качкын макамын алган. Өткөн ишембиде Армениядан учуп келгенден кийин чек арадан токтотуп, качкын макамынан ажыраганы тууралуу билдирме берип, 30 жыл Орусияга кирүүгө тыюу салынганын айтышкан. Читать дальше...

25-сентябрдан бери Москванын Шереметьево аэропортундагы иммиграциялык убактылуу кармоочу жайда отурган укук коргоочу Валентина Чупик эгер өзү төрөлгөн Өзбекстанга депортациялана турган болсо, ал жакта абакка кесилиши мүмкүндүгүн, керек болсо абакта өлтүрүлүшү мүмкүндүгүн айтты. Москвада мигранттардын укугун коргогон "Дүйнө таңы" уюмун жетектеген Чупик мындай пикирин 27-сентябрда "Настоящее Время" телеканалынын кабарчысына билдирди. Анын айтымында, Орусиянын Федералдык коопсуздук кызматынын өкүлдөрү... Читать дальше...

Ооганстандын бийликтен кулатылган президенти Ашраф Гани "Фейсбук" социалдык түйүнүндөгү баракчасын белгисиз бирөөлөр бузуп киргенин билдирди. Анын алдында Ганинин "Фейсбуктагы" барагында Ооганстандагы "Талибан" өкмөтүн таанууга чакырган билдирүү пайда болгон эле. "Доктор Мохаммад Ашраф Ганинин "Фейсбуктагы" расмий барагы кечээтен бери хакердик бузуп кирүү аракетине туш болду. Баракчага көзөмөл кайра орнотулмайынча андагы билдирүүлөрдүн баары эле жарактуу эмес", - деп жазды Гани "Твиттердеги" барагына. Читать дальше...

Токтогул суу сактагычынын артында калган Токтобек-Сай айылында отуздан ашык түтүн жашайт. Он беш жыл мурда электр жарыгы кирген айылда мектеп, оорукана жок. Телефон байланышы айрым жерде гана тартат. Мындагы эл кайык менен Кара-Көл шаарына каттап, тамак-аш ташып, күзүндө балдарын окутуу үчүн шаарга көчүп кетет.

Тажикстандын күч органдары жекшембиде кармап кеткен Лейлек районунун Жаштык айылынын тургунун Кыргызстанга кайтарып берди. Эксперттер соңку күндөрү жайкын тургундардын чек ара тилкелеринде тез-тез кармалып жатканын куралдуу жаңжал боюнча соттук териштирүүгө байланыштырууда. 26-сентябрда Тажикстандын аймагында кармалган Лейлек районунун Жаштык айылынын тургуну Орозбек Мирзаев эки тараптуу сүйлөшүүлөрдөн соң бир күндөн кийин 27-сентябрда түш оогондо "Кулунду" көзөмөл өткөрүү пункту аркылуу кайра Кыргызстанга кайтарылды. Читать дальше...

Атайын кызматтын төрагасы Камчыбек Ташиев Кыргызстан июнь-июль айында “Кумтөрдөн” 90 миллион доллар пайда тапканын билдирди. Буга удаа эле ал кендин айланасындагы маселелер боюнча Женевага кеткени кабарланды. Бул окуялар "Кумтөр Голддун" ишмердигине байланыштуу коомчулукта талкуу токтобой жаткан учурда болду. Жогорку Кеңештин айрым депутаттары кенден өндүрүлгөн алтын, анын киришеси тууралуу маалыматты талап кылып чыгышты. Ишкана болсо муну саятсатчылардын упай топтоо аракети катары баалап жатат. Читать дальше...

Кыйноолордун алдын алуу боюнча улуттук борбор Жалал-Абад облусуна караштуу Сузак районундагы карылар жана майыптар үчүн жатак жайда тазалык нормалары сакталбай, анын тургундары кызматкерлер тарабынан зомбулукка учурап жатканын жарыялады. Аталган борбор бул жайды көзөмөлгө алып, бир катар мыйзам бузууларды аныктаганын кабарлады. "Мекемеде атайын изолятор уюштурулган, директордун айтымында, ага коронавируска шектелгендер, спирт ичимдигин ичкендер жайгаштырылат. Бирок, социалдык мекемеде мындай... Читать дальше...

Алмамбет Шыкмаматов алдыдагы Жогорку Кеңешке шайлоого байланыштуу инвестициялар министри кызматынан кетүү жөнүндө арыз жазарын билдирди. Бул тууралуу бүгүн, 27-сентябрда президент Садыр Жапаров менен жолугушууда белгилүү болду. Жапаров анын отставкасын кабыл алууга даяр экенин билдирип, аткарган иштери үчүн ыраазычылык билдирди. Андан сырткары, "Мамлекеттик жарандык кызматтын 3-класстагы мамлекеттик кеңешчиси" класстык чинин ыйгарды. Жогорку Кеңештин мурдагы депутаты Алмамбет Шыкмаматов инвестициялар... Читать дальше...

