Новости за 04.12.2019

Францияда жашаган чехиялык жазуучу Милан Кундера 40 жыл мурда ажыратылган жарандыгын кайра алды. Бул тууралуу «Právo» гезити жазып, тийиштүү документтердин нускасын жарыялады. «Реалдуулуктун өтө оор жеңилдиги», «Күлкү жана унуткаруу китеби» сыяктуу чыгармалардын автору 1974-жылы миграцияга кеткенине байланыштуу коммунисттик бийлик аны 1979-жылы жарандыктан ажыраткан. 90 жаштагы Кундера акыркы жылдары туулуп-өскөн мекенине бир канча жолу келип кеткен. Бирок француз тилинде жазган акыркы романдарын чех тилине которууга тыюу салган. Читать дальше...

Швециянын TV4 телеканалы «Эркин Европа/Азаттык» радиосу менен бирге мыйзамсыз миграцияга өбөлгө түзгөн өкмөттүк системадагы өксүктөр тууралуу иликтөөсүн жарыялады. Журналисттер КМШ өлкөлөрүнөн, анын ичинде Борбор Азиядан эмгек визасы жок келген мигранттар ортомчуларга ишенип, эмгек кулчулугуна кабылып жатканын иликтешкен. Иликтөөдө Стокгольмдо бир жашыруун компания 2016-жылдан бери бир миңден ашуун мигрантка мыйзамсыз ишке орношууга көмөктөшкөнү баяндалат. 40 мүнөттүк тасма 2-декабрда жарыяланды. Читать дальше...

«Журналисттер» коомдук бирикмеси «NewTV» телеканалынын кабарчылары кабылган жагдайга тыкыр көз салат. - Биз окуяны Жалпыга маалымдоо каражаттарынын жана журналисттердин укук тарынын бузуушуна мониторинг жүргүзүү долбоорунун алкагында каттоого алдык. Чүй жана Бишкек шаары боюнча өкүлүбүз тийиштүү маалыматтарды чогултат. Биздин өтүнүч - телеканал жетекчилиги маселени өз ара чечүүгө барбашы керек, - деди уюмдун жетекчиси Марс Төлөгөнов. Каналдын кабарчысы Дуйшөн Шаршенбековго, оператор Калыбек Абдумомутовго... Читать дальше...

Сириядагы кыргызстандыктардын тек-жайы такталып бүтө элек. Улуттук коопсуздук боюнча мамлекеттик комитет (УКМК) бул багыттагы иштердин экинчи фазасы жүрүп жатканын «Азаттык» радиосуна 2-декабрда маалымдаган. Сириядагы, Ирактагы кыргызстандыктарды мекенине алып келиш үчүн эл аралык уюмдар менен сүйлөшүүлөр Кыргызстандын Түркиядагы дипломатиялык корпусу аркылуу жүрүп жатканын өкмөт мурда кабарлаган. Баштапкы маалыматтарга ылайык, аялдар жана балдар күзүндө алынып келиши керек болчу, бирок азырынча ал ишке аша элек. Читать дальше...