Новости за 29.09.2021

29-сентябрда УКМКнын кызматкерлери абактагы саясатчы Равшан Жээнбековдун жардамчысы Айсулуу Кудайбердиеваны суракка чакырып, үйүндө тинтүү жүргүздү. Бул тууралуу “Азаттыкка” Кудайбердиеванын адвокаты Нурбек Токтакунов кабарлады. УКМК азырынча маалымат бере элек. "Азаттык" маалымат сурап атайын кызматка кайрылды. Айсулуу Кудайбердиева саат 16:00дөн баштап УКМКда эки сааттай суракка алынган. Атайын кызматка барып суралып чыкканын Кудайбердиева өзү да "Фейсбук" баракчасына жазды Окуя тууралуу Нурбек Токтакунов буларды билдирди... Читать дальше...

Улуттук банктын төрагасы Толкунбек Абдыгулов кызматтан кетти. Анын ордуна Кубанычбек Бөкөнтаевдин талапкерлигин парламент бекитти. Абдыгулов өз чечимин башка ишке өтүп жаткандыгы менен түшүндүрдү. Бирок айрым депутаттар бул жараянды саясий оюндар менен байланыштырып, анын арты валюталык кризиске жеткириши мүмкүн деген кабатырланууларын айтты. Жогорку Кеңештин депутаттары - Абдывахап Нурбаев, Самат Ибраев, экономист Расул Түлеев, саясат таануучу Шерадил Бактыгулов дал ушул тема боюнча талкууга катышты.

Укук коргоочу Азимжан Аскаровдун өлүмүн иликтөөнү Башкы прокуратура Улуттук коопсуздук боюнча мамлекеттик комитетине (УКМК) өткөрүп берди. 2010-жылдын июнь окуялары үчүн өмүрүнүн аягына чейин эркинен ажыратылган укук коргоочу өткөн жылы Бишкектеги №47 колонияда көз жумган. Буга чейин Аскаровдун өлүмүн Жаза аткаруу мамлекеттик кызматы иликтеп жаткан. Эми бул иш акыйкат тергелип, күнөөлүүлөр аныкталып, тиешелүүлөр жазага тартылышы керек дейт маркумдун жубайы Хадича Аскарова. “Мен да кабардар болдум. Читать дальше...

Тышкы иштер министри Руслан Казакбаев Брюсселде Еврошаркеттин жетекчилиги менен жолукту. 28-сентябрда министр Евробиримдиктин тышкы саясат боюнча комиссары Жозеп Боррел менен жолукту. Жолугушууда эки тараптуу кызматташтык, Ооганстандагы акыркы кырдаалга байланыштуу аймактын коопсуздук маселеси каралды. Тараптар 5-ноябрда Кыргызстанда өтө турган Евробиримдик менен Борбор Азия өлкөлөрүнүн биринчи экономикалык форуму тууралуу да пикир алышты. Казакбаев Боррелден тышкары Европа Кеңешинин президентинин тышкы саясат боюнча кеңешчиси Саймон Мордю... Читать дальше...

АКШнын генерал-майору, Монтана штатынын армиясынын командири Питер Хронек 25-29-сентябрда Кыргызстанга атайын иш сапар менен келди. Ал Өзгөчө кырдаалдар министрлиги, Мамлекеттик чек ара кызматынын жетекчилери менен жолукту. Иш сапардын жүрүшү тууралуу генарал-майор "Азаттыкка" маек курду. - Питер мырза, сиз сапарыңыз учурунда өзгөчө кырдаалдар министрине жолугуп, Кой-Таштагы аскердик бөлүктө дагы болуптурсуз. Сиздин сапардын негизги максаты эмне? - Мен быйыл январь айында Монтана штатынын армиясына... Читать дальше...

Улуттук коопсуздук боюнча мамлекеттик комитет (УКМК) президенттин Талас облусундагы ыйгарым укуктуу өкүлчүлүгүндө коррупциялык схеманы аныктады. Мекеменин басма сөз кызматы кабарлагандай, айрым кызматкерлер өкүлчүлүктүн имаратында жайгашкан бөлмөлөрдү коммерциялык жана коомдук уюмдарга ижарага берип, андан түшкөн каражаттарды өзү алып жүргөн.  Мындан тышкары ыйгарым укуктуу өкүлдөр үчүн курулган ведомстволук турак жайда коммуналдык кызматтарга жана аталган үйдү коргоого мамлекеттик бюджеттен акча мыйзамсыз төлөнүп турган. Читать дальше...

29-сентябрда Ош облусунун Алай районундагы Гүлчө айылында фестивалдын ачылышы болду. Тоо театрларынын башын бириктирген маданий иш-чара Алымбек датканын 220, Курманжан датканын 210 жана Алай театрынын 75 жылдыгына арналууда. Токтогул Ажибаев атындагы Алай музыкалык-драма театрынын жетекчиси Алымкул Исаков бул иш-чаранын максаты аймактагы чыгармачыл топторду колдоо, элдин жан дүйнөсүн байытуу экенин белгиледи. Фестивалда өлкөнүн жети облусунан келген жана Өзбекстандын Наманган облустук музыкалык-драма... Читать дальше...

Эмгек мигранттарынын укугун коргогон, таанымал активист Иззат Амондун сотуна катышкан Тажикстандын Башкы прокуратурасынын прокурору айыпталуучуну тогуз жыл эркинен ажыратууну соттон суранды. Амон өтө чоң өлчөмдө көз боёмочулук кылган деп айыпталууда. Ал ортодо Дүйшөмбүнүн шаардык сотунун катчысы Амондун иши жабылганын, 1 миллион 90 миң рубль чыгымды төлөп бергенин, эми ырайым алса абактан чыгарын билдирди. Укук коргоочу жети айдан бери камакта отурат. Москвадагы тажик борборунун жетекчиси Иззат Амондун орус жарандыгы жокко чыгарылып... Читать дальше...

Орусияда Кремлдин башкы сынчысы Алексей Навальныйга жана анын үзөңгүлөштөрүнө "экстремизмге" байланыштуу жаңы кылмыш иши козголду. Эгер сот аларды күнөөлүү деп тапса, кеминде эки жылга чейин эркинен ажыратылышы мүмкүн. Орусиянын Тергөө комитети 28-сентябрда билдиргендей, Алексей Навальный 2014-жылы "Орусиядагы конституциялык түзүлүштү өзгөртүү үчүн экстремисттик түйүн түзгөн жана аны башкарган" деп айыпталууда. Ал эми анын өнөктөштөрү Леонид Волков менен Иван Ждановго "экстремисттик түйүндүн ишин жүргүзгөн"... Читать дальше...

Кабул университети студент кыздарды жана аял окутуучуларды киргизбейт. Мындай чектөө университетте "чыныгы исламчыл чөйрө" түзүлмөйүнчө уланат. Бул тууралуу университеттин жаңы ректору Мохаммад Ашраф Гайрат билдирди. "Талибан" радикал кыймылы (Кыргызстанда жана башка өлкөлөрдө тыюу салынган) эркек балдар менен эркек мугалимдер үчүн гана мектептерди ачууга буйрук берди. Ооганстан дүйнөдө кыздар мектепке бара албай калган жалгыз өлкө болуп калышы мүмкүн. 1990-жылдары талибдер өлкөнү башкарып турганда аялдардын билим алуусуна тыюу салынган. Читать дальше...

Бүгүн, 29-сентябрда Бишкектин Биринчи май райондук сотунда "Кумтөр иши" боюнча айыпталып жаткан мурдагы депутат Алмазбек Баатырбековдун иши каралбай калды. Буга айыпталуучунун адвокаты менен мамлекеттик айыптоочу сотко келбей калганы себеп болду. Натыйжада соттук териштирүү 12-октябрга жылды. "Кумтөр иши" боюнча айыпталып жаткан мурдагы депутаттар Алмазбек Баатырбеков менен Исхак Пирматовдун соту 1-сентябрда башталган. Биринчи май райондук соту Исхак Пирматовду "Коррупция" беренеси боюнча айыптап... Читать дальше...

Кыргыз-тажик чек арасында апрель айынын соңундагы куралдуу жаңжалдан жабыр тарткан Баткен жана Лейлек районундагы ишкерлер мамлекет тарабынан каржылык колдоо тегиз берилбегенине нараазы. Элүүдөй ишкерге мамлекеттик казынадан ссуда берилип, дагы 44 ишкер алалбай жатканын даттанууда.

Өзбекстанда өспүрүмдөргө 12 жаштан тарта өз эрки менен Pfizer вакцинасын сайдырууга уруксат берилди. Бул тууралуу коңшу өлкөнүн башкы санитардык дарыгеринин, Улуттук техникалык иммунологиялык экспертизанын токтому чыкты. 28-сентябрда Өзбекстандын Саламаттык сактоо министрлиги Pfizer вакцинасын сайдырган 12-15-жаштагы өспүрүмдөргө жасалган клиникалык сыноо жакшы натыйжа бергенин билдирди. Дүйнөлүк саламаттык сактоо уюму дагы 12 жаштан тарта Pfizer вакцинасын сайдырса болорун сунуш кылган. 13-сентябрда... Читать дальше...

Кыргызстанга жылына болжол менен 4,5 млн. уюлдук телефон аткезчилик менен кирерин Жогорку Кеңештин депутаты Жанар Акаев 29-сентябрда парламенттин отурумунда билдирди. "Мамлекеттик бажы кызматынын маалыматына ылайык, бир жылда 1,5 млн. чамалуу телефон Кыргызстандын базарларына кирет экен. Ал эми Улуттук статистика комитетинин маалыматында "жылына 6 млн. телефон кирет" деп турат. Демек, ортодо 4,5 млн. чамалуу телефон аткезчилик менен кирип жатат. Мындан мамлекеттик бюджет олчойгон зыян тартып жатат". Читать дальше...

АКШ Орусиядан Борбор Азиядагы орус базаларын колдонууга байланыштуу сунушунун чоо-жайын сураганы белгилүү болду. Бул тууралуу  Wall Street Journal басылмасы америка өкмөтүндөгү булактарына таянып жазып чыкты. Бирок мындай маалымат боюнча Кремль комментарий берүүдөн баш тартты.  Wall Street Journal басылмасы жазгандай, Борбор Азиядагы орус базаларына байланыштуу маселе АКШ армиясынын штаб башчыларынын бириккен комитетинин жетекчиси Марк Милли менен Орусиянын куралдуу күчтөрүнүн башкы штабынын башчысы... Читать дальше...

Жогорку Кеңештин вице-спикери Аида Касымалиева 29-сентябрдагы парламент жыйынында "Ынтымак" телеканалы тууралуу маселени көтөрдү. Ал телеканалды азыркы отурган имаратынан чыгаруу аракети териштирилиши керектигин белгиледи. "Коомдук статусу бар телеканалды шарттарын айтпастан кууп чыкканы туура эмес. Бул боюнча териштирүү болуш керек. Маданият министрлигинде жана телеканалды караган тийиштүү органдарда так чечимдер болушу зарыл жана коргоого алууга тийиш", - деди Касымалиева. Эл өкүлү бул боюнча... Читать дальше...

Жогорку Кеңеш Улуттук банктын төрагасы Толкунбек Абдыгуловдун кызматтан кетүү боюнча арызын карап, кабыл алды. Анын ордуна Кубанычбек Бөкөнтаевдин талапкерлиги сунушталып, бекилди.

28-сентябрда Минск шаарында атайын операция маалында Мамлекеттик коопсуздук комитетинин кызматкери жана карапайым жаран өлтүрүлдү. Коопсуздук комитети билдиргендей, кызматкерлер "террористтик иштерга аралашкан адамдарды издеп, тургундардын үй-жайын текшерип жүргөндө, батирлердин биринен өтө коркунучтуу адам кызматкерлерге ок аткан". Кызматкерлер ага каршы ок чыгарышкан. "Азаттыктын" беларус кызматы "Еврорадиого" шилтеме берип, ок чыгарган киши EPAM Systems компаниясынын кызматкери Андрей Зельцер болушу мүмкүн экенин жазды. Читать дальше...

Улуттук коопсуздук боюнча мамлекеттик комитет (УКМК) "Ош аэропортундагы" көзөмөл-өткөрмө бекеттеринде иштеген чек ара кызматкерлеринин коррупциялык агымын аныктады. Мекеменин басма сөз кызматы кабарлагандай, алар чет өлкөлүк жарандардан акча алып турган деп шек саналууда. Маалыматка ылайык., буга байланыштуу кылмыш иши козголду. Учурда аэропорттогу 20 чек арачыны текшерүү иштери уланып жатат. Кыргызстанга келген чет элдик жарандар башка күч түзүмдөрүнөн да ыдык көрүп жүрүшкөнү буга чейин да... Читать дальше...

Бишкекте Дүйнө элдеринин эпосторунун VI эл аралык фестиваль өттү. Ага Өзбекстан, Орусия, Азербайжан баштаган ондон ашык өлкөдөн илимпоздор жана өнөр адамдары катышты. Уюштуруучулар фестивалдын башкы максаты Кыргызстанды эпостордун өлкөсү катары таанытуу жана эл аралык маданий мамилени бекемдөө экенин белгилешти.

YouTube платформасы орусиялык RT (Russia Today) медиа мекемесине таандык болгон немис тилдүү эки каналды өчүрүп, Москванын кыжырына тийди. Бул тууралуу RT DE каналын иштетип келген Динара Токтосунова 28-cентябрда телеграм-каналы аркылуу билдирди. YouTube'га ээлик кылган Google компаниясы билдирүү жасап, эки канал COVID-19 жана вакциналар тууралуу туура эмес маалымат таратып келгенин жүйө келтирди. Google буга чейин RT DE каналынын видеону жарыялоо укугун чектеп, эскертүү берип келген. RT DE каналы ал чектөөнү айланып өтүп... Читать дальше...

Кубанычбек Бөкөнтаевди Улуттук банктын төрагалыгына дайындоо тууралуу президент Садыр Жапаровдун сунушуна парламенттин 76 депутаты "макул" деп добуш берди. Жогорку Кеңеш бүгүн, 29-сентябрда Улуттун банктын мурдагы төрагасы Толкунбек Абдыгуловдун кызматтан кетүү тууралуу арызын кабыл алган. Андан кийин анын ордуна Улуттук банктын төрагалыгына Кубанычбек Бөкөнтаевди дайындоо тууралуу президенттин сунушун карады. Улуттук банктын төрагалыгына талапкер Кубанычбек Бөкөнтаев 2006-жылдан 2010-жылга... Читать дальше...

Саясатчы, Кой-Таш окуясы боюнча айыпталып жаткандардын бири Равшан Жээнбеков парламенттик шайлоого талапкер катары катышууну каалаганын, бирок Борбордук шайлоо комиссиясы (БШК) документтерди кабыл албай жатканын айткан. Саясатчынын айткандарын 24.kg агенттиги жазды. Бүгүн, 29-сентябрда Бишкектин Биринчи май райондук соту Кой-Таш окуясы боюнча ишти карады. Жээнбеков ошол сотко алып келинген. "Мен өзүмдүн ишенимдүү өкүлүмдү документтерди тапшыруу үчүн жөнөткөм. Боршайком документти кабыл албай койду, мен өзүм барышым керек экен. Читать дальше...

Жогорку Кеңеш Улуттук банкты акыркы жети жылдан бери башкарып келген  Толкунбек Абдыгуловдун кызматтан кетүү тууралуу арызын карап, кабыл алды. Анын ордуна апрель окуясына чейин Улуттук банктын төрага орун басары болуп иштеген Кубанычбек Бөкөнтаевдин талапкерлиги сунушталып, бекитилди. Абдыгулов өз чечимин башка ишке өтүп жаткандыгы менен түшүндүрдү. Бирок айрым депутаттар бул жараянды саясий оюндар менен байланыштырып, анын арты валюталык кризиске алып келиши мүмкүн деген камтамачылыгын айтты. Читать дальше...

Кыргызстанга 25-сентябрдан 29-сентябрга чейин атайын иш сапар менен келген АКШнын Монтана штатынын адъютант-генералы Питер Хронек Ооганстандагы абалга жана Борбор Азиядагы коопсуздукка Америка байкоо салып турганын "Азаттыкка" курган маегинде айтты. "Биз үчүн Кыргызстандын жана бул аймактагы бардык өлкөлөрдүн коопсуздугу, аймактык бүтүндүгү, көз карандысыздыгы өзгөчө мааниге ээ. Коопсуздук жаатында Кыргызстан каалаган өлкө менен кызматташа алат. Ооганстандагы окуялар кандай нукка бурулбасын АКШ ар дайым аскерлерди окутуу... Читать дальше...