Кумтөр алтын кенин иштетип жаткан "Кумтор голд компани" ишканасынын басма сөз кызматы билдирүү таратып, мекеме үзгүлтүксүз иштеп жатканын маалымдады. Ишкана акыркы убактарда айрым басылмаларга "Кумтөр алтын кенинде алтын өндүрүү азайып, тиешелүү материалдар жетишсиз болуп жатат" деген маалыматтар чындыкка дал келбесин белгилөөдө. Компаниянын технологиялар боюнча корпоративдик директору Канат Курманов Кумтөр кени план боюнча туруктуу, коопсуз иштеп жатканын айтат. "Кумтөр алтын кени үзгүлтүксүз иштеп жатат. Читать дальше...

Лейлек районунун Жаштык жана Максат айылына таза суу куурларын орнотуу боюнча курулуш компаниялар менен жергиликтүү өз алдына башкаруу органдары 27-сентябрда келишимге кол койду. Курулуш жумуштары жакынкы күндөрү башталып, бир жылдын ичинде аяктайт. Эки айылда 32 чакырым суу түтүктөрү орнотулуп, 4500 адам суу менен камсыз болот. Бул эки айылга таза суу киргизүү АРИС аркылуу "Айылдарды суу менен камсыз кылуу жана санитарияны жакшыртуу" долбоорунун алкагында ишке ашат. Долбоор жалпысынан Баткен облусунун 44 айылын камтыйт. Читать дальше...

Тажикстандын Транспорт министрлиги чек араны ачуу жана кызматташтыкты жандандыруу боюнча Кыргызстанга расмий кат жолдогон. Бул тууралуу Тажикстандын Транспорт министрлигинин "Наклиот" апталык басылмасынын башкы редактору Хандонгул Доробова “Озоди” менен маегинде билдирген.  “Бишкектин жообун азырынча ала элекпиз. Тажикстан өзү тараптан өлкөлөр ортосундагы транспорттук байланышты жандандырууга даяр”,-деп белгилеген Доробова. 2021-жылдын 28-30-апрелде жана 1-майда болгон кыргыз-тажик чек арасындагы куралдуу жаңжалдан кийин... Читать дальше...

Ооганстандагы бийликти колго алган "Талибан" кыймылы "коопсуздукка байланыштуу жана башка коркунучтарды жок кылуу үчүн" Тажикстан менен чектеш Тахор провинциясына "миңдеген" жоокерлерин жөнөттү. Бул тууралуу талибдердин расмий өкүлдөрүнө шилтеме кылып "Эркин Европа / Азаттык" радиосунун тажик кызматы ("Озоди" радиосу) 26-сентябрда билдирди. Маалыматка ылайык, "Талибандын" басма сөз өкүлү Забиулла Мужахид 25-сентябрда аскердик унаалардын жана аскер кийимчен кишилердин сүрөтүн "Твиттерге" жарыялап... Читать дальше...

Германиядагы шайлоонун алдын ала жыйынтыктары борборчул Социал-демократтар партиясы бийликтеги консервативдүү блокту жеңгенин көргөзгөнү менен өкмөттү ким башкарат деген суроо ачык бойдон калууда. Аналитиктердин эсебинде, кабинетти түзүү боюнча сүйлөшүүлөр дагы көпкө созулуп, Ангела Меркел канцлердин милдетин аткаруучу болуп турат. Кеңири коалицияга үч партия кириши ыктымал. Германиянын Федералдык шайлоо комиссиясынын алгачкы маалыматына ылайык, Бундестаг же парламентин төмөнкү палатасына шайлоодо вице-канцлер... Читать дальше...

Жолугушуу түрк тилдүү мамлекеттердин кызматташтык кеңешинин (ТТМКК) тышкы иштер министрлеринин отурумун утурлай, 26-сентябрда, Түркиянын Стамбул шаарында өттү. Жолугушууга Казакстандын, Кыргызстандын, Өзбекстандын, Түркиянын тышкы иштер министрлери жана ТТМККнын Башкы катчысы катышты. Жолугушууга ошондой эле, Нобел сыйлыгынын лауреаты, илимпоз-биохимик Азиз Санжар катышып, цивилизациялык өнүгүүдөгү түрк дүйнөсүнүн ролуна илимий мамиле, медициналык өнүгүүнүн заманбап тенденцияларын айтып берди. Читать дальше...

Улуттук коопсуздук боюнча мамлекеттик комитетинин (УКМК) Чек ара кызматы Ички иштер министрлиги (ИИМ) менен чогуу мыйзамсыз миграция агымын аныкташты. Бул боюнча эки кыргызстандык шек саналып, кармалды. УКМКнын басма сөз кызматы кабарлагандай, баштапкы маалыматтар боюнча, 39 жаштагы жана 37 жаштагы жарандар Казакстандын жарандарын Кыргызстанга мыйзамсыз өткөрүп турушкан. Алар кыргыз-казак чек арасынан кармалды. Учурда бул иш боюнча тиешелүү иликтөө жүрүп жатат. Кыргызстан менен Казакстандын... Читать дальше...

Абакта жаткан мурдагы президент Алмазбек Атамбаев парламенттик шайлоого катышууну ойлонуп жатат. Бул тууралуу ал Бишкектеги Биринчи май райондук сотунда өткөн Кой-Таш окуясы боюнча сот процессинен кийин билдирди. "Мага мандаттын кереги жок. Бирок "тизменин башына туруп бериңиз" деп суранып жатышат. Бул тууралуу ойлонуп жатам. Катышсам дагы символикалуу түрдө гана катышам", - деди Атамбаев. Алмазбек Атамбаев 2019-жылы мыйзамдагы ууру Азиз Батукаевди түрмөдөн бошотуу иши боюнча камакка алынган. Читать дальше...

Норвегиядагы качкындар кеңеши (NRC) Ооганстандын экономикасы кыйроо алдында турганын, өлкө гуманитардык катастрофа коркунучуна кептелгенин эскертти. Уюмдун баш катчысы Ян Эгеланн 27-сентябрда Кабулдагы сапары маалында билдиргендей, Ооганстанда нак акча жетишсиздигинен банк системасы кыйрап калышы мүмкүн. "Биз абанын температурасы 20 градуска чейин төмөндөй турган кыш мезгилине чейин адам өмүрлөрүн сактап калуу үчүн убакыт менен жарышып жатабыз. Жер которууга аргасыз болгон жүз миңдеген адамдарга жакынкы жумаларда баш калка... Читать дальше...

26-сентябрда Тажикстандын укук коргоо кызматкерлери кармап кеткен делген Лейлек районунун Жаштык айылынын 26 жаштагы тургуну Орозбек Мирзаев "Кулунду" көзөмөл өткөрүү пункту аркылуу Кыргызстанга өткөрүлуп берилди. Бул маселе Баткен облусунун жана Тажикстандын Согд облусунун жетекчилигинин сүйлөшүүсүнөн кийин чечилген. Чек ара кызматынан “Азаттык” радиосуна билдиришкендей, 26-сентябрь күнү түштөн кийин Лейлек районунун Жаңы-Жер айыл аймагынын 26 жаштагы тургуну келинчеги менен Тажикстандын этникалык... Читать дальше...

Казакстандын башкалаасы Нур-Султанда жылуулук сезону башталганы абаны көк түтүн каптады. Бир эле жуманын ичинде абада зыяндуу газдардын көлөмү көбөйгөн 96 факт катталган. Экологдор бир миллион киши жашаган шаар көмүрдөн баш тартканда гана жагдай оңолот деп үмүттөнүшөт. "Азаттыктын" казак кызматынын видео баяны.

Түркиянын Бурса шаарындагы "Панорама 1326" музейинде Алтай элдеринин IX эл аралык симпозиуму башталды. Быйыл симпозиум "Эпостор жана эпикалык маданият" темасында өтүп жатат. Маданий иш-чаранын биринчи күнүндө Кыргызстандан барган манасчылар "Манас" эпосунан үзүндү айтышты. Ошондой эле, Кыргызстан, Казакстан, Түркия, Жапония, Монголия, Индия, Азербайжан, Венгрия жана Испания сыяктуу өлкөлөрдөн 80 илимпоз өз эмгектери менен катышууда. Илимий жыйын 30-сентябрга чейин Бурса шаарында уланат. Алтай таануу жыйындары буга чейин Бишкек... Читать дальше...

Казакстандын Ооганстандагы элчиси Алимхан Эсенгелдиев 26-сентябрда Кабул шаарында “Талибан” өкмөтүнүн тышкы иштер министринин милдетин аткаруучу Амир Хан Муттаки менен жолукту. Казакстандык маалымат каражаттары жазгандай, бул жогорку даражалуу казак расмий өкүлүнүн талибдер менен алгачкы сүйлөшүүсү. Казакстандын Тышкы иштер министрлигинин расмий билдирүүсүндө Ооганстандагы радикал топтун аты аталган жок. Анда Муттаки “Ооганстандагы убактылуу өкмөттүн тышкы иштер министринин милдетин аткаруучу” деп мүнөздөлдү. Читать дальше...

Бишкектин Биринчи май райондук сотунда Кой-Таш окуясы боюнча өтүп жаткан сотко мурдагы мамлекет башчы Алмазбек Атамбаев менен президенттик аппараттын мурдагы башчысы Фарид Ниязов жана саясатчы Равшан Жээнбеков сотко алынып келди. Айыпталгандардын бири Равшан Жээнбеков сот залы тар болуп жатканын, санитардык талаптарга жооп бербегенин эске алып ишти ачык, кенен имаратта өткөрүүнү талап кылды. "Пандемияны эске алып Кой-Таш окуясын караган сот үчүн санитардык талапка жооп берчү имарат бөлүүнү талап кылам. Читать дальше...