Новости за 11.09.2021

Пакистандагы эл аралык аба компаниясынын өкүлү кийинки жумадан тарта Кабулдан адамдарды эвакуациялоо үчүн чартердик каттамдар жанданарын билдирди. Өкүл Абдулла Хафиз Хан "Франс пресс" агенттигине авиакомпания учууга уруксат алганын маалымдады. Анын айтуусунда алгачкы чартердик каттам 13-сентябрда Исламабаддан учуп, кайра артка кайтат. Кабулга коммерциялык каттамдар качан жанданары белгисиз. Өкүлдүн айтуусунда чартердик каттамдар айрым чет өлкөлүк агенттиктер жана элчиликтердин, анын ичинде БУУ... Читать дальше...

Өзбекстандан табылган мурда белгисиз динозаврга Улугбекзавр деген ат берилди. Астронавттардын эл аралык тобу Күн системасынын жаңы каталогун түздү. Байыркы Рим империясында хитке айланган ыр табылды. 90 миллион жыл мурда жашаган Улугбекзавр Жыл башында Өзбекстандагы Кызылкум аймагында динозаврдын мурда белгисиз түрүнүн калдыктары табылган. Жапониядагы Цукуба университетинин окумуштуулары бул табылганы изилдөөгө алып, эми анын натыйжасы менен бөлүшүп жаткан кези. Илимий иш Royal Society Open Science... Читать дальше...

Кыргызстандын бардык аймагында быйылкы кургакчылыктын айынан чөп жакшы чыкпай калды. Мындан улам малынын теңинен көбүн сатып, жем-чөбүн азыртадан камдагандар арбын. "Азаттыктын" апта түрмөгүндө ушул көйгөй тууралуу сөз кылабыз. Ысык-Көл 34 жаштагы Нураалы Ибраев акыркы үч жылдан бери Түп районунун Каркыра өрөөнүндөгү Туз деген жайлоого элдин малын алып чыгып, кошумча киреше табат. Нураалы жубайы Зулайка экөөлөп жайлай уй саап, сүтүн өткөрүп тапкан кирешеси тоюттан артпай жатканына капа. "Мурда... Читать дальше...

"Азаттыктын" апта түрмөгүндө бул жолу малга тоют камдоо, чөп тартыштыгы темасында сөз болот.

12-сентябрда, түнкүсүн Баткен, Ош, Ысык-Көл облусунун айрым райондорунда өткүн өтүп, күн күркүрөйт. Күндүз Ысык-Көл, Нарын, Ош, Чүй жана Жалал-Абад облустарынын тоолуу райондорунда өткүн өтөт. Өрөөндөрдө жана дыйканчылык аймактарда күн ачык болот. Абанын температурасы: Чүй облусунда түнкүсүн 8…13, күндүз 22…27; Талас өрөөнүндө түнкүсүн 4…9, күндүз 21…26; Баткен, Ош, Жалал-Абад облустарында түнкүсүн 12…17, күндүз 25…30; Ысык-Көл облусунда түнкүсүн 7…12, күндүз 21…26; Нарын облусунда түнкүсүн 5…10, күндүз 19…24 градус жылуу болот. Читать дальше...

Катышуучулар Абдыкадыров көчөсүндөгү көпүрөдөн тарта Токтогул Сатылганов атындагы сейил бакка чейин чуркашты.

Британиянын бийлиги 2 тонна кокаинди конфискациялап, жергиликтүү бир жана Никарагуанын беш жаранын кармашты. Лондондогу кылмыштуулукка каршы агенттик ишембиде кабарлагандай, жүк Ямайкага таандык яхтадан алынган. Кайыкты Кариб аралынан Британиянын жээгине келген жеринен аталган агенттиктин кызматкерлери кармашкан. Баштапкы маалыматтар боюнча алынган баңгизаттын баасы 160 млн. фунт стерлинг же 222 млн. доллардан ашуун сумманы түзөт.

Бишкек шаарынын тургуну экстремисттик материалдарды даярдап, социалдык тармактарда таратканы үчүн шек саналып кармалды. Бишкек шаардык ички иштер башкармалыгынын басма сөз кызматы кабарлагандай ал "Владимер Вова" деген аккаунт менен экстремизмге чакырган материалдарды таратып жүргөн. Милиция шектүү - 56 жаштагы М. М. мурда да экстремисттик материалдарды таркатканы үчүн соттолгонун кабарлады. Иликтөө учурунда ал "Хизб ут-Тахрир Ал Ислами" кыймылында Чүй облусу боюнча "Маъсул" макамында болгону, облус аймагында уюмду башкарганы аныкталган. Читать дальше...

Акыйкатчы Токон Мамытов активист Орозайым Нарматованын милицияда кармалышынын мыйзамдуулугу боюнча Башкы прокуратурага кайрылды. Омбудсмен күбө катары суралган активисттин Ош аэропортунда кармалышын териштирүү зарыл деп эсептейт. Акыйкатчынын талабы Акыйкатчы Токон Мамытов Ош аба майданында кармалып, милицияда сурак берип чыккан активист Орозайым Нарматованын окуясын териштирүүнү өтүнүп, баш прокурор Курманкул Зулушевге кайрылды. Омбудсмендин басма сөз кызматы тараткан маалыматка ылайык, Токон... Читать дальше...

АКШ президенти Жо Байден 11 -сентябрдагы теракттын 20 жылдыгына арналган видео кайрылуусунда Американын элин улуттук ынтымакка чакырды. Ал ички биримдик 20 жыл мурун "Ал-Каиданын" террорчулары басып алган учактар Нью-Йорктогу Дүйнөлүк соода борборуна, Пентагондун имаратына урунганда жана Пенсильваниядагы талаага кулаганда 3 миңге жакын адам каза болгон чабуулдарга "чоң сабак" болот деп белгиледи. Байден "Твиттердеги" билдирүүсүндө, 20 жыл мурдагы чабуулдардан кийин "бардык жерде баатырдык" жана "өтө сейрек кездешүүчү нерсе... Читать дальше...

Бизнес-форум Соода-экономикалык кызматташтык боюнча кыргыз-түрк өкмөттөр аралык комиссиясынын 10-кеңешмесинин алкагында өттү. 10-сентябрда өткөн жолугушууга Кыргызстандын Министрлер кабинетинин төрагасы Улукбек Марипов жана Түркиянын вице-президенти Фуат Октай катышты. Форумдун жүрүшүндө Кыргызстандан Түркиянын ишкерлери энергетика, айыл чарба, тоо-кен өнөр жайына инвестицияларды тартуу, мамлекеттик-жеке өнөктөштүккө негизделген долбоорлорго тийиштүү маселелерди талкуулады. Марипов Түркия менен... Читать дальше...

Жарандык активист Орозайым Нарматова бүгүн, 11-сентябрда "Манас" аэропортунан Москвага учуп кетти. Бул тууралуу анын адвокаты Сейитбек Довлотов "Азаттыкка" билдирди. Активист Орозайым Нарматованы 10-сентябрда таңга маал Ош аэропортунан укук коргоо органдарынын кызматкерлери кармап кеткен. Ош шаардык ички иштер башкармалыгы ал кармалбаганын, Ички иштер министрлигинин тергөө тапшырмасы менен Бишкекке сурак берүү үчүн гана жеткирилгенин билдирген. Ички иштер министрлиги (ИИМ) Нарматова Жазык кодексинин “Расалык... Читать дальше...

Борбордук шайлоо комиссиясынын мүчөсү А. Э. алдамчылык менен кармалды. Бул тууралуу маалыматты Улуттук коопсуздук боюнча мамлекеттик комитеттин (УКМК) басма сөз кызматы 11-сентябрда таратты. Анда айтылгандай, коопсуздук комитетине А. Д. аттуу жаран арыз менен кайрылып, БШКнын мүчөсү "Кыргызстан" саясий партиясынын лидери менен кошо 550 000 доллар алганын билдирген. Акча 2020-жылы, июнь айында парламенттик шайлоого катышуучу партиялык тизмеде алдыңкы беш орундун ичине кошуу убадасы менен алынган. Читать дальше...

"Ата Мекен" жана "Реформа" партиялары демократиялык коалиция түзүү тууралуу меморандумга кол койду. Бир коалицияга биригүүнүн максаты - алдыдагы парламенттик шайлоого катышуу экени партиялардын 11-сентябрда тараткан билдирүүсүндө маалымдалган.  "Кыргызстандагы эң алгачкы, өлкөнүн мамлекеттик түзүлүшүндө жана саясий күрөштө бай тажрыйбага ээ "Ата Мекен" жана жаш саясий күч -"Реформа" саясий партияларынын союзу -жарандарга коопсуз жана татыктуу жашоо камсыздалган мамлекетти түзүү максатыбызга жетүүгө туура кадам деген ишеничтебиз. Читать дальше...

Бишкек мэриясынын маалыматына караганда, Бишкекке келген 210 автобус газ менен жүрөт. Автобустар бүгүн, 11-сентябрдан тарта эл ташууга чыгышты. Бишкек мэриясы “Эко Эл ташуу” ишканасы менен 350 автобусту алып келүү боюнча келишим түзгөн. Автобустар Жапониянын ISUZU жана Өзбекстандын “СамАвто” заводунан чыгарылган.   Келишимге ылайык, ишкана 2022-2023-жылдары газ менен иштеген автобустардын санын миңге чейин көбөйтүүгө милдеттүү. Быйыл жыл аягына чейин Бишкек шаарына 500дөн ашуун автобус сатылып алынары кабарланган. Читать дальше...

Каралоо, коркутуу жана куугунтуктоо максатында жеке жашоого мыйзамсыз кол салуу күнүмдүк көрүнүш болуп баратабы? Аялдардын жашоосуна анын кандай таасири бар? "Эже-сиңдилер" берүүсүндө ушул суроолорго жооп издедик.

9-сентябрь Кыргызстанда эки жылдан бери Комуз күнү катары белгиленип келет. “Азаттыктын” талкуу төрүндө белгилүү музыка изилдөөчүлөр жана күүчүлөр улуттук аспаптын баалуулугу жана келечеги тууралуу маек курушту.

Мелдеште кыргызстандык спортчу 50 килограммга чейинки салмакта каршылаштарынын баарын жеңип, дүйнөнүн чемпиону аталган.

UFC уюму кыргызстандык мушкер Валентина Шевченконун таймаштарындагы бүйүр кызыткан учурлардын видеосун жарыялады.

"Түндүк агым-2" газ куурунун курулушу аяктаганы тууралуу "Газпромдун" башчысы Алексей Миллер 10-сентябрда билдирди. Ишкананын басма сөз кызматы маалымдагандай, түтүктөрдү орнотуп жайгаштыруу иши 6-сентябрда бүткөн. Газ 1-октябрдан тарта кое берилиши күтүлүүдө. Долбоорго ылайык Балтика деңизинин түбү аркылуу Орусиядан Германияга газ жеткирүүчү түтүктөрдү жайгаштыруу 2019-жылы аягына чыгышы керек эле. АКШнын мурдагы президенти Дональд Трамптын санкциясынан улам иш токтоп калган. Азыркы президент... Читать дальше...

Акыйкатчы Токон Мамытов активист Орозайым Нарматованын кармалышынын мыйзамдуулугун текшерүү боюнча баш прокурор Курманкул Зулушевге кайрылат. Омбудсмендин басма сөз кызматы маалымдагандай, Токон Мамытов активисттин Ош аэропортунан кармалышы, күбө катары суралып жатып, Бишкекке эмне себептен жеткирилгенин түшүндүрүп берүүнү өтүнөт. Акыйкатчы Ички иштер министрлигинин (ИИМ) Нарматова Жазык кодексинин “Расалык, этностук, улуттук, диний же региондор ортосундагы кастыкты (араздашууну) козутуу” беренеси менен айыпталып жатканын кабарлап... Читать дальше...

"Талибан" (Кыргызстанда тыюу салынган) кыймылынын жоочулары мурдагы вице-президент Амрулла Салехтин агасы - Рохулла Салехти өлтүрүштү. Бул маалыматты анын жээни Reuters агенттигине маалымдап, маркумдун сөөгүн көмүүгө мүмкүнчүлүк берилбегенин билдирди. India Today басылмасынын маалыматына ылайык, Рохулла Салех Панжшердеги кагылышуу учурунда өлтүрүлгөн. Hindustan Times Рохулла Салех Панжшерден Кабулга чыгып кетүүгө аракет кылган учурда өлтүрүлгөнүн жазды. "Талибан" Панжшер капчыгайындагы кагылышта жеңишке жетишкенин эки жолу жарыялады. Читать дальше...

Ооганстанды көзөмөлүнө алып, эл аралык коомчулук тарабынан таанылган мурдагы президент Ашраф Ганинин бийлиги кулагандан төрт аптадан кийин "Талибан" өз өкмөтүн түзүп, курамын жарыялады. Жаңы режимдин маанилүү кызмат орундарын төмөнкү кишилер ээледи. 15-августта бүт дүйнө тааныган Кабул режими ишин токтотуп, эл аралык аскер күчтөрү Ооганстандан толук чыгып кеткенден бир нече күндөн кийин "Талибан" жаңы, теократиялык өкмөт түздү. "Талибан" лидери, мунасага келишти билбеген дин кызматкери, мурдагы... Читать дальше...

Жыйырма жыл мурда, 2001-жылы, 11-сентябрда төрт жүргүнчү учагын барымтага алган 19 жанкечти тарыхтагы эң чоң теракт жасашкан. Апааттан 3 миңдей адам каза болгон. АКШда 11-сентябрь курмандыктарын эскерүү жылдагыдай үч жерде өтөт. Президент Жо Байден Нью-Йорктогу кош мунаранын ордуна барып, эскерүү чарасына катышат. Андан кийин президент Пентагондогу үчүнчү учак кулаган жерге барат. Соңунда президент Байден жана вице-президент Камала Харрис Пенсильваниядагы төртүнчү учак кулаган Шанксвилла талаасына барып, маркумдарды эскерет. Читать дальше...

Кыргызстандын мектептериндеги “Адам жана коом” предметинин мугалимдери үчүн юридикалык клиникалар атайын окуу китебин иштеп чыгышат. Китеп онлайн түрүндө кыргыз жана орус тилдеринде жазылууда. Атайын сайтка жарыяланган бул китеп бардык аймактардагы мугалимдердин окуучуларга укук жөнүндө интерактивдүү сабак өтүүсүнө мүмкүнчүлүк берет. Долбоордун автору жана Кыргызстандын юридикалык клиникалар ассоциациясынын президенти Артур Бакиров демилге мектептерде укук тууралуу маалымат жетишсиздигинен улам көтөрүлгөнүн билдирди. Читать дальше